ஹைதராபாத் எளிதான வெற்றி! திருஷ்டி கழித்தது சிஎஸ்கே

ஜானி பேர்ஸ்டோ சென்னை சூப்பர் கிங்ஸுக்கு எதிராக ஒரு 50... எளிதான வெற்றியை நோக்கி ஹைதராபாத். 

இம்ரான் தாஹிர் ஓவரில், விஜய் ஷங்கர் 7 ரன்களில், விக்கெட் கீப்பர் சாம் பில்லிங்ஸிடம் கேட்ச் கொடுத்து வெளியேறினார்.

11 ஓவர்கள் முடிவில், ஹைதராபாத் 2 விக்கெட் இழப்பிற்கு 100 ரன்கள் எடுத்துள்ளது. டார்கெட் 133.

அப்புறம் என்ன, கெளம்பு கெளம்பு...

என்ன கருமம் டா இது-ன்னு நினைக்க வேண்டாம். கிரிக்கெட் இடைவேளை-ல வரும் விளம்பரம் ஒண்ணுல இப்படித் தான் சொல்றாய்ங்க.. அதை கொஞ்சம் டிங்கரிங் பண்ணி சொல்லிருக்கோம். 

சிஎஸ்கே ரசிகர்கள் 'சொல்லுங்க நாக்கிலே வெற்றிப் பூ'

இம்ரான் தாஹிர் ஓவரில், கேப்டன் வில்லியம்சன் 3 ரன்களில், அவரிடமே கேட்ச் கொடுத்து வெளியேறினார். 

டேவிட் வார்னர் அவுட்... 24 பந்துகளில் அரைசதம் அடித்த டேவிட் வார்னர், 50 ரன்களில், தீபக் சாஹர் ஓவரில் டு பிளசிஸ்-சிடம் கேட்ச் கொடுத்து வெளியேறினார். 

போனா போதுன்னு அவுட்டாகி போயிருக்கான்... பெருமை பட்டுக்காத!!

சன் ரைசர்ஸ் வேகப்பந்து வீச்சாளர்கள் நிறைய ஸ்லோ பந்துகளை வீசி, சென்னை பேட்ஸ்மேன்களை கலங்கடித்தனர். அந்த சென்ஸ் கொஞ்சமாவது சென்னை பவுலர்களுக்கு வேண்டாமா? சும்மா கண்டமேனிக்கு பந்து வீசுனா, அடிச்சு பொளக்கத் தான் செய்வாங்க.  

அனைவரும் சென்னை சூப்பர் கிங்ஸ் அணியின் வெற்றி வாய்ப்பு குறித்து பேசி வருகிறார்கள். ஆனால், குறைந்தபட்சம் 150வது அடித்தால் தான் ஏதாவது டஃப் கொடுக்க முயற்சி செய்யலாம். 132 ரன்கள் என்பதை வைத்துக் கொண்டு என்ன செய்வது?

ஹைதராபாத் மெகா ஓப்பனர்ஸ் டேவிட் வார்னர், பேர்ஸ்டோ களமிறங்கியுள்ளனர். முதல் ஓவரை வீசுவது தீபக் சாஹர்.

இங்க கணிப்பு சொல்றதுக்கெல்லாம் ஒன்னும் இல்ல தம்பி...

ஹைதராபாத் - 85%

சென்னை - 15% தான் வெற்றி வாய்ப்பு

5 விக்கெட் வீழ்ந்த பிறகு, விக்கெட் வீழ்ச்சியை தடுத்து நிறுத்திய அம்பதி ராயுடுவும், ஜடேஜாவும் கடைசி வரை பந்துகளை தடுத்தி நிறுத்தி ஆடினார்களே தவிர, பவுண்டரிக்கு கூட இடம் கொடுக்கவில்லை. இதனால், 20 ஓவர்கள் முடிவில் 5 விக்கெட் இழப்பிற்கு 132 ரன்கள் மட்டுமே எடுத்தது சிஎஸ்கே.

இந்தக் கொடுமைய என்ன-னு சொல்றது!! சாம் பில்லிங்ஸ் 4 பந்துகளில் ஒரு ரன் கூட எடுக்காமல், கலீல் அஹ்மது ஓவரில் கேட்ச் ஆனார். 

தம்பி இங்க வா... இப்படி ஓரமா உட்காரு!!

தோனி இன்று விளையாட காரணத்தால், சான்ட்னர் உட்கார வைக்கப்பட்டு, விக்கெட் கீப்பிங் பணிகளுக்காக சாம் பில்லிங்ஸ்-க்கு வாய்ப்பு அளிக்கப்பட்டது. பேட்டிங்கில் தற்போது தோனி இடத்தில் களமிறங்கி உள்ளார். 

அடிக்குறாரா-னு பார்ப்போம்.

ஜாதவ் தம்பி முதல் பந்திலேயே, வார்னரிடம் ரன் அவுட் ஆகியிருக்க வேண்டியது. தப்பிச்சிடுச்சு.. சேர்த்து வச்சு ரஷித் கான காலி பண்ணிட்டார். 1 ரன்னில் எல்பி ஆகி வெளியேறினார் தோனியின் செல்லப் பிள்ளை கேதர் ஜாதவ்.

கேப்டன் சுரேஷ் ரெய்னா அவுட். ரஷித் கான் ஓவரில், ரெய்னா 13 ரன்களில் எல்பிடபிள்யூ ஆனார்.

ஊரே, ரஷித் கான் ஓவரில், எப்படி விக்கெட் சேவ் பண்றதுன்னு கத்துக்கிச்சு... நீங்க இன்னமும் அவர் ஓவருல எல்பி ஆகுறீங்க!!

வாட்சன், டு பிளசிஸ் அவுட்டான பிறகு, சென்னை சூப்பர் கிங்ஸ் அணியின் ரன் ரேட் குறைந்துவிட்டது. 13 ஓவர்கள் முடிவில் சென்னை 97-2.

முதல்ல வச்ச சூனியத்தை எடுங்கப்பா...

நன்றாக ஆடிக் கொண்டிருந்த டு பிளசிஸ், விஜய் ஷங்கரின் ஒரு எக்ஸ்ட்ரா பவுன்ஸ் பந்தில், 45 ரன்களில் கீப்பரிடம் கேட்ச் கொடுத்து வெளியேறினார். 

எவனோ சூனியம் வச்சிருக்கான்!!!

ஷேன் வாட்சன், நதீம் வீசிய ஒரு அழகான பந்தில், தனது ஆஃப் ஸ்டெம்ப்பை 31 ரன்களில் பறிகொடுத்தார். 

போயும் போயும், அந்த மொக்கை பந்துலயே அவுட் ஆகணும்!

நம்புங்க.. இது உண்மை... சென்னை சூப்பர் கிங்ஸ் அணி விக்கெட் இழப்பின்றி 50 ரன்கள் கடந்துவிட்டது. 

அய்யயோ... பார்மில் இல்லாத வாட்சனே இவ்ளோ நேரம் நிக்குறார்-னா, வார்னர் - பேர்ஸ்டோ பார்ட்னர்ஷிப் என்ன அடி அடிக்கப் போகுதோ!!

அண்ணே எப்படி இருக்கீங்க?

கண்ணாயிரம் - நல்லா இருக்கேன் தம்பி. இன்னைக்கு மேட்சுல சிஎஸ்கே ஒரு 180+ அடிச்சா ஜெயிக்கலாம். இல்லைனா கஷ்டம் பா. ஆனா, சென்னை விளையாடுறதைப் பார்த்தா 160 தான் வரும் போல...

இந்த சீசனில் சென்னை சூப்பர் கிங்ஸ்-ன் ஓப்பனிங் படு மோசம்... வாட்சன் மினிமம் 1 ஓவர் அல்லது மேக்ஸிமம் 3 ஓவர் வரை மட்டுமே தாக்குப் பிடிக்கிறார். ரெய்னா கேப்டன்ஷிப்பிலாவது அடிக்கிறாரா பார்ப்போம்!.

டேவிட் வார்னர், ஜானி பேர்ஸ்டோ(w), கேன் வில்லியம்சன்(c), விஜய் ஷங்கர், யூஸுப் பதான், தீபக் ஹூடா, ரஷித் கான், ஷாபஸ் நதீம், புவனேஷ் குமார், சந்தீப் ஷர்மா, கலீல் அஹ்மது

ஷேன் வாட்சன், டு பிளசிஸ், சுரேஷ் ரெய்னா(c), சாம் பில்லிங்ஸ்(w), அம்பதி ராயுடு, கேதர் ஜாதவ், ரவீந்திர ஜடேஜா, கர்ன் ஷர்மா, தீபக் சாஹர், ஷர்துள் தாகூர், இம்ரான் தாஹிர்

சென்னை சூப்பர் கிங்ஸ் கேப்டன் ரெய்னா பேட்டிங்கை தேர்வு செய்துள்ளார். தோனி, இன்று ஓய்வு எடுத்துக் கொள்கிறார். இடுப்புப் பகுதியில் ஏற்பட்ட பிரச்சனையால் தோனி ஓய்வு எடுக்கிறார்.