மழை நிலவரம்: எந்த மாவட்டங்களில் பள்ளி, கல்லூரிகளுக்கு விடுமுறை?

கனமழை காரணமாக நீலகிரி முவதும் பள்ளிகளுக்கும் விடுமுறை அளிக்கப்பட்டுள்ளது. மேலும் வால்பாறையில் பள்ளி மற்றும் கல்லூரிகளுக்கு விடுமுறை அளிக்கப்பட்டுள்ளது.

சென்னை வானிலை ஆய்வு மையம் வெளியிட்ட செய்திக் குறிப்பில் நீலகிரி, கோவை, திருப்பூர், ஈரோடு, தேனி, தென்காசி, திருநெல்வேலி, கன்னியாகுமரி, மதுரை , விருதுநகர் மற்றும் சேலம் மாவட்டங்களில் அடுத்த 3 மணி நேரத்திற்கு லேசானது முதல் மிதமானது வரை மழை பெய்யும் என்று  தெரிவிக்கப்பட்டுள்ளது.

கனமழை காரணமாக நீலகிரி மாவட்டம் முழுவதும் இன்று விடுமுறை அளிக்கப்பட்டுள்ளது.  4 தாலுகாக்களுக்கு மட்டும் விடுமுறை அறிவிக்கப்பட்டிருந்த நிலையில் நீலகிரி மாவட்டம் முழுவதும் விடுமுறை அறிவிக்கப்பட்டுள்ளது . கோவை மாவட்டம், வால்பாறையில் இன்று மட்டும் பள்ளி, கல்லூரிகளுக்கு விடுமுறை அளிப்பதாக  மாவட்ட ஆட்சியர் உத்தரவிட்டுள்ளார்.

புதுச்சேரி மாநில ஆளுகைக்கு உட்பட்ட கேரளாவில் உள்ள பிராந்தியமான மாகே பகுதியில் கல்வி நிறுவனங்களுக்கு விடுமுறை அளிக்கப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“