New Update
![Ravindra Jadeja on Asia Cup Playing XI and ind vs wi 2nd odi Tamil News](https://img-cdn.thepublive.com/fit-in/1280x960/filters:format(webp)/tamil-ie/media/media_files/uploads/2023/08/tamil-indian-express-2023-08-01T122637.550.jpg)
'2வது டெஸ்ட் போட்டியில் நங்கள் தோல்வி அடைந்தது பற்றி எந்த ஏமாற்றமும் இல்லை. நாங்கள் புதியதாக சிலவற்றை முயற்சிக்கிறோம்' என்று ஜடேஜா கூறியுள்ளார்.
'2வது டெஸ்ட் போட்டியில் நங்கள் தோல்வி அடைந்தது பற்றி எந்த ஏமாற்றமும் இல்லை. நாங்கள் புதியதாக சிலவற்றை முயற்சிக்கிறோம்' என்று ஜடேஜா கூறியுள்ளார்.
வெஸ்ட் இண்டீசில் சுற்றுப்பயணம் செய்து வரும் இந்திய கிரிக்கெட் அணி தற்போது 3 போட்டிகள் கொண்ட ஒரு நாள் தொடரில் பங்கேற்றுள்ளது. இதில் தொடக்க ஆட்டத்தில் வெஸ்ட் இண்டீசை 114 ரன்னில் வீழ்த்திய இந்திய அணி 2-வது ஆட்டத்தில் 6 விக்கெட் வித்தியாசத்தில் தோல்வியை தழுவியது. இதனால் இந்த தொடர் 1-1 என்ற கணக்கில் சமநிலையில் உள்ளது.
இந்த நிலையில், தொடரை கைப்பற்றப்போகும் அணி எது? என்பதை நிர்ணயிக்கும் 3-வது மற்றும் கடைசி ஒரு நாள் போட்டியில் இந்தியா - வெஸ்ட் இண்டீஸ் அணிகள் இன்று (செவ்வாய்க்கிழமை) மோதுகின்றன. இப்போட்டியானது, டிரினிடாட்டின் தரோபாவில் உள்ள பிரையன் லாரா ஸ்டேடியத்தில் நடக்கிறது.
ஜடேஜா பேட்டி
இந்நிலையில், இந்தப் போட்டிக்கு முன்னதாக பேசிய இந்திய அணியின் ஆல்ரவுண்டர் வீரரான ரவீந்திர ஜடேஜா, இந்திய அணி 6 விக்கெட் வித்தியாசத்தில் தோல்வியடைந்த இரண்டாவது ஒருநாள் போட்டியில் மூத்த வீரர்களான கேப்டன் ரோகித் சர்மா மற்றும் விராட் கோலிக்கு ஓய்வு அளித்த பயிற்சியாளர் ராகுல் டிராவிட்டின் முடிவுக்கு ஆதரவு தெரிவித்துள்ளார். மேலும், ஆசியா கோப்பைக்கான ப்ளேயிங் லெவன் அணி ஏற்கனவே முடிவு செய்யப்பட்டு விட்டது என்றும் கூறி முக்கிய தகவலை வெளியிட்டுள்ளார்.
இது தொடர்பாக செய்தியாளர்களிடம் ஜடேஜா கூறியது பின்வருமாறு:-
“இந்த தொடர் ஆசியக் கோப்பை மற்றும் உலகக் கோப்பைக்கு முன்னதாக நடக்கிறது. இதில் நம்மை நாமே பரிசோதனை செய்யலாம். அணியில் புதிய வீரர்களை முயற்சி செய்யலாம். ஆசியக் கோப்பை மற்றும் உலகக் கோப்பையை விளையாடச் சென்றால், அங்கு எங்களால் எந்தப் பரிசோதனையும் செய்ய முடியாது. அணியின் சமநிலை, பலம் மற்றும் பலவீனம் என்ன என்பதைப் பற்றிய யோசனையைப் பெறுவது ஒரு நல்ல விஷயம்.
2வது டெஸ்ட் போட்டியில் நங்கள் தோல்வி அடைந்தது பற்றி எந்த ஏமாற்றமும் இல்லை. நாங்கள் புதியதாக சிலவற்றை முயற்சிக்கிறோம். வெவ்வேறு பேட்ஸ்மேன்களை வெவ்வேறு இடங்களில் நாம் முயற்சி செய்யலாம். இந்த தொடரில் மட்டும் தான் நாம் அணியை அப்படியே மாற்றி, ஒரு புதிய அணியை கட்டமைக்கலாம். ஒரு தோல்வியைப் பற்றி நாங்கள் கவலைப்படவில்லை, எங்கள் வீரர்களிடமிருந்து சிறந்ததைப் பெற முயற்சிக்கிறோம்.
கேப்டனுக்கும் அணி நிர்வாகத்துக்கும் அவர்கள் எந்த கலவையில் விளையாடப் போகிறார்கள் என்பது தெரியும். அதில் எந்த குழப்பமும் இல்லை. சோதனைகள் காரணமாக நாங்கள் போட்டியில் தோற்கவில்லை, சில சமயங்களில் நிலைமையும் முக்கியமானது. என் கருத்துப்படி, ஒரு தோல்வி எந்த குழப்பத்தையும் சந்தேகத்தையும் உருவாக்கப் போவதில்லை. ஆசிய கோப்பையில் என்ன அணி அமையப் போகிறது என்பதை நாங்கள் ஏற்கனவே முடிவு செய்துவிட்டோம்.
நான் எல்லா போட்டியிலும் விளையாட விரும்புகிறேன். நான் எவ்வளவு அதிகமாக விளையாடுகிறேனோ அவ்வளவு சிறப்பாக ஆவேன். ஆனால் அணியின் தேவை வேறு ஒன்றாக உள்ளது. அவ்வகையில், அணி நிர்வாகம் என்னை வெளியே உட்காரச் சொன்னால், நான் அதை செய்வேன். இளம் வீரர்களுக்கும் சர்வதேச போட்டி அனுபவம் தேவை. அவர்களுக்கும் விளையாட்டு நேரம் தேவை.
நாங்கள் மிகவும் நம்பிக்கையுடன் இருக்கிறோம். இரண்டாவது ஒருநாள் போட்டியில் தோற்றோம், ஆனால் பரவாயில்லை. அது நடக்கலாம். நாங்கள் நிச்சயமாக எங்களின் சிறந்த கிரிக்கெட்டை விளையாடுவோம்.
அவர்கள் மிகவும் இளம் அணி என்று நினைக்கிறேன். அவர்கள் கற்றுக்கொண்டு வருகிறார்கள், அவர்கள் நன்றாகவும் விளையாடி வருகிறார்கள். அவர்கள் எவ்வளவு அதிகமாக விளையாடுகிறார்களோ, அந்த அளவிற்கு அவர்கள் சிறப்பாக இருப்பார்கள். அவர்கள் ஒரு நல்ல இளம் அணி மற்றும் நல்ல திறமையான அணியைக் கொண்டுள்ளனர். இந்திய அணியிடம் இருந்து அவர்கள் கற்றுக்கொள்வார்கள் என்று நான் நம்புகிறேன். எல்லா மூத்த வீரர்களும் இங்கே விளையாடுகிறார்கள், அவர்கள் ஏதாவது கற்றுக் கொள்வார்கள். அவர்களுக்கு நல்ல எதிர்காலம் உள்ளது”
பந்துவீச்சு பயிற்சியாளரான ஜட்டு மற்றும் வழிகாட்டியான ஜட்டு காத்திருக்கலாம். அவரது பந்துவீச்சில் எங்கு மேம்பட முடியும் என்று வெஸ்ட் இண்டீஸ் அணியின் இடது கை சுழற்பந்து வீச்சாளர் ஜோமல் வாரிக்கன் என்னிடம் கேட்டார். எனது பந்துவீச்சில் நான் பணியாற்றிய சில விஷயங்களை அவரிடம் கூறினேன். கிரிக்கெட்டில் உங்கள் அனுபவத்தைப் பகிர்ந்துகொண்டு, எந்த வீரருக்கு உதவினாலும் அப்படி எதுவும் இல்லை. எனது குறிப்புகள் மூலம் அவர் சிறப்பாக வருவார் என நம்புகிறேன்.
ஒரு பெரிய போட்டியில் விளையாட வேண்டும் என்பது ஒவ்வொரு வீரரின் கனவாகும். நான் கடினமாக உழைக்க வேண்டும். நான் வேலை செய்யக்கூடிய பகுதிகளை மேம்படுத்த முயற்சிப்பேன். அணி எனக்கு வழங்கிய பொறுப்பை ஏற்று விளையாட வேண்டும்.
இவ்வாறு அவர் கூறினார்.
2006 ஆம் ஆண்டிலிருந்து இந்தியா வெஸ்ட் இண்டீஸ் அணிக்கு எதிரான ஒரு ஒருநாள் தொடரில் கூட தோல்வி பெறவில்லை. மேலும் அவர்கள் அந்த சாதனையை அப்படியே வைத்திருப்பார்கள் என்று ஆல்-ரவுண்டர் வீரர் ஜடேஜா நம்பிக்கை தெரிவித்தார்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
Stay updated with the latest news headlines and all the latest Lifestyle news. Download Indian Express Tamil App - Android or iOS.