'காலை சூரிய உதயம் விசேஷம்': சூர்யாவை சந்தித்த இந்திய ஜாம்பவான் சச்சின் ட்வீட்!

Suriya meets Sachin Tendulkar Tamil News: தமிழ் திரையுலகில் நட்சத்திர நடிகராக வலம் வருபவர் நடிகர் சூர்யா. இவர் தற்போது, 'சிறுத்தை', 'வீரம்', 'விசுவாசம்', 'அண்ணாத்த' உள்ளிட்ட பல வெற்றிப் படங்களை இயக்கிய சிவா இயக்கும் படத்தில் நடித்து வருகிறார். சூர்யா 42 என தற்காலிகமாக பெயரிடப்பட்டுள்ள இப்படத்தில் பாலிவுட் நடிகை திஷா பத்தானி, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடிக்கின்றனர்.

இந்தப் படம் 3டி முறையில் சரித்திர படமாக 10 மொழிகளில் வெளியாக இருக்கிறது. இப்படத்தின் படப்பிடிப்பு விறுவிறுப்பாக நடைபெற்று வரும் நிலையில், நடிகர் சூர்யா நேற்று மும்பையில் முன்னாள் இந்திய கிரிக்கெட் வீரர் சச்சின் தெண்டுல்கரை நேரில் சந்தித்து புகைப்படம் எடுத்துக் கொண்டார். இந்தப் புகைப்படத்தை நடிகர் சூர்யா தனது சமூக வலைதள பக்கங்களில் பகிர்ந்துள்ளார். அந்தப் பதிவில், "மரியாதை மற்றும் அன்பு" என்று குறிப்பிட்டுள்ளார்.

View this post on Instagram

A post shared by Suriya Sivakumar (@actorsuriya)

இந்த நிலையில், நட்சத்திர நடிகர் சூர்யா பகிர்ந்துள்ள புகைப்படம் ரசிகர்கள் மத்தியில் அதிகம் பகிரப்பட்டு வைரலாகி வருகிறது. மேலும், ரசிகர்கள் வாழ்த்தும் பாராட்டும் தெரிவித்து வருகின்றனர்.

View this post on Instagram

A post shared by Sachin Tendulkar (@sachintendulkar)

தமிழ்  இந்தியன்  எக்ஸ்பிரஸின்  அனைத்துசெய்திகளையும்உடனுக்குடன்  டெலிகிராம்  ஆப்பில்  பெற https://t.me/ietamil