worldcup 2023 | pakistan-vs-south-africa | pakistan: 13-வது ஒருநாள் (50 ஓவர்) உலகக் கோப்பை கிரிக்கெட் திருவிழா இந்தியாவின் பல்வேறு நகரங்களில் விறுவிறுப்பாக நடைபெற்று வருகிறது. இந்த தொடரில் நேற்று வெள்ளிக்கிழமை) சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் நடந்த 26வது போட்டியில் பாகிஸ்தான் - தென் ஆப்ரிக்கா அணிகள் மோதின. மிகவும் பரபரப்பாக அரங்கேறிய இந்தப் போட்டியில் 1 விக்கெட் வித்தியாசத்தில் த்ரில் வெற்றி பெற்றது.
டாஸ் வென்று முதலில் பேட்டிங் செய்த பாகிஸ்தான் அணி 46.4 ஓவர்களில் அனைத்து விக்கெட்டையும் இழந்து 270 ரன்னுக்கு ஆல் அவுட் ஆனது. அந்த அணியில் அதிகபட்சமாக சவுத் ஷகீல் 51 ரன்களும், கேப்டன் பாபர் அசாம் 50 ரன்களும் எடுத்தனர். தொடர்ந்து 271 ரன்கள் கொண்ட வெற்றி இலக்கை துரத்திய தென் ஆப்பிரிக்கா 47.2 ஓவர்களில் 9 விக்கெட்டுகளை இழந்து இலக்கை எட்டிப்பிடித்தது. அதிகபட்சமாக ஐடன் மார்க்ராம் 91 ரன்கள் எடுத்தார்.
உலகக் கோப்பை அரைஇறுதி - பாகிஸ்தானுக்கு இன்னும் வாய்ப்பு இருக்கா?
தென் ஆப்பிரிக்காவுக்கு எதிரான நேற்றைய போட்டிக்கு முன்பாக, நடப்பு உலகக் கோப்பை தொடரில் 5 போட்டிகளில் விளையாடி இருந்த பாகிஸ்தான் 2 போட்டிகளில் மட்டுமே வென்று 4 புள்ளிகளுடன் புள்ளிகள் பட்டியலில் 5வது இடத்தில் உள்ளது. அந்த அணி மீதமுள்ள 4 போட்டிகளிலும் வெற்றி பெற வேண்டிய காட்டயத்தில் தென் ஆப்பிரிக்காவை எதிர்கொண்டது. இந்தப் போட்டியில் தோல்வியடைந்தால் அந்த அணிக்கான அரைஇறுதிக்கு செல்லும் வாய்ப்பு குறைந்துவிடும் என இருந்தது. இப்போது, தென் ஆப்பிரிக்காவுக்கு எதிரான ஒரு விக்கெட் தோல்வியைத் தொடர்ந்து, பாகிஸ்தானின் அரைஇறுதி வாய்ப்பு மீண்டும் கணிசமாகக் குறைந்துள்ளது.
இந்த தொடரில் இனி எதாவது அதிசயத்தை பாகிஸ்தான் நிகழ்த்தினால் மட்டுமே அரைஇறுதி வாய்ப்பை பெற முடியும். அப்படி அவர்களால் முதல் நான்கு இடங்களுக்குள் வர முடியுமா? என்கிற கணித அடிப்படையிலான கணிப்புகளை இங்கு பார்க்கலாம்.
பாகிஸ்தானின் தற்போதைய நிலை எப்படி?
பாகிஸ்தானின் தற்போதைய நிலையைப் பொறுத்தவரை, பாபர் அசாம் தலைமையிலான அந்த அணி தற்போது 6 ஆட்டங்களில் விளையாடி இரண்டு வெற்றிகளுடன் புள்ளிகள் பட்டியலில் 6வது இடத்தில் உள்ளது.
பாகிஸ்தானின் மீதமுள்ள போட்டிகள்
பாகிஸ்தான் அணி கொல்கத்தாவின் ஈடன் கார்டனில் வருகிற அக்டோபர் 31ம் தேதி வங்கதேச அணியை எதிர்கொள்கிறது. பின்னர் அவர்கள் நவம்பர் 4ம் தேதி நியூசிலாந்தை எதிர்கொள்வதற்காக பெங்களூரு செல்கிறார்கள். தொடர்ந்து, நவம்பர் 11ம் தேதி இங்கிலாந்தை எதிர்கொள்ள மீண்டும் கொல்கத்தா திரும்புகிறார்கள்.
பாகிஸ்தான் அரைஇறுதிக்கு இன்னும் எப்படி தகுதி பெற முடியும்?
முதலில், பாகிஸ்தான் மீதமுள்ள 3 போட்டிகளிலும் வெற்றி பெற வேண்டும். இது அவர்கள் 10 புள்ளிகள் பெற உதவும். அதைத் தொடர்ந்து மற்ற போட்டிகளின் முடிவுகள் அவர்களுக்குச் சாதகமாக இருக்க வேண்டும்.
இப்போது, பாகிஸ்தான் அரையிறுதிக்குத் தகுதிபெற, மற்ற அணிகளின் முடிவுகள் எப்படி இருக்க வேண்டும் என்பதை இங்கு சுருக்கமாக பார்க்கலாம்.
ஆஸ்திரேலியா
தற்போதைய நிலை - 5 போட்டிகளில் 3ல் வென்று 6 புள்ளிகள் எடுத்துள்ளது.
மீதமுள்ள போட்டிகள் - நியூசிலாந்து, இங்கிலாந்து, ஆப்கானிஸ்தான், வங்கதேசம்
பாகிஸ்தானுக்கு அவர்கள் செய்ய வேண்டியது என்னவென்றால், பாகிஸ்தானின் மோசமான நிகர ரன் ரேட்டைக் கருத்தில் கொண்டு, ஆஸ்திரேலியா தனது மீதமுள்ள நான்கு போட்டிகளில் குறைந்தது 3ல் தோல்வியடைய வேண்டும். இரண்டு தோல்விகள், மூன்று முறை பாகிஸ்தான் வெற்றிகள் என இரு அணிகளும் 10 புள்ளிகளுடன் சமநிலையில் இருக்கும். நியூசிலாந்து ஏற்கனவே 8 புள்ளிகளைக் குவித்துள்ள நிலையில், இங்கிலாந்து, ஆப்கானிஸ்தான் மற்றும் வங்கதேசத்திற்கு எதிராக ஆஸ்திரேலியாவை தோற்கடிக்க பாகிஸ்தான் விரும்பும்.
இலங்கை
தற்போதைய நிலை - 5 போட்டிகளில் 2ல் வென்று 4 புள்ளிகள் எடுத்துள்ளது.
மீதமுள்ள போட்டிகள் - ஆப்கானிஸ்தான், இந்தியா, வங்கதேசம், நியூசிலாந்து
பாகிஸ்தானுக்கு அவர்கள் செய்ய வேண்டியது, கடைசி நான்கு போட்டிகளில் குறைந்தது இரண்டையாவது தோல்வியடைய வேண்டும். முதல் மூன்று அணிகளில் இருக்கும் இந்தியா மற்றும் நியூசிலாந்திடம் தோற்றால், இலங்கை ஆப்கானிஸ்தானை வீழ்த்த வேண்டும் என்று பாகிஸ்தான் விரும்பும்.
ஆப்கானிஸ்தான்
தற்போதைய நிலை - 5 போட்டிகளில் 2ல் வென்று 4 புள்ளிகள் எடுத்துள்ளது.
மீதமுள்ள போட்டிகள் - இலங்கை, நெதர்லாந்து, ஆஸ்திரேலியா, தென் ஆப்பிரிக்கா
பாகிஸ்தானுக்கு அவர்கள் செய்ய வேண்டியது என்னவென்றால், இலங்கையைப் போலவே அவர்களும் இரண்டு போட்டிகளில் தோல்வியடைய வேண்டும்.
வங்கதேசம்
தற்போதைய நிலை - 5 போட்டிகளில் ஒன்றில் வென்று 2 புள்ளிகள் எடுத்துள்ளது.
மீதமுள்ள போட்டிகள் - நெதர்லாந்து, பாகிஸ்தான், இலங்கை, ஆஸ்திரேலியா
வங்கதேசம் கடைசி 3 போட்டிகளிலும் வெற்றி பெற்றால் - 8 புள்ளிகளை மட்டுமே அடையும். எனவே, அவர்கள் அரையிறுதி போட்டியில் இருந்து வெளியேறுவார்கள்.
இங்கிலாந்து
தற்போதைய நிலை - 5 போட்டிகளில் ஒன்றில் வென்று 2 புள்ளிகள் எடுத்துள்ளது.
மீதமுள்ள போட்டிகள் - இந்தியா, ஆஸ்திரேலியா, நெதர்லாந்து, பாகிஸ்தான்
வங்கதேசத்தைப் போலவே, இங்கிலாந்தும் இன்னும் பாகிஸ்தானை எதிர்கொள்ளவில்லை. அந்த போட்டியில் தோற்றால் மட்டுமே 8 புள்ளிகளை எட்டும்.
நெதர்லாந்து
தற்போதைய நிலை - 5 போட்டிகளில் ஒன்றில் வென்று 2 புள்ளிகள் எடுத்துள்ளது.
மீதமுள்ள போட்டிகள் - வங்கதேசம், ஆப்கானிஸ்தான், இங்கிலாந்து, இந்தியா
மீதமுள்ள நான்கு போட்டிகளில் குறைந்தபட்சம் ஒன்றில் தோற்றால் கூட பாகிஸ்தானுக்கு அரையிறுதி வாய்ப்பு கிடைக்கும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/OwNPbpXApSntal1BeSB1.jpg)
