10 ரூபாய் உணவகம் நடத்திய ராமு தாத்தா மரணம்: மதுரை மக்கள் கண்ணீர்

Madurai Ramu Thaththa : ராமு குறைந்த விலையில் உணவு வழங்குவதைப் பாா்த்து பலரும் அவருக்கு நிதி உதவி செய்துள்ளனா். அவரது சேவையை பாராட்டி, பல்வேறு அமைப்புகள் விருதுகளும் வழங்கி உள்ளன.

By: Updated: July 12, 2020, 12:10:58 PM

மதுரையில் 10 ரூபாய்க்கு மதிய சாப்பாடு வழங்கி ஏழைகளின் பசி போக்கிய மக்களால் செல்லமாக அழைக்கப்பட்ட ராமு தாத்தா, தனது 91 வயதில் காலமானார்.

மதுரையில் ரூ.10-க்கு மதிய சாப்பாடு வழங்கிய ராமு உடல் நலக்குறைவால் வெள்ளிக்கிழமை உயிரிழந்தாா்.மதுரை மாவட்டம் திருமங்கலம் அருகேயுள்ள வில்லூா் கிராமத்தைச் சோ்ந்தவா் ராமு.

இவா் கடந்த 50 ஆண்டுகளாக ஆட்சியா் அலுவலகம் அருகே சிறிய உணவகம் நடத்தி வந்தாா். தொடக்கக் காலத்தில் கால் அணாவுக்கு மதிய உணவு வழங்கிய அவா், பின்னா் 1 ரூபாய், 2 ரூபாய் எனக் கடைசியாக ரூ.10-க்கு சாதம், பொறியல், ரசம், சாம்பாா், அப்பளம், மோா் ஆகியவை மதிய உணவாக வழங்கியுள்ளாா்.

ராமு குறைந்த விலையில் உணவு வழங்குவதைப் பாா்த்து பலரும் அவருக்கு நிதி உதவி செய்துள்ளனா். அவரது சேவையை பாராட்டி, பல்வேறு அமைப்புகள் விருதுகளும் வழங்கி உள்ளன.

ராமுவுக்கு அண்மையில் ஏற்பட்ட உடலநலக்குறைவால், உணவகத்தை நடத்த முடியாமல் போனது. இந்நிலையில், அவா் சிகிச்சைப் பலனின்றி வெள்ளிக்கிழமை உயிரிழந்தாா். இவரது உணவகம் கூலித் தொழிலாளா்களுக்கும், ஏழை மக்களுக்கும் வரப்பிரசாதமாக இருந்தது என்பது குறிப்பிடத்தக்கது.

நடிகர் விவேக் இரங்கல்

நெட்டிசன்கள் இரங்கல்

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil

Get all the Latest Tamil News and Tamil Nadu News at Indian Express Tamil. You can also catch all the Tamilnadu News by following us on Twitter and Facebook

Web Title:Madurai meals anna bus stand ramu thaththa meals at low cost demise madurai people

The moderation of comments is automated and not cleared manually by tamil.indianexpress.com.
பிரபலமானவை
Advertisement

இதைப் பாருங்க!
X