ஈகோ-வை ஒழித்து தன்னம்பிக்கை வளர்த்தவர்... குல்தீப் 2.0 சாத்தியமானது எப்படி?

Kuldeep Yadav: இந்திய கிரிக்கெட் அணியின் சுழல் சூறாவளி 'குல்தீப் யாதவ்' இன்னும் ஆறு மாதங்களுக்குள் தனது 30 வயதை எட்ட உள்ளார். அவரது அனுபவமும் வயதும் அவரைக் கொஞ்சம் கொஞ்சமாகத் தணித்திருந்தாலும், அவரின் ஈகோ மற்றும் தன்னம்பிக்கை மட்டும் இன்னும் அப்படியே உள்ளது. 

தனது பதின்ம வயது நண்பர்களுடன் பூங்காவில் பந்தை உதைப்பதில் செலவழித்த கால்பந்து ஆர்வலரான அவர் ஆர்சென் வெங்கர், ஜோஸ் மொரின்ஹோ, கார்லோ அன்செலோட்டி, ஜூர்கன் க்ளோப் மற்றும் பெப் கார்டியோலா போன்ற கால்பந்து வீரர்களை விட தன்னால் சிறப்பாக செயல் பட முடியும் என்று நினைத்து ஐரோப்பிய கால்பந்தைப் போட்டிகளை பார்க்க இரவு முழுதும் கண் விழித்து இருந்தவரிடம், தற்போது எந்த ஒரு பேட்ஸ்மேனையும் எந்த நேரத்திலும் அவுட் ஆக்க முடியும் என்ற நம்பிக்கை இன்னும் நிறைந்துள்ளது.

ஆங்கிலத்தில் படிக்கவும்: Kuldeep Yadav: A millennial kid, who has shed his ego to adapt and excel

காயங்கள் மற்றும் ஃபார்ம் அவுட் அவருக்கு ஞானத்தையும் அறிவையும் கொண்டு வந்துள்ளது. அவர் இந்திய கிரிக்கெட் அணி சுழற்பந்து வீச்சாளர் ரவிச்சந்திரன் அஷ்வின் உடனான போட்காஸ்ட் உரையாடலில், கொல்கத்தா நைட் ரைடர்ஸ் பந்துவீச்சு பயிற்சியாளர் கார்ல் குரோவ் தனது லென்த்தை அதிகரிக்கச் சொன்ன அறிவுரைக்கு தான் செவிசாய்க்கவில்லை என்றும், தனது பந்துவீச்சில் எந்தவொரு மாற்றத்தை செய்ய மிகவும் கடினமாகவோ அல்லது மிகவும் பயமாகவோ இருந்ததாகவும் ஒப்புக்கொள்கிறார். 

"நான் மிகவும் அகங்காரமாக இருந்தேன். என் திறமை மீது எனக்கு மிகுந்த நம்பிக்கை இருந்தது. யாரையும் அவுட் ஆக்க முடியும் என்று நான் நம்பினேன். பயிற்சியாளர் கார்ல் குரோவ் என்ன சொல்கிறார் என்பது முக்கியமில்லை என்று நான் நினைத்தேன், ”என்று குல்தீப் அஷ்வினிடம் கூறினார்.

இப்போதும் கூட, புகழ்பெற்ற ஆஃப் ஸ்பின்னரிடமிருந்து இந்தியாவின் முன்னணி சுழற்பந்து வீச்சாளரின் கவசத்தை கைப்பற்ற அவர் ஆர்வமாக உள்ளார், மேலும் ஐ.பி.எல்-லில் ரன்-ஃபெஸ்ட்களில் தனக்கென சொந்தமாக வைத்திருப்பதில் நம்பிக்கையுடன் இருக்கிறார்.

இருப்பினும், சில ஆண்டுகளுக்குப் பிறகு, ஃபார்ம் அவுட் மற்றும் கிரிக்கெட் வாழ்க்கையை அச்சுறுத்தும் முழங்கால் அறுவை சிகிச்சை அவரை நிலைகுலைய செய்தது. இரண்டு ஆண்டுகளில், அவர் அப்போதைய தலைமை பயிற்சியாளர் ரவி சாஸ்திரியால் "வெளிநாட்டு டெஸ்டில் இந்தியாவின் முன்னணி சுழற்பந்து வீச்சாளர்" என்று புகழப்பட்டதிலிருந்து அஷ்வின், ரவீந்திர ஜடேஜா, அக்சர் படேல் மற்றும் வாஷிங்டன் சுந்தர் ஆகியோருக்குப் பிறகு ஐந்தாவது சுழற்பந்து வீச்சு பவுலராக பார்க்கப்பட்டார். அப்போது குல்தீப்க்கு ஆறுதல் தேவைப்பட்டது. 

அஸ்வின், தனது போட்காஸ்டில், குல்தீப் தன்னுடன் மனம் திறந்து பேச சில வருடங்கள் ஆனது எப்படி என்று கூறினார். முன்னாள் இந்திய கேப்டன் எம்.எஸ் தோனி ஓய்வு பெற்ற பிறகு குல்தீப் யாதவின் சர்வதேச ஃபார்ம் சரிந்தது. "தோனி ஓய்வு பெற்ற பிறகு, எனது பவுலிங் சிறப்பாக இல்லை. ஒரு நபர் உங்களை வழிநடத்துகிறார், அந்த நபரின் செல்வாக்கு இனி இல்லாதபோது, ​​திடீரென்று எல்லாம் உங்கள் தோள்களில் இருக்கும். சூழ்நிலைக்கு நீங்கள் ரியாக்சன் செய்ய நேரம் எடுக்கும். அது தான் எனக்கும் நடந்தது.” என்று குல்தீப் தி இந்தியன் எக்ஸ்பிரஸ்ஸிடம் கூறினார்.

ஆனால் இடது கை சைனா மேன் சுழற்பந்து வீச்சாளரான அவருக்கு அதிர்ஷ்டவசமாக தேவையான ஆதரவு கிடைத்தது. டெல்லி கேப்பிடல்ஸில் ரிஷப் பண்ட் கேப்டனாக இருந்த முதல் ஆண்டில், அவர் 14 ஆட்டங்களில் 21 விக்கெட்டுகளை வீழ்த்தினார். கடந்த ஆண்டு, சாலை விபத்துக்குப் பிறகு ரிஷப் போட்டியைத் தவறவிட்டபோது, ​​குல்தீப் 14 போட்டிகளில் 10 விக்கெட்டுகளை எடுத்தார். இந்த ஆண்டு ரிஷப் மீண்டும் "இந்தப் பந்து நன்றாக இருந்தது, குல்தீப் (யே வாலா அச்சா தா குலு)" என்று கிண்டலுடன், அவரது செயல்திறன் மேம்பட்டுள்ளது. அவர் இதுவரை 8 போட்டிகளில் 12 விக்கெட்டுகளை வீழ்த்தியுள்ளார். 

இதேபோல் இந்திய அணியின் கேப்டன் ரோகித் சர்மா குல்தீப் யாதவின் ஃபார்ம் பற்றி ஆறுதல் அடைந்தார். “ரோகித் பாய் எப்போதும் எனக்கு ஆதரவாக இருக்கிறார். நான் காயமடைந்தபோது, ​​அவர் என்னுடன் தொடர்ந்து தொடர்பில் இருந்தார், மேலும் அவர் என்னிடம் என்ன விரும்புகிறார் என்பதைப் பற்றி குறிப்பாக என்னிடம் கூறினார். காயத்திற்குப் பிறகு, அவர் என்னை நேரடியாக அணியில் சேர்த்தார். 

இப்போது அவர் எனது பேட்டிங்கை மேம்படுத்த என்னை ஊக்கப்படுத்துகிறார் (குல்தீப் சிரிக்கிறார்). இங்கிலாந்துக்கு எதிரான டெஸ்ட் தொடரின் போது எனது பேட்டிங்கைப் பார்த்த அவர் பெரிதும் ஈர்க்கப்பட்டார். கடந்த ஒரு வருடமாக, எனது பந்துவீச்சை விட எனது பேட்டிங் குறித்து அவருடன் அதிகம் விவாதித்தேன்,”என்று குல்தீப்  கூறினார்.

ராஞ்சி டெஸ்டின் போது, ​​குல்தீப் 8வது விக்கெட்டுக்கு துருவ் ஜூரெலுடன் இணைந்து 76 ரன்கள் எடுத்தார். ஐ.பி.எல்.லில், அவரது முன்னாள் அணியான கொல்கத்தா அணிக்கு எதிராக, அவர் 26 பந்துகளில் 35 ரன்கள் எடுத்தார்.

குல்தீப் தனது பந்துவீச்சின் வேகத்தில் வேலை செய்ய வேண்டும் என்று ஒருமுறை ஒரு கருத்து இருந்தது; ஃபிஸ் குறைவாக இருந்தது மற்றும் அவர் பேட்ஸ்மேன்களை வெல்ல மிகவும் மெதுவாக இருந்தார். கொல்கத்தா நைட் ரைடர்ஸுடனான அவரது உறவு கடுமையாக மோசமடைந்தது. ஏனெனில் அவர் தனது வேகத்தை அதிகரிக்க வேண்டும் என்று எல்லோரும் சொன்னார்கள். இது கணித ஆசிரியர் ஒருவர் சூத்திரத்தை விவரிப்பது போல இருந்தது. ஆனால், சிக்கலை எவ்வாறு தீர்ப்பது என்பதை விளக்கவில்லை.

"நான் பந்தின் வேகத்தை அதிகரிக்க வேண்டும் எல்லோரும் சொன்னார்கள். ஆனால் எப்படி என்று யாரும் என்னிடம் சொல்லவில்லை. புதிய விஷயங்களை முயற்சிக்க நான் பயந்தேன். எனது காயத்திற்கு முன்பு, நான் 15 ஆண்டுகளாக அதே ஆக்சனில் தான் பந்துவீசினேன். என் மனதில் நிறைய கேள்விகள் இருந்தன, ”என்று அவர் கூறினார்.

அவரது மறுவாழ்வுக்குப் பிறகு, குழப்பமடைந்த குல்தீப் கான்பூரை அடைந்தபோது, ​​அவரது குழந்தைப் பருவப் பயிற்சியாளர் கபில் பாண்டே, அவரை மீண்டும் பட்டைய தீட்டினார். “எல்லோரிடமிருந்தும் அவர் பெற்ற ஆலோசனைகளை என்னிடம் சொல்லும்படி நான் முதலில் அவரிடம் கேட்டேன். அவர் தனது பவுலிங் ஆங்கிளில் (கோணத்தில்) வேலை செய்ய வேண்டும் என்று சுனில் ஜோஷி விரும்பினார். ரோகித் சர்மா குலதீப் சற்று வேகமாக பந்து வீச விரும்பினார். என்.சி.ஏ-வின் பிசியோவான ஆஷிஷ் கௌஷிக், அவரது முன் காலில் அதிக எடை போடுவதை எச்சரித்தார். அவர் பாதுகாப்பற்றவராகத் தோன்றினார், மேலும் புதிய விஷயங்களை முயற்சிப்பதன் மூலம் அவர் தனது சுழற்சியை இழக்க நேரிடும் என்று பயந்தார். 

நான் அவருக்கு அவரது பழைய பந்துவீச்சு காட்சிகளை அனுப்பினேன், மேலும் அவர் பந்துக்கு அதிக காற்று கொடுப்பதாலும், அது கண் விழிக்கு மேலே செல்வதாலும், பேட்ஸ்மேன்களுக்கு பெரிய ஷாட்களை ஆட நிறைய வாய்ப்புகள் உள்ளன என்று அவருக்கு விளக்கினேன். அவர் என் கருத்தைப் புரிந்து கொண்டார் என்று நான் நினைக்கவில்லை. அவர் இரண்டு மனங்களில் இருந்தார் மற்றும் தனது மர்மத்தை இழப்பதில் பாதுகாப்பற்றவராக இருந்தார். நான் உண்மையில் அவரைக் கத்தினேன், எந்த முடிவுக்கும் செல்வதற்கு முன் முயற்சி செய்து பாருங்கள் என்று சொன்னேன்.

அவரது மருத்துவ அறிக்கையை உன்னிப்பாகப் பார்த்த பிறகு, ஆஷிஷ் குறிப்பிட்டதன் அர்த்தம் எனக்குப் புரிந்தது. அவர் தனது முழங்காலை பாதுகாக்க விரும்பினார். அவரது ரன்-அப்பில் நாங்கள் சில மாற்றங்களைச் செய்தோம், நான் அவரை ஆக்ரோஷமாக இருக்கச் சொன்னேன். முடிவுகள் திடீரென வரவில்லை. நான் அவரை காலையில் மூன்று மணி நேரம் பந்து வீசச் செய்தேன், பின்னர் மாலையில் இரண்டு மணி நேரம் வலைகளில் பந்து வீசச் செய்தேன், ஆனால் அவருக்கு மேட்ச் பிராக்டீஸ் தேவைப்பட்டது,” என்று  ”என்று கபில் பாண்டே தி இந்தியன் எக்ஸ்பிரஸிடம் கூறினார்.

கான்பூரில் நடக்கும் உள்ளூர் டி20 போட்டியில் விளையாடுமாறு குல்தீப்பை கபில் பாண்டே கேட்டுக் கொண்டார். "சார் நான் அந்தப் போட்டியில் ஆட விரும்பினார். இது தொடங்குவதற்கு வெறுப்பாக இருந்தது. நான் என் லென்த்தை சரியாகப் பெறவில்லை, நான் பாதையை இழந்து கொண்டிருந்தேன். நான் நிறைய வேலை செய்தேன், என் கால் வீங்கியது, ஆனால் நான், 'சார், கவலைப்பட வேண்டாம், நான் ஐஸ் போடுகிறேன்' என்று சொல்வேன். அந்தப் பயணத்தில் என்னுடன் இருந்தார்.

புதிய ரன்-அப் மூலம், நான் எனது வேகத்தை அதிகரித்தேன், ஆனால் தட்டையாக பந்துவீசினேன். ஓரிரு போட்டிகளுக்குப் பிறகு, இந்த புதிய ஆக்சன் மற்றும் ரன்-அப் மூலம் பேட்ஸ்மேன்களுக்கு அதிக நேரம் கிடைக்கவில்லை என்பதை உணர்ந்தேன். நீண்ட நாட்களுக்குப் பிறகு நான் பார்த்த முதல் நம்பிக்கைக் கதிர் அதுதான். 

டெல்லி கேப்பிட்டல்ஸுடனான எனது முதல் சீசனில், (தலைமை பயிற்சியாளர்) ரிக்கி பாண்டிங் மற்றும் பண்ட் என்னிடம் எல்லா போட்டிகளிலும் விளையாடுவேன் என்று சொன்னார்கள். எனது பந்துவீச்சில் நான் செய்த மாற்றங்களை ரிக்கியும் விரும்பினார்.

2022 இல் பஞ்சாப் கிங்ஸுக்கு எதிராக, நான் எனது ரிதத்தை இழந்தேன், என்னை அறியாமலேயே பழைய ஆக்சனுடன் பந்துவீச ஆரம்பித்தேன். வியூகமான காலக்கெடுவின் போது, ​​ஷேன் வாட்சன் என்னிடம் வந்து ‘மேட், நான் குல்தீப் 2.0 ஐப் பார்க்க விரும்புகிறேன். கடந்த ஆட்டங்களில் நீங்கள் என்ன செய்தீர்கள் என்பதை எங்களுக்குக் காட்டுங்கள்' என்றார்" என்று குல்தீப் கூறினார்.

குல்தீப்பின் வாழ்க்கையும் அவரது பந்துவீச்சைப் போன்றது தான். பந்துபோல் அவரின் கிரிக்கெட் வாழ்க்கை திரும்பியது, துள்ளியது மற்றும் நகர்ந்தது. ஆனால் கடந்த இரண்டு ஆண்டுகளில் துல்லியம் மற்றும் ஜிப்பைக் கண்டறிந்துள்ளது. அப்படி என்ன மாறிவிட்டது? அவர் தனது ஈகோவை விட்டுவிட்டு தனது தவறுகளிலிருந்து கற்றுக்கொண்டார். ப்ரேக்ஃபாஸ்ட் வித் சாம்பியன்ஸ் நிகழ்ச்சியில் தொகுப்பாளர் கௌரவ் கபூர் தனது எடையைப் பற்றி கிண்டல் செய்யும் போது, "நான் துரோகத்தையும் பின்னடைவையும் சந்தித்தவன்"  ​என்று குல்தீப் உடனடியாக பதிலளித்தார். 

குல்தீப்பின் அணுகுமுறையிலும் டெக்டோனிக் மாற்றம் உள்ளது. இப்போது அவர் இந்திய டெஸ்ட் அணியில் மூன்றாவது சுழற்பந்து வீச்சாளராக இருப்பது மகிழ்ச்சியாக இல்லை. அஸ்வினுடனான போட்காஸ்டில், குல்தீப் தனது லட்சியத்தை தனது சீனியரிடம் தெளிவுபடுத்தினார். “உங்களுக்கு நினைவிருக்கிறதா, ஆஷ் பாய், ஐதராபாத் டெஸ்டுக்கு (இங்கிலாந்துக்கு எதிராக) நான் முன்னணி சுழற்பந்து வீச்சாளராக விளையாட வேண்டுமென்றால், நான் 15 ஓவர்கள் வீச வேண்டும், ஒரு ஸ்பெல்லில் 25-30 ரன்களுக்கு மேல் கொடுக்கக் கூடாது என்று நீங்கள் என்னிடம் சொன்னீர்கள். முன்னதாக, நான் நான்கு விக்கெட்டுகளைப் பெறுவது பற்றி யோசித்தேன், நான் எவ்வளவு ரன்களை விட்டுக் கொடுத்தேன் என்பது முக்கியமில்லை." என்று அவர் கூறினார். 

நடப்பு ஐ.பி.எல்லில் கூட, இம்பாக்ட் பிளேயர் விதி மற்றும் பரவலான பவர்-ஹிட்டிங் மூலம், பந்து வீச்சாளர்கள் தங்கள் திட்டங்களைச் சரியாகச் செயல்படுத்தவில்லை என்றும் குல்தீப் குற்றம் சாட்டுகிறார். "பந்து வீச்சாளர்கள் சற்று தைரியமாக இருக்க வேண்டும் என்று நான் நினைக்கிறேன். அவர்கள் தங்கள் சொந்த திட்டங்களில் ஒட்டிக்கொள்வதற்குப் பதிலாக, பேட்ஸ்மேன்களின் வலிமையைப் பற்றி அதிகம் கவலைப்படுகிறார்கள். ஜஸ்பிரித் பும்ராவைப் பாருங்கள். மறுநாள், அசுதோஷ் சர்மா தனது யார்க்கரை சிக்ஸருக்கு அடித்தார், ஆனால் அவர் யார்க்கரை வீசுவதை நிறுத்திவிட்டாரா? இல்லை, அவர் தனது பலத்தில் ஒட்டிக்கொண்டிருக்கிறார், அதனால்தான் அவர் சிறப்பாக செயல்படுகிறார், ”என்று குல்தீப் கூறினார்.