‘நாங்கள் ஆச்சரியப்படவில்லை, அவருடைய திறனைப் பற்றி அறிந்திருந்தோம் : வாஷிங்டன் சுந்தரின் தந்தை

ஆஸ்திரேலியாவில் சுற்றுப்பயணம் மேற்கொண்ட இந்திய அணி 4 போட்டிகள் கொண்ட டெஸ்ட் தொடரை 2-1 எனற கணக்கில் கைப்பற்றி வரலாற்று சாதனை படைத்தது. இந்த தொடர் முடிந்து நாடு திரும்பிய இந்திய வீரர்களுக்கு ரசிகர்கள் மற்றும் வீரர்களின் குடும்பத்தினர் உற்சாக வரவேற்பு அளித்தனர்.  இந்த டெஸ்ட் தொடரில் கடைசி போட்டியில் அறிமுக நாயகனாக களமிறங்கிய தமிழகத்தை சேர்ந்த வாஷிங்டன் சுந்தர் தனது முதல் போட்டியிலேயே அனைவரையும் கவர்ந்தார். இந்நிலையில், வரலாற்று சிறப்புமிக்க ஆஸ்திரேலியா தொடரில் அசத்திய வாஷிங்டன் சுந்தரின் கிரிக்கெட் வாழ்கை குறித்து அவரது தந்தை எம்.சுந்தர் இந்தியன் எக்பிரஸ் இணையதளத்திற்கு பேட்டி அளித்தார்.

அப்போது அவர் கூறுகையில்,

வாஷிங்டனின் ஆட்டம் குறித்து"நாங்கள் ஆச்சரியப்பட எதுவும் இல்லை. வாஷி திறனைப் பற்றி எங்களுக்குத் தெரியும். 4-வது போட்டியில், ஷார்துல் தாகூர் தொடர்ந்து பேட்டிங் செய்திருந்தால், அவர்கள் இருவரும் சதம் அடித்திருப்பார்கள், இந்திய டெஸ்ட் அணியில் 301-வது வீரராக களமிறங்கிய வாஷிங்டன் சுந்தர், மறக்கமுடியாத ஒரு ஆட்டத்தை கொடுத்தார். இந்த போட்டியில் பந்துவீச்சில் மட்டுமல்லாமல், பேட்டிங்கில் ஷார்துல் தாகூருடன் இணைந்து இவர் அடித்த அரைசதம் இந்தியா டெஸ்ட் தொடரை 2-1 என்ற கணக்கில் வெல்ல பெரிதும் உதவியது.

இந்த வரலாற்று தொடரை வெற்றிகரமாக முடித்து நாடு திரும்பிய வாஷிங்டனை அவரது குடும்பத்தினர் உற்சாகமாக வரவேற்றனர். மேலும் பல மாதங்களுக்குப் பிறகு தனது மகனைப் பார்ப்பதில் அவரது தந்தை பெரும் மகிழ்ச்சி அடைந்தார். இது குறித்து அவர் மேலும் கூறுகையில், கிரிக்கெட், வீரரின் வாழ்க்கையின் ஒரு பகுதி என்பதை நாங்கள் புரிந்துகொள்கிறோம், ஆனால் ஆறு மாதங்கள் என்பது சிறிது நீண்ட காலம். நாங்கள் கொஞ்சம் கவலையாக இருந்தோம். ஒவ்வொரு நாளும் குறைந்தது ஒன்றரை மணிநேர வீடியோ காலிங்கில் நாங்கள் தொடர்பில் இருந்தோம். வாஷிங்டனும் அதை ஒருபோதும் தவிர்க்காமல் எங்களுடன் தொடர்பில் இருந்தார்.

அவர் நன்றாக இருக்க வேண்டும் என்று நாங்கள் பிரார்த்தனை செய்தோம், கடினமான கட்டத்தில் அனைத்து வீரர்களையும் இவ்வளவு சிறப்பாக கவனித்துக்கொண்டதற்கு பி.சி.சி.ஐ.க்கு நன்றி கூறுகிறோம், ”என்று தெரிவித்துள்ளார். முன்னாள் ரஞ்சி வீரரான எம்.சுந்தர், தனது மகனின் ஆரம்ப நாட்களை நாட்கள் குறித்து கூறுகையில், வாய்ப்பு கிடைக்கும்போதெல்லாம் வாஷிங்டன் சிறப்பாக செயல்படுவார். அவர் ஒரு ஆசீர்வதிக்கப்பட்ட குழந்தை. நாங்கள் அவரை ஞான குஜாந்தாய் (புத்திசாலி குழந்தை) என்று அழைப்போம். அவர் ஐந்து வயதாக இருந்தபோது கிரிக்கெட்டை தீவிரமாக கற்றுக்கொள்ள தொடங்கினார். ஒரு டென்னிஸ் பந்து விளையாட்டாக இருந்தாலும், அதில் மிகவும் சிறப்பாக விளையாடுவார். இந்த ஆட்டம் தான் தற்போது அவரை ஒரு கிரிக்கெட் வீரராக வளர்த்துள்ளது என்று நினைக்கிறேன். மற்றதை விடவும் அவர் கிரிக்கெட்டில் ஆர்வமாக உள்ளார். அவரது திறனை நம்பி நாங்கள் அவரை ஆதரித்தோம், ”என்று தெரிவித்தார்.

இந்தியாவில், குறிப்பாக தென் பகுதியில், இதுபோன்ற விளையாட்டு கலாச்சாரம் இல்லை. இங்கு பெற்றோர்கள் தங்கள் குழந்தைகள் கல்வியில் அதிக கவனம் செலுத்த வேண்டும் என்று விரும்புகிறார்கள். மேலும் பள்ளிகளில், மாணவர்கள்  80 அல்லது 90 மதிப்பெண்களைப் பெறுவது அவர்களுக்கு மிகவும் முக்கியமானது என்று பெரும்பாலான பெற்றோர்கள் நினைக்கிறார்கள். ஆனால் எங்களைப் பொறுத்தவரை, மாணவர்களின் ஆர்வமே முக்கியம். வாஷிங்டன் ஆர்வத்தை நாங்கள் புரிந்துகொண்டோம்.  வாஷிங்டன் வீட்டில் ஒரு மணிநேரம் கடினமாகப் படிப்பார். அவரது மூத்த சகோதரி (ஷைலாஜா சுந்தர்) அவரது வீட்டு வேலைகள் பார்த்துக்கொண்டே அவர்  படிப்பிற்கும் உதவுவார்.

"யு -19 உலகக் கோப்பைக்குப் பிறகு, வாஷிங்டன் தனது பன்னிரெண்டாம் வகுப்பு தேர்வுக்கு இரண்டு வாரங்களில் தயாராகி, சிறப்பாக செயல்பட்டார். அவருக்கு வாய்ப்பு கிடைக்கும்போதெல்லாம், எந்த வடிவமாக இருந்தாலும் அவர் சிறப்பாக செயல்படுவார். ஐபிஎல் தொடரில், சன்ரைசர்ஸ் ஹைதராபாத்திற்கு எதிராக ஆட்டத்தில், முன்னணி வீரர்களான ஷிகர் தவான் மற்றும் டேவிட் வார்னர் ஆகியோருக்கு  வாஷிங்டன் தனது 17 வயதில் பந்து வீசுவதை கற்பனைக்கும் எட்டாத ஒன்று. அதுவும் ஆட்டத்தின்  முதல் ஓவரிலேயே. அந்த வயதில் அவரது மன வலிமை குறிப்பிடத்தக்கதாக இருந்தது. இது எல்லா கடவுளின் ஆசீர்வாதங்களும் ”என்று சுந்தர் கூறியுள்ளார்.

இந்நிலையில், வாஷிங்டன் களத்தில் இருக்கும் போது அவரோ அல்லது அவரது குடும்பத்தினரோ பின்பற்றும் மூடநம்பிக்கைகள் ஏதேனும் இருக்கிறதா என்று கேட்ட கேள்விக்கு பதிலளித்துள்ள ​​சுந்தர், இதுபோன்ற விஷயங்களை ஒருபோதும் நம்பவில்லை.“ வாஷிங்டன் கூட அத்தகைய நம்பிக்கைகளைப் பின்பற்றுவதில்லை. நாங்கள் கடவுளை நம்புகிறோம், அவ்வளவுதான். வாஷிங்டன் இப்போது மூன்று வடிவங்களையும் விளையாடுகிறது, அதை நினைத்து நாங்கள் மகிழ்ச்சியடைகிறோம். அவர் ஒரு சிறப்பு திறமை வாய்ந்த வீரர் என்று நான் எப்போதும் அவரிடம் கூறுகிறேன் - ஒரு நூற்றாண்டு கிரிக்கெட் வீரரான இவர், கபில் தேவ் போன்ற சிறந்த ஆல்ரவுண்டராக மாறுவார், ”என்று என்று தெரிவித்துள்ளார்.

கபாவில் (பிரிஸ்பேன்) தனது முதல் ஆட்டத்தில் களமிறங்கிய வாஷிங்டன் (ஆஃப்-ஸ்பின்னர்) தனது அசத்தல் பந்துவீச்சின் மூலம், மதிப்புமிக்க ஸ்டீவ் ஸ்மித்தின் விக்கெட் உட்பட மூன்று விக்கெட்டுகளை வீழ்த்தினார். முதல் இன்னிங்சில் இந்திய அணி 186/6 என்ற நிலையில் தள்ளாடியபோது 7-வது விக்கெட்டுக்கு ஷார்துல் தாகூருடன் இணைந்த வாஷிங்டன் ஒரு அற்புதமான அரைசதத்தை எடுத்து கைகொடுத்தார். இரண்டாவது இன்னிங்சிலும் வாஷிங்டன் விரைவாக 22 ரன்கள் எடுத்தார். ‘காயத்தால் பாதிக்கப்பட்ட இந்திய அணி, தடைகளை கடந்து ஒரு வரலாற்று டெஸ்ட் தொடரின் வெற்றியைப் பதிவுசெய்ய வாஷிங்டனின் ஆட்டமும் ஒரு காரணமாகும்.