திமுக எதிர்ப்பு; தமிழக சட்டப்பேரவையில் ஜிஎஸ்டி மசோதா நிறைவேற்றம்!

குரல் வாக்கெடுப்பு மூலம் ஜிஎஸ்டி மசோதா இன்று தமிழக சட்டப்பேரவையில் நிறைவேற்றப்பட்டுள்ளது. முன்னதாக, ஜிஎஸ்டி மசோதாவை அமல்படுத்தக் கூடாது என்று எதிர்க்கட்சித் தலைவர் மு.க.ஸ்டாலின் சட்டப்பேரவையில் கடும் எதிர்ப்புத் தெரிவித்தார். பின், கூட்டத் தொடரில் இருந்து திமுக வெளியேறியது. இதன்பின், ஜிஎஸ்டி மசோதா சட்டப்பேரவையில் நிறைவேற்றப்பட்டது.

இதுகுறித்து பேசிய ஸ்டாலின், "ஜிஎஸ்டி மசோதாவை நிறைவேற்றும் முன் வணிகர்கள், வணிக அமைப்புகள் போன்றவற்றிடம் அரசு கருத்து கேட்கவில்லை. ஜிஎஸ்டியில் உள்ள குறைகள் குறித்து திமுக பலமுறை குரல் எழுப்பியது" என்றார்.

இதைத் தொடர்ந்து பேசிய மாஃபா பாண்டியராஜன், "சரியான புரிதல் இன்று திமுக இப்படி பேசி வருகிறது. ஜி.எஸ்.டி.யால் வணிகவரி 4,400 கோடி அதிகரிக்கும்" என்று தெரிவித்தார்.