warner 335 not out vs pakistan tim paine slammed for declare - வார்னரின் 400 ரன்கள் சாதனை மிஸ்... கேப்டன் பெய்னை விளாசும் ரசிகர்கள்! நடந்தது என்ன?
'கட்டதுரைக்கு கட்டம் சரியில்ல' என்பது போல், டிம் பெய்ன் மீது கடும் காண்டில் இருக்கிறார்கள் டேவிட் வார்னர் ரசிகர்கள். உலகளாவிய கிரிக்கெட் ரசிகர்களும் கூட...
Advertisment
அடிலைடில் ஆஸ்திரேலியா - பாகிஸ்தான் இடையேயான 2வது டெஸ்ட் போட்டி நேற்று (நவ.30) தொடங்கியது. இதில், முதலில் பேட்டிங் செய்த ஆஸ்திரேலிய அணியில், ஓப்பனர் ஜோ பர்ன்ஸ் 4 ரன்களில் வெளியேறினாலும், மற்றொரு ஓப்பனர் டேவிட் வார்னரும் மார்னஸ் லேபஸ்காகன் ஜோடி மெகா பார்ட்னர்ஷிப் அமைத்தனர்.
இருவரும் இரண்டாவது விக்கெட்டுக்கு 361 ரன்கள் சேர்த்தனர். மார்னஸ் 162(238) ரன்களில் அவுட்டானாலும், வார்னர் சதம், இரட்டை சதம் கடந்து முச்சதம் எடுத்து உச்சி முகர்ந்தார்.
Advertisment
Advertisements
வாயா.. வாயா... 2018ல் நீ பட்ட அவமானத்துக்கும், சிந்திய கண்ணீருக்கும் இன்னும் ரங்க ரங்கமான பதில் சொல்லுயா....
418 பந்துகளில் 335 ரன்கள் குவித்து, 'சும்மா கிழி' மாடுலேஷன் கொஞ்சமும் குறையாமல் களமாடிக் கொண்டிருந்த வார்னர், நிச்சயம் 400 ரன்களை கடந்து இன்று ஒரு புதிய சரித்திரம் படைக்கப் போகிறார் என்று உலகம் முழுவதுமான கிரிக்கெட் ரசிகர்கள் மிக ஆவலோடு எதிர்பார்த்துக் காத்திருக்க, ஆஸ்திரேலிய கேப்டன் டிம் பெய்ன் திடீரென டிக்ளேர் செய்துவிட்டார்.
அப்போது ஆஸ்திரேலிய எடுத்த ஸ்கோர், 589-3 (127 ஓவர்களில்).
இன்னும் இரண்டு மணி நேரம் விளையாடியிருந்தால், வார்னர் நிச்சயம் பிரைன் லாராவின் 400 ரன் எனும் அல்ட்ரா ரெக்கார்டை தகர்த்திருப்பார். ஆனால், ரசிகர்களின் அந்த ஆவலை கேப்டன் டிம் பெய்ன் தகர்த்துவிட்டார்.
Absolutely gutted that they didn't let him get the record. Plenty of time left in the match. #AUSvPAK#DavidWarner#TimPaine
ரசிகர்கள் ஒருபக்கம் கேப்டன் பெய்னை விளாசிக் கொண்டிருக்க, எதற்காக அவர் டிக்ளேர் செய்தார் என்று நாம் ஆராய்கையில், வானிலை ஒரு முக்கிய காரணி என்று சொல்லப்படுகிறது. மற்றபடி, வார்னர் மீது பொறாமையோ, வேண்டுமென்றோ பெய்ன் அவ்வாறு செய்யவில்லை என்றும் கூறப்படுகிறது.
ஏனெனில், 334 ரன்கள் அடித்திருந்த டான் பிராட்மேன் மற்றும் மார்க் டெய்லர் ஆகியோரின் சாதனையை வார்னர் கடக்க வேண்டும் என்பதற்காக பொறுமையாக காத்திருந்து, வார்னர் 335 ரன்கள் எடுத்த பிறகே பெய்ன் டிக்ளேர் செய்துள்ளார்.
400 ரன்கள் அடிக்க கூடுதலாக எப்படியும் ஒருமணி நேரம் ஆகும் என்பதால், வானிலையை கருத்தில் கொண்டு அவர் டிக்ளேர் செய்ததாகவே கூறப்படுகிறது.
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2019/11/a554.jpg)