Arun Janardhanan
ஏப்ரல் 19-ம் தேதி முதல் கட்ட வாக்குப்பதிவின் ஒரு பகுதியாக, மக்களவைத் தேர்தலுக்கு வாக்களிக்கத் தமிழகம் தயாராகி வரும் நிலையில், மாநிலத்தில் இண்டியா கூட்டணியை வழிநடத்திச் செல்லும் முதல்வர் மு.க.ஸ்டாலின், ’சுதந்திரத்திற்கான இரண்டாவது போராட்டத்தின் மத்தியில் நாம் இருப்பது போல் உணர்வதாக’ கூறினார்.
தனது சென்னை இல்லத்தில் தி இந்தியன் எக்ஸ்பிரஸ் பத்திரிகைக்கு பேட்டியளித்த திமுக தலைவர், பாஜகவின் முக்கிய ஆயுதம் பிரதமர் நரேந்திர மோடியை "உயிரைக் காட்டிலும் பெரிய" நபராக முன்னிறுத்துகிறது என்றால், எதிர்க்கட்சிகள் அதைவிட "பலமான அணி" என்று கூறினார்.
அகிலேஷ் யாதவ், (அரவிந்த்) கெஜ்ரிவால், உத்தவ் தாக்கரே, மம்தா பானர்ஜி மற்றும் தேஜஸ்வி யாதவ் போன்ற தலைவர்கள் அனைவரும் எங்களுடன் இருக்கிறார்கள். இந்த தருணத்தின் தீவிரத்தை உணர்ந்து இந்த போராட்டத்தில் நாங்கள் ஒன்றுபட்டுள்ளோம்...
வரும் தேர்தலில், ராகுல் காந்தி போன்ற ஒரு ஆற்றல் மிக்க இளம் தலைவர், மோடியின் அந்த வளர்க்கப்பட்ட பிம்பத்தையும், பரந்த ஆர்.எஸ்.எஸ் கதையையும் தகர்க்க தயாராக விட்டார். இந்திய ஜனநாயகத்துக்து வாழ்வா, சாவா என்ற போர் இது, என்று ஸ்டாலின் கூறினார்.
எதிர்க்கட்சித் தலைவர்கள் பாஜகவுக்குச் சென்ற பிறகு, அவர்கள் மீதான வழக்குகள் முடங்கிக் கிடப்பது அல்லது தாமதப்படுத்தப்படுவது குறித்த இந்தியன் எக்ஸ்பிரஸ் செய்தியைக் குறிப்பிட்ட ஸ்டாலின், ’ஒரு தசாப்த கால ஆட்சிக்குப் பிறகு, அவர்களின் சாதனைகளைக் காட்டுவதற்குப் பதிலாக, மோடி அரசாங்கம், பண்டிட் நேரு மற்றும் இந்திரா காந்தி போன்ற பிரமாண்டமானவர்களை நோக்கி விரல்களை நீட்டி, கடந்த காலத்தை தோண்டி எடுப்பதில் மும்முரமாக உள்ளது. இப்போது அவர்களின் முக்கிய கொள்ளை என்ன? எதிர்க்கட்சிகளைக் கட்டுக்குள் வைத்திருக்க தங்கள் வசம் உள்ள ஒவ்வொரு கருவியையும் பயன்படுத்துகிறது. எதிர்க்கட்சித் தலைவர்கள் கைது செய்ய, தேர்தல் ஆணையம் கூட வேறு வழியைப் பார்க்கிறது.
தகவல் அறியும் உரிமைச் சட்டத்தின் அடிப்படையில் இந்திரா காந்தி அரசை தாக்குவதற்காக கட்சி எழுப்பிய கச்சத்தீவு விவகாரத்தை குறிப்பிட்ட ஸ்டாலின், ஆர்டிஐயையும் பாஜக தனது நோக்கங்களுக்காக பயன்படுத்த முடிவு செய்துள்ளதும் என்றார்.
ஏனென்றால் மோடியின் வார்த்தைகளை மக்கள் நம்ப மாட்டார்கள் என்று அஞ்சுவதால், அவர்கள் ஆர்டிஐயில் இணைந்துள்ளனர்.
மாநில உரிமைகள் மீதான நம்பிக்கை மற்றும் மொழி மீதான ஆழ்ந்த பற்று தவிர, “எல்லாருக்கும் எல்லாம்” என்ற கொள்கையின் அடிப்படையில் திமுக எப்போதும் சமூக நீதிக்கான அதன் சித்தாந்தத்திற்கு உண்மையாக இருந்து வருகிறது.
பாஜக வித்தியாசமான விளையாட்டை விளையாடுகிறது. அவர்கள் மத உணர்வுகளை வீசி, வெறுப்புணர்வை வளர்க்கிறார்கள், ஆர்எஸ்எஸ் சித்தாந்தத்தில் அரசியலை புகுத்துகிறார்கள். இன்றைக்கு மோடியை அவர்கள் முன்னோடியாகக் கொண்டுள்ளனர். இது நேற்று வேறொருவர், அது நாளை மற்றொரு முகமாக இருக்கும்.
நிதி தொடர்பாக உச்ச நீதிமன்றத்தை அணுகுவதைத் தவிர வேறு வழியின்றி மோடி அரசு தமிழகத்தை விட்டு விட்டதாகவும் ஸ்டாலின் குற்றம் சாட்டினார்.
நிதி உதவி என்பது ஒரு சலுகை அல்ல, அது சட்டப்படி நமது உரிமை... இந்த நிர்வாகப் பிரச்சனைகளை தீர்ப்பதற்காக மோடி அரசு கடைசியாக முதல்வர்களின் கூட்டத்தை எப்போது அழைத்தது சொல்லுங்கள்? பாஜக துடிப்பான ஜனநாயகம் மற்றும் கூட்டுறவு கூட்டாட்சி பற்றி பேச விரும்புகிறார்கள், ஆனால் அது உண்மையில் எங்கே? நடைமுறையில், அப்படி இல்லை.
தேர்தல் பத்திரங்கள் தொடர்பான உச்ச நீதிமன்றத் தீர்ப்பின் பின்னணியில், அரசியல் ஊழல் விவகாரம் குறித்தும் பேசிய ஸ்டாலின், "ஒரு கட்சியை நடத்துவது தொடர்பான நிதி தேவைகள் அதிகரித்திருப்பது ரகசியமில்லை”. வெளிப்படைத்தன்மை தான் முக்கிய பிரச்சினை, என்றார்.
தி.மு.க., ஏன் தேசிய அளவில் முக்கியப் பதவிக்கு ஆசைப்படவில்லை என்பது குறித்து, ஸ்டாலின் பேசிகையில், “இந்திய அரசியலில், தி.மு.க.,வின் பங்கு, மத்திய அரசில் சில அமைச்சர் பதவிகளை பறிப்பதில் மட்டும் இல்லை என்பதை நீங்கள் புரிந்து கொள்ள வேண்டும்... வி.பி.சிங், (எச்.டி.) தேவகவுடா, (ஐ.கே.) குஜ்ரால் மற்றும் மன்மோகன் சிங் போன்ற பிரதமர்களைத் தேர்ந்தெடுப்பதில் முக்கியப் பங்கு வகித்து, தேசியத் தலைமையை உருவாக்குவதில் திமுக முக்கியப் பங்காற்றியுள்ளது.
குடியரசுத் தலைவர், துணைக் குடியரசுத் தலைவர் மற்றும் பிரதமர் போன்ற உயர் பதவிகள் கூட கலைஞரின் கைக்குள் இருந்திருக்கக் கூடிய சந்தர்ப்பங்கள் உண்டு. அவர் என் உயரம் எனக்குத் தெரியும்’ என்று அடக்கமாகச் சொன்னார். ஆனால், இந்திய அரசியல் சூழலில், கலைஞரும், தி.மு.க.வும் தலைசிறந்த ஆளுமைகள் என்பதில் தவறில்லை, என்று ஸ்டாலின் கூறினார்.
Read in English: It’s a do-or-die battle for democracy, defending the core of India: Stalin
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“