worldcup 2023 | india-vs-pakistan | shubman-gill: 13-வது ஒருநாள் (50 ஓவர்) உலகக் கோப்பை கிரிக்கெட் திருவிழா இந்தியாவின் பல்வேறு நகரங்களில் விறுவிறுப்பாக நடைபெற்று வருகிறது. இந்நிலையில், நேற்று டெல்லியில் நடந்த 9வது லீக் ஆட்டத்தில் 8 விக்கெட்கள் வித்தியாசத்தில் ஆப்கானிஸ்தான் அணியை இந்தியா வீழ்த்தியது. அடுத்ததாக இந்திய அணி வருகிற சனிக்கிழமை நடக்கும் 12வது லீக் ஆட்டத்தில் பாகிஸ்தான் அணியை அகமதாபாத்தில் வைத்து எதிர்கொள்கிறது.
இந்நிலையில், பாகிஸ்தானுக்கு எதிரான ஒருநாள் உலகக் கோப்பை போட்டிக்கான தயாரிப்பில் ஈடுபட இந்திய தொடக்க ஆட்டக்காரர் சுப்மன் கில் அகமதாபாத்திற்கு வந்துள்ளார். ஆஸ்திரேலியாவுடனான இந்தியாவின் மோதலுக்கு முன்னதாக அவருக்கு டெங்கு காய்ச்சல் உறுதி செய்யப்பட்டது. இதனால் கில் பின்னடைவைச் சந்தித்தார். இதன் விளைவாக அவர் சென்னையில் மருத்துவமனையில் அனுமதிக்கப்பட்டார்.
இருப்பினும், 24 வயதான கில் அக்டோபர் 14 ஆம் தேதி பாகிஸ்தானுக்கு எதிரான போட்டியில் விளையாட முடியுமா என்பது இன்னும் தெளிவாகத் தெரியவில்லை. இந்திய அணியின் பேட்டிங் பயிற்சியாளர் விக்ரம் ரத்தோர், சுப்மன் கில் சிறப்பான முறையில் குணமடைந்து வருவதாகவும், விரைவில் மீண்டும் களமிறங்குவார் என்றும் கருத்து தெரிவித்துள்ளார்.
“அவர் நலமுடன் இருக்கிறார்; அவர் மருத்துவமனையில் அனுமதிக்கப்பட்டார். ஆனால் அது முன்னெச்சரிக்கையாக இருந்தது. அவர் மீண்டும் [சென்னையில்] ஹோட்டலுக்கு வந்துள்ளார். அவர் உடல் நலத்துடன் உள்ளார், மருத்துவக் குழுவினர் தொடர்ந்து கண்காணித்து வருகின்றனர். நாங்கள் என்ன புதுப்பிப்பைப் பெற்றாலும், அவர் விரைவில் குணமடைவார் என்று நாங்கள் நம்புகிறோம். அணியைப் பொறுத்த வரையில் அனைவரும் ஃபிட்டாக உள்ளனர். கில் விரைவில் கலவையில் திரும்புவார் என்று நம்புகிறேன், ”என்று அவர் கூறினார்.
மருத்துவர்கள் கூறுவது என்ன?
சுப்மான் கில் குணமடைவதற்கான வழி மற்றும் அவர் எப்போதும் போல் விளையாடுவது குறித்து சில மருத்துவர்கள் கருத்து தெரிவித்துள்ளார்கள். 'கில் குணமடைய சிறிது நேரம் ஆகும். அவர் நல்ல அளவு திரவ உணவுகளை எடுத்துக் கொள்ள வேண்டும். மையால்ஜியாஸ் மற்றும் மூட்டு வலியை கவனித்துக் கொண்டால், அவர் விரைவாக குணமடைவார். நல்ல அளவு ஆரோக்கியம், பழங்கள் மற்றும் திரவ உணவுகள் ஆகியவை குணமடைய உதவும்" என்று எய்ம்ஸ் மருத்துவமனை மருத்துவர் ஒருவர் கூறியுள்ளார்.
"டெங்குவிலிருந்து மீள்வது பெரும்பாலும் ஒரு நபரின் நோய் எதிர்ப்பு சக்தியைப் பொறுத்தது. பொதுவாக, டெங்குவில் இருந்து முழுமையாக குணமடைய 10 முதல் 15 நாட்கள் வரை ஆகும். இருப்பினும், உட்கார்ந்த வேலைகள் மற்றும் அலுவலகப் பணிகளைச் செய்யும் சில நபர்கள் ஒரு வாரத்திற்குப் பிறகு வேலைக்குத் திரும்ப முடியும்.
மறுபுறம், சுப்மான் கில் போன்ற தொழில்முறை விளையாட்டு வீரர்களுக்கு, ஓடவும், உலகக் கோப்பையின் அழுத்தங்களைத் தாங்கவும், நீண்ட நேரம் களத்தில் செலவிடவும், அதிக அளவிலான உடற்தகுதி அவசியம். எனவே, அவர் முழு பலம் பெற சிறிது காலம் பிடிக்கும்." என்று டெல்லியைச் சேர்ந்த மருத்துவர் ஒருவர் கூறியுள்ளார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“