India vs West Indies Score: 125 ரன்கள் வித்தியாசத்தில் இந்தியா பிரம்மாண்ட வெற்றி! 143 ரன்களில் சுருண்ட விண்டீஸ்!

34.2வது ஓவரில், வெஸ்ட் இண்டீஸ் அனைத்து விக்கெட்டுகளையும் இழந்து 143 ரன்களுக்கு ஆல் அவுட்டானது. இதனால், இந்திய அணி 125 ரன்கள் வித்தியாசத்தில் பெரும் வெற்றிப் பெற்றது. 

சஹால் ஓவரில், ஓஷானோ தாமஸ் எட்ஜ் ஆக, ஸ்லிப்பில் நின்றிடுந்த ரோஹித், அதை கேட்சாக்கினார். ஆனால், மூன்றாவது நடுவர் சோதனை செய்த போது, பந்து தரையில் படுவது தெரிந்ததால், தாமஸ் எஸ்கேப்.

சஹால் ஓவரில், ஒரு பவுண்டரி, சிக்ஸ் என பறக்கவிட்ட காட்ரல், அதே வேகத்தில் சஹாலிடம் எல்பிடபிள்யூ ஆகி வெளியேற, இந்தியா வெற்றிப் பெற இன்னும் ஒரு விக்கெட்டே மீதம்.

ஷமி ஓவரில், பேக்வேர்ட் பாயிண்ட்டில் அறைந்த ஹெட்மயர் 18 ரன்களில் கேட்ச்சாக, வெஸ்ட் இண்டீஸ் எட்டாவது விக்கெட்டை பறிகொடுத்தது. 

இந்திய அணி 250 ரன்கள் தாண்டிய போதே, எனது நண்பன் ஒருவன் சொன்னார், 'இந்த டார்கெட் நமக்கு போதுமென்று'. நான் அவரிடம் அடித்துக் கூறினேன். வெஸ்ட் இண்டீஸ் சேஸிங் செய்யுமென்று. அப்போது அவர் சொன்னார், 'வெஸ்ட் இண்டீஸ் பேட்ஸ்மேன்களுக்கு இந்திய பவுலிங்கை எதிர்கொள்ளும் அளவுக்கு பொறுமை கிடையாது என்று'. இப்போது அவரின் கூற்று உண்மையாகிவிட்டது. 

26.1வது ஓவரில் பிரத்வெயிட்டை காலி செய்த பும்ரா, அடுத்த பந்திலேயே ஆலனை எல்பியாக்க வெஸ்ட் இண்டீஸ் 27 ஓவர்கள் முடிவில், 7 விக்கெட் இழப்பிற்கு 107 ரன்கள் எடுத்து, தோல்வியின் விளிம்பில் உள்ளது.

Two in two for Bumrah. Oh what a player 😎😎#TeamIndia #CWC19 pic.twitter.com/0qlbKvwcW1

— BCCI (@BCCI) 27 June 2019

சாஹலின் அல்வா பந்தில் நிதானம் இழந்த கேப்டன் ஜேசன் ஹோல்டர், ஆப் சைடில் தூக்கி அடிக்க, மிக அழகான கேட்ச் ஒன்று கேதர் ஜாதவ் கைகளில்... 13 பந்துகளில் 6 ரன்கள் எடுத்து ஹோல்டர் வெளியேற, வெஸ்ட் இண்டீஸ் தனது ஐந்தாவது விக்கெட்டை பறிகொடுத்து. 

வெஸ்ட் இண்டீஸ், 14 ஓவர்களில் 2 விக்கெட் இழப்பிற்கு, 45 ரன்கள் எடுத்துள்ளது. இந்தியா, உண்மையில் அபாரமான பவுலிங்கை வெளிப்படுத்தி வருகிறது. நிகோலஸ் பூரன், சுனில் ஆம்ப்ரிஸ் களத்தில் உள்ளனர். பூரண், பூரணமாக ஃபார்மில் இல்லை என்பது கூடுதல் ஸ்பெஷல் தகவல்

வேகப்பந்து வீச்சில் இரண்டு விக்கெட்டுகள் வீழ்ந்துள்ள நிலையில், 11வது ஓவரில், குல்தீப் யாதவை பந்து வீச வைத்திருக்கிறார் கேப்டன் விராட் கோலி. ஸ்லோ பிட்ச் என்பதால், ஸ்பின் கைக்கொடுக்கும் என நம்பலாம். ஆனால், வெஸ்ட் இண்டீசுக்கு மிக கவனமாக ஸ்பின் வீச வேண்டும். இல்லையெனில், கதை கந்தலாகிவிடும். 

36 vs பாகிஸ்தான்

7 vs ஆஸ்திரேலியா

4 vs இங்கிலாந்து

6 vs வங்கதேசம்

3 vs நியூசிலாந்து

10 vs இந்தியா

வலிமையான பேட்டிங் வரிசை இருந்தும், ஓப்பனிங் பார்ட்னர்ஷிப் சரியாக அமையாமல், வெஸ்ட் இண்டீஸ் இத்தொடர் முழுவதும் தடுமாறி வருகிறது. 

ஷாய் ஹோப்-ன் மோசமான ஃபார்ம் இன்றைய போட்டியிலும் தொடருகிறது. முகமது ஷமி ஓவரில், 5 ரன்களில் ஷாய் ஹோப் போல்டாக, வெஸ்ட் இண்டீஸ், தனது இரண்டாவது விக்கெட்டை இழந்தது.

Shami on fire 🔥🔥

West Indies 16/2 after 7 overs https://t.co/KlXS8z1U50 #CWC19 pic.twitter.com/6n54EprfmV

— BCCI (@BCCI) 27 June 2019

மிகப் பொறுமையாக தனது இன்னிங்சை தொடங்கி ஆடி வருகிறது வெஸ்ட் இண்டீஸ் அணி. இலக்கு மிக எளிதானது. ஆகையால், தொடக்கத்தில் இந்த நிதானம் பெரிய பிரச்சனையல்ல... இன்னும் சொல்லப் போனால், இது அவசியமான நிதானமே. ஆனால், மீண்டும் சொல்கிறேன், அவர்கள் அதிரடியாக ஆடச் சென்றால், வெஸ்ட் இண்டீஸ் ஜெயிப்பது ரொம்ப கடினம்.

முகமது ஷமியின் ஓவரில், மிட் ஆனில் கேதர் ஜாதவிடம் கேட்ச் கொடுத்து, 19 பந்துகளில் 6 ரன்கள் எடுத்து க்றிஸ் கெயில் வெளியேற, வெஸ்ட் இண்டீஸ் தனது முக்கிய விக்கெட்டை பறிகொடுத்து இருக்கிறது. 

பும்ரா வீசிய இரண்டாவது ஓவரில், ஒரு அட்டகாசமான யார்க்கர் பந்துக்கும் கெயிலுக்கு அப்பீல் செய்யப்பட்டது. ஆனால், அம்பயர் அவுட் கொடுக்க மறுக்க, தோனியும் உறுதியாக நம்பிக்கை தராததால், கோலி ரிவியூ செல்லவில்லை. 

வெஸ்ட் இண்டீஸ் அணியில் காட்டடி அடிக்கும் வீரர்கள் இருந்தாலும், இது போன்ற ஸ்லோ பிட்சுகளில், திறம்பட நேக்குபோக்காக அடிக்க வேண்டியது அவசியம். அதிரடியைத் தாண்டி, இங்கு நிதானமும் தேவை. வெஸ்ட் இண்டீஸ் இதனைக் கடைப் பிடித்தால், வெற்றி நூறு சதவிகிதம் உறுதி. இல்லையெனில், இது கடினமாக இலக்கே!.

கடைசி ஓவரில், தோனி 16 ரன்கள் விளாச, இந்திய அணி 50 ஓவர்கள் முடிவில், 7 விக்கெட் இழப்பிற்கு 268 ரன்கள் எடுத்துள்ளது. தோனி, இறுதிவரை ஆட்டமிழக்காமல், 61 பந்துகளில் 56 ரன்கள் எடுத்திருக்கிறார். 

38 பந்துகளில் 46 ரன்கள் எடுத்த ஹர்திக் பாண்ட்யா, காட்ரல் ஓவரில் கேட்ச் ஆனார். பாண்ட்யாவுக்கு ஒரு ராயல் சல்யூட் வைத்து, காட்ரல் அவரை வழியனுப்பி வைக்க, இந்தியா தனது ஆறாவது விக்கெட்டை இழந்தது. 

47 ஓவர்கள் முடிவில், இந்திய அணி 5 விக்கெட் இழப்பிற்கு 238 ரன்கள் எடுத்துள்ளது. இன்னும் 3 ஓவர்களே மீதமிருக்கும் நிலையில், 30 ரன்கள் வந்தாலே பெரிய விஷயம் தான். 

தோனி அதிரடியாக ஆடவில்லை என்பது உண்மை தான். ஆனால், ஐபிஎல் தொடரில், இறங்கிய முதல் பந்திலேயே தாறுமாறாக அடித்து வந்த ஹர்திக் பாண்ட்யாவே, இப்போது தடுமாறிக் கொண்டுதானே இருக்கிறார்? அவரது இயல்பான ஆட்டம் எங்கே? ஸ்ட்ரெய்ட்டில் பறக்கும் சிக்ஸர்கள் எங்கே? அட எங்கப்பா??

தோனி அதிரடியாக ஆடாமல் இருப்பது அப்புறம்.. முதலில், அவரது ஷாட்டே அவரது கண்ட்ரோலில் இல்லை. அவர் ஆஃப் சைடில் அடிக்க நினைத்தால், பந்து பேட்டில் பட்டு லெக் சைடில் செல்கிறது. பந்துக்கும், அவரது பேட்டுக்குமான கனெக்ஷன் சரியில்லை என்பது இதிலிருந்தே தெரிகிறது. ஸோ, இனி பாண்ட்யா அடித்தால் தான் உண்டு. 

இந்தியாவின் மிடில் ஆர்டர் பற்றி நாம் ஆயிரம் முறை பேசியதாகிவிட்டது. இப்போது 1001-வது முறையாக பேசுவோம். இந்திய அணி, 40 ஓவர்கள் முடிவில் 5 விக்கெட் இழப்பிற்கு 186 ரன்கள் எடுத்துள்ளது. ஸ்கோர் Prediction 350லிருந்து 330 வந்து, 300 வந்து, இப்போது 270 அடிக்குமா என்ற நிலைக்கு வந்துவிட்டது இந்தியா.

தோனி, ஹர்திக் பாண்ட்யா களத்தில்...

கோலியா இப்படி அவுட்டானது? ஜேசன் ஹோல்டரின் ஷார்ட் லென்த் பந்தில், புல் ஷாட் அடிக்கச் சென்ற விராட் கோலி, மிட் விக்கெட்டில் நின்றிருந்த டேரன் பிராவோ-விடம் கேட்ச் ஆனார். விராட் கோலி, இவ்வளவு கேஷுவலாக தனது விக்கெட்டை இழப்பார் என யாரும் எதிர்பார்க்கவில்லை. 82 பந்துகளில் 72 ரன்கள் எடுத்து கோலி வெளியேறினார். 

இந்திய அணி 35 ஓவர்கள் முடிவில், 4 விக்கெட் இழப்பிற்கு 166 ரன்கள் எடுத்துள்ளது. இந்நாள் கேப்டன் விராட் கோலியும், முன்னாள் கேப்டன் மகேந்திர சிங் தோனியும் களத்தில் உள்ளனர். 

உங்கள் ஸ்கோர் Prediction என்ன?

வெஸ்ட் இண்டீசுக்கு எதிரான போட்டியில் சிறப்பாக ஆடி, அரைசதம் அடித்திருக்கும் விராட் கோலி, குறைந்த போட்டிகளில் 20,000 ரன்களை கடந்த வீரர் எனும் சாதனையைப் படைத்திருக்கிறார். 

417 - விராட் கோலி

453 - சச்சின்லாரா

464 - ரிக்கி பாண்டிங்

483 - ஏ.பி.டி வில்லியர்ஸ்

491 - ஜாக் காலிஸ்

492 - ராகுல் டிராவிட்

விராட் கோலி என்ன தான் செய்வார் பாவம்? அடிக்க தான் முடியும். மற்ற பேட்ஸ்மேன்கள் பொறுப்பு உணர்ந்து விளையாட வேண்டாமா??? கேதர் ஜாதவ் 7 ரன்களில், கெமார் ரோச் ஓவரில் கேட்ச் ஆனார். இந்தியா தனது நான்காவது விக்கெட்டை இழந்தது. 

தொடர்ச்சியாக, நான்காவது உலகக் கோப்பை அரைசதத்தை விராட் கோலி பூர்த்தி செய்திருக்கிறார். 55 பந்துகளில் தனது 50வது அரைசதத்தை கோலி நிறைவு செய்தார். 

இதுவரை, உருப்படியான ஒரே பேட்டிங் இதுதான்!

என்ன தம்பி.. பொசுக்குன்னு போயிட்டீங்க!!? கெமார் ரோச் ஓவரில், 14 ரன்களில் எட்ஜ் ஆன விஜய் ஷங்கர், கீப்பரிடம் கேட்ச் கொடுத்து வெளியேறினார். அடுத்து களமிறங்கி இருப்பது கேதர் ஜாதவ். 

எங்கயா எங்க தல தோனியை காணோம்!!?

இந்திய அணியின் ரன் ரேட் 5லிருந்து, 4.8க்கு வந்து, 4.7க்கு வந்து, இப்போது 4.6க்கு வந்துவிட்டது. போட்டி ஆரம்பிக்கும் போது, 350க்கும் மேல் இந்தியா ரன்கள் அடிக்கும் என கணிக்கப்பட்டது. ஆனால், இப்போது போட்டி சூழலைப் பார்த்தால், 300 ரன்களைக் கடக்குமா? என்ற சந்தேகம் வெயிட்டாக ஏற்பட்டுள்ளது.

ரோஹித் ஷர்மாவு நாட் அவுட்டுக்கு, அவுட் கொடுத்த தேர்ட் அம்பயர் மைக்கேல் காஃப் இந்திய அளவில் டிரெண்டிங்கில் உள்ளார். விக்கிபீடியாவில் அவரை பற்றிய தேடுதல் மிக அதிகமாக உள்ளது.

#INDvsWI Wow that's fast! Umpire Michael Gough making to Wikipedia fast. pic.twitter.com/drwD3GA58K

— aman srivastava (@AmanGamer) 27 June 2019

செட் பேட்ஸ்மேன் லோகேஷ் ராகுல். 64 பந்துகளில் 48 ரன்கள் எடுத்திருந்த போது, ஜேசன் ஹோல்டரின் அற்புதமான லைன் பந்தில் போல்டானார். இந்தியாவின் வீக்கான மிடில் ஆர்டர் இனி என்ன செய்யப் போகிறதோ!!?

ரோஹித்துக்கு தவறான முடிவு கொடுத்த மூன்றாவது அம்பயரை, முன்னாள் வீரர்கள், ரசிகர்கள் என அனைவரும் விமர்சித்துக் கொண்டிருக்க, இதோ, ரோஹித் அவுட் இல்லை என்பதற்கான தெளிவான புகைப்படம்.

Clear not out #INDvsWI ..

Even umpire is surprised by seeing third umpire decision ..

Rohit didnt frustated gave a smile and went back .. gentlemen 🔥❤️ .. pic.twitter.com/lC9mRNBmol

— RUDRA RAJU (@Shashank654) 27 June 2019

18 ஓவர்கள் முடிவில், இந்திய அணி ஒரு விக்கெட் இழப்பிற்கு 87 ரன்கள் எடுத்துள்ளது. ரன் ரேட் 4.79. விக்கெட்டை மேலும் இழந்துவிடக் கூடாது என்பதில் இந்தியா மிகத் தெளிவாக உள்ளது. 

இருக்காதா பின்னே!! அண்ணியார் வந்தாலே, ரோஹித் டபுள் செஞ்சுரி அடித்து, பேட் மூலம் ஃபிளையிங் கிஸ் பறக்க விடுவார். ஆனால், அநியாயமாக நாட் அவுட்டுக்கு அவுட் கொடுத்தால், டென்ஷனாகாத பின்ன!!

Disappointed @ImRo45 & his wife @ritssajdeh after #RohitSharma was given out..

Hard Luck Champ Rohit😪#INDvsWI #RohitSharma pic.twitter.com/sAWsLORS7p

— Rohit Sharma Fan Club (@IamRs45Fc) 27 June 2019

பிட்ச் பேட்டிங் செய்ய அவ்வளவு ஒன்று கடினமாக இல்லை. ஆனால், வெஸ்ட் இண்டீஸின் பவுலிங்கில் அதிக வேரியேஷன் இல்லை என்றாலும், கட்டுக்கோப்பாகவே உள்ளது. முதல் 10 ஓவர்களில் இந்திய அணியின் ஸ்கோர் 47-1. தற்போதைய நிலையில், கோலி - ராகுல் பார்ட்னர்ஷிப் மிக மிக முக்கியமானது. ஏனெனில், நமது மிடில் ஆர்டர் பலம் என்ன என்பது பற்றி அனைவருக்கும் தெரியும். ஆகையால், இதே பார்ட்னர்ஷிப் அடுத்த 100 ரன்களுக்கு நின்றால், இந்தியா 300 - 325 அடிக்க வாய்ப்பிருக்கிறது. 

ரோஹித் பேடில் பந்து பட்டுச் செல்ல, பேட்டில் பட்டுச் சென்றதாக தேர்ட் அம்பயர் அவுட் கொடுக்க, ரசிகர்களும், கிரிக்கெட் விமர்சகர்களும் அவரை வறுத்தெடுத்து வருகின்றனர். அது நிச்சயம் நாட் அவுட் என்பது தெளிவாக தெரிகிறது. 

That review against Rohit ,definitely was not conclusive as the umpire mentioned on air.... soo... much for technology 🤷🏻‍♂️ #INDvsWI #CWC19

— subramani badrinath (@s_badrinath) 27 June 2019

That review against Rohit ,definitely was not conclusive as the umpire mentioned on air.... soo... much for technology 🤷🏻‍♂️ #INDvsWI #CWC19

— subramani badrinath (@s_badrinath) 27 June 2019

இந்திய அணி, மிக நிதானமான தொடக்கத்தை கொடுத்தாலும், ரோஹித் ஷர்மா, நான்கு ஓவர்களுக்கு மேல், தனது கியரை மாற்றினார்.ஆனால், துரதிர்ஷ்டவசமாக அவர் அவுட்டாக, மீண்டும் ரன் ரேட் குறைந்துள்ளது. கோலியும் தனக்கான பந்துகளுக்காக காத்திருக்கிறார். 

கெமார் ரோச் உள்ளே வீசிய பந்தில், ரோஹித் ஷர்மா 18 ரன்களில் கீப்பர் கேட்ச் ஆனார். பந்து பேட்டிற்கும், பேடுக்கும் இடையே செல்ல, கள நடுவர் அவுட் கொடுக்கவில்லை. வெஸ்ட் இண்டீஸ் ரிவியூ செல்ல, பந்து பேட்டிலும், பேடிலும் ஒரே நேரத்தில் உரசிச் சொல்வது போன்று தெரிந்ததால், அம்பயர் அவுட் கொடுக்க, ரோஹித் யாரையோ பயங்கரமாக திட்டிக் கொண்டே வெளியேறினார். 

5.2வது ஓவரில், கெமார் ரோச் வீசிய  ஷார்ட் பிட்ச் பந்தில், ரோஹித் ஷர்மா லெக் சைடில் ஒரு கேஷுவல் சிக்ஸ் அடிக்க, இந்திய அணி தனது முதல் சிக்ஸரை பதிவு செய்தது. 

இன்னும் ஒரு 20 சிக்ஸு பறக்கணும் ஆண்டவா!!

வெஸ்ட் இண்டீசுக்கு எதிராக முதலில் பேட்டிங் செய்து வரும் இந்திய அணி, நான்கு ஓவர்கள் முடிந்தும், ஒரு பவுண்டரி கூட அடிக்கவில்லை. 4.3வது பந்தில் தான் காட்ரல் ஓவரில், ரோஹித் ஷர்மா, இந்திய இன்னிங்ஸின் முதல் பவுண்டரியை அடித்தார். 

முன்னாடியெல்லாம், வெஸ்ட் இண்டீசின் கெமார் ரோச், அசால்ட்டா 145 கி.மீ.க்கு அதிகமாக பந்துகளை தொடர்ச்சியாக வீசுவார். ஆனால், இப்போது முனாப் படேல் மாதிரி வேகத்தை சுத்தமாக குறைத்துவிட்டார். 130 - 137 கி.மீ. வேகம் வரையே அவரது பந்துவீச்சு இருக்கிறது. 

உங்க ஸ்பீடு தான் உங்களுக்கு அழகு ரோச்!! அதுவே இல்லனா எப்படி!!?

இந்தியா - வெஸ்ட் இண்டீஸ் போட்டியை தொலைக்காட்சியில் உங்களால் பார்க்க முடியவில்லையா? அப்படியெனில், உங்கள் ஸ்மார்ட் ஃபோனில், பிளே ஸ்டோர் சென்று ஹாட் ஸ்டார் ஆப்-ஐ டவுன்லோட் செய்து, ஹாட் ஸ்டார் விஐபி பேக்கை ஆக்டிவேட் செய்யுங்கள். பிறகு, லைவாக போட்டியை நீங்கள் கண்டுகளிக்கலாம். ஹாட் ஸ்டார் ப்ரீமியம் ஆக்டிவேட் செய்ய வேண்டும் என்ற அவசியமில்லை.

இதோ... இந்திய ஓப்பனர்கள் ரோஹித் ஷர்மாவும், லோகேஷ் ராகுலும் ரசிகர்களின் பலத்த வரவேற்பிற்கு இடையே களம் இறங்கியுள்ளனர்.  லோகேஷ் ராகுல், 2016ம் ஆண்டு அமெரிக்காவில் நடந்த வெஸ்ட் இண்டீசுக்கு எதிரான டி20 போட்டியில் அடித்த மரண அடி, என் கண்கள் முன்னாடி வந்து வந்து போகுதே!!. 

வேறென்ன... ஷார்ட் பிட்ச் பந்துகள் மட்டும் போடுவது தான். இந்த சீசனில், அவர்கள் பந்துவீச்சில் என்ன வேரியேஷன் இருந்தது? ஒன்றுமில்லை. பேட்டிங் நன்றாக செய்து என்ன பிரயோஜனம்? பந்துவீச்சில் எந்த தாக்கமும் இல்லையெனில், வீட்டுக்கு போக வேண்டியது தான். (அல்ரெடி போயாச்சு ப்ரோ!)...

இன்னைக்கு ரோஹித் ஷர்மாவுக்கும் ஷார்ட் பிட்ச் பந்தா போட்டா, அவரு டபுள் செஞ்சுரி அடிக்குறத யாராலும் தடுக்க முடியாது.

ரோஹித் ஷர்மா, லோகேஷ் ராகுல், விராட் கோலி(c), விஜய் ஷங்கர், எம் எஸ் தோனி(w ), கேதர் ஜாதவ், ஹர்திக் பாண்ட்யா, யுவேந்திர சாஹல், குல்தீப் யாதவ், முகமது ஷமி, ஜஸ்ப்ரித் பும்ரா.

டாஸ் வென்ற இந்திய கேப்டன் விராட் கோலி, அவர் விரும்பிய 'தலை' வெல்ல, பேட்டிங்கை தேர்வு செய்துள்ளார். எதிர்பார்த்தபடி  அணியில் எந்த மாற்றமும் செய்யப்படவில்லை.

இதுவரை, மான்செஸ்டரில் மூன்று உலகக் கோப்பை போட்டிகள் நடந்துள்ளன. மூன்றிலும் டாஸ் வென்ற அணிகள் பேட்டிங்கை தேர்வு செய்துள்ளன. முதலில் பேட்டிங் செய்த அணி அடித்த ஸ்கோர் 336,397,291. 

அப்படியெனில், இந்தியா இன்று எவ்வளவு ரன்கள் அடிக்கும்?

இந்திய அணி வீரர்கள், ரசிகர்களின் உற்சாக வரவேற்பிற்கு இடையே பயிற்சிக்கு களமிறங்கிய போது க்ளிக்கிய புகைப்படங்கள். இந்தியா மட்டுமே, இந்த உலகக் கோப்பையில் இதுவரை தோல்வியே சந்திக்காத ஒரே அணி என்பது குறிப்பிடத்தகது. 

#TeamIndia are ready for the clash against #MenInMaroon in Manchester 🔥

DOWNLOAD the official #CWC19 app to follow #WIvIND live ⬇️

APPLE 👉 https://t.co/whJQyCahHr

ANDROID 👉 https://t.co/Lsp1fBwBKR pic.twitter.com/FAyLeL5PJN

— Cricket World Cup (@cricketworldcup) 27 June 2019

நடிகை ராதிகா சரத்குமார், இந்தியா - வெஸ்ட் இண்டீஸ் ஆட்டத்தை நேரில் ரசிக்க தனது குடும்பத்துடன் மான்செஸ்டர் சென்றிருக்கிறார். அங்கிருந்து அவர் பதிவிட்டுள்ள புகைப்படங்கள் சமூக தளங்களில் அதிகம் பகிரப்பட்டு வருகின்றன. 

வணக்கம், வந்தனம், நமஷ்கார் நேயர்களே... இன்று, ஒரு முழுமையான ஒருநாள் ஆட்டத்தைப் பார்க்கவிருக்கிறோம். இந்தியா தனது நண்பனை இன்று எதிர்த்து ஆடுகிறது. அதாங்க, நம்ம வெஸ்ட் இண்டீஸ்... மதியம் 2.30 மணிக்கு டாஸ் போடப்பட்டு, 3 மணிக்கு ஆட்டம் தொடங்குகிறது. முழுமையான கமெண்ட்ரி மற்றும் லைவ் ஸ்கோர் கார்டு காண நமது ஐஇ தமிழுடன் இணைந்திருங்கள்...