மானியம் இல்லாத சிலிண்டர் விலை ரூ 76 உயர்வு: சென்னையில் ரூ 696-க்கு விற்பனை

வேலூர் மாவட்டம் ஆம்பூரை அடுத்த வீராங்குப்பம் பகுதியை சேர்ந்த வீரமணி-ரம்யா தம்பதியின் மகள் யஷ்வந்திகா. 3 வயதான அக்குழந்தை, வீட்டின் அருகே துணி துவைக்கும் இடத்தில் விளையாடியுள்ளது. டிரம் அருகே விளையாடிக் கொண்டிருந்த குழந்தை திடீரென தவறி டிரம்முக்குள் தலைகீழாக விழுந்ததில், மூச்சு திணறல் ஏற்பட்டது. அக்கம் பக்கத்தினர் உடனடியாக  குழந்தையை மீட்டு சிகிச்சைக்காக ஆம்பூர் அரசு மருத்துவமனைக்கு கொண்டுச்சென்றனர். குழந்தையை பரிசோதித்த மருத்துவர்கள் குழந்தை இறந்துவிட்டதாக கூறினர்.  டிரம்மில் மூழ்கி மூன்று வயது குழந்தை இறந்த சம்பவம் அப்பகுதி மக்களிடையே பெரும் சோகத்தை ஏற்படுத்தியது

ஆங்கிலத்தை விட 3 மடங்கு அதிக சொற்களை கொண்டது தமிழ், மேலும் 10 ஆயிரம் புதிய தமிழ் சொற்கள் நடைமுறைக்கு வர‌வுள்ளதாக அமைச்சர் பாண்டியராஜன் தெரிவித்துள்ளார்.

பண பலத்தைக் கொண்டே இடைத்தேர்தலில் அதிமுக வெற்றி பெற்றதாக திமுக தலைவர் மு.க. ஸ்டாலின் விமர்சித்துள்ளார். சென்னை மதுரவாயலில் திருமண விழா ஒன்றில் கலந்து கொண்டு பேசிய அவர், நாங்குநேரி, விக்கிரவாண்டி இடைத் தேர்தலில் அதிமுக பண பலத்தைக் கொண்டே வெற்றி பெற்றதாகக் குறிப்பிட்டார். வரும் காலங்களில் அக்கட்சி, எந்த தேர்தலிலும் வெற்றி பெறாது என்றும் அவர் தெரிவித்தார். தமிழகத்தில் நடப்பது எடப்பாடி பழனிசாமியின் ஆட்சி இல்லை என குறிப்பிட்ட மு.க. ஸ்டாலின், மத்திய அரசுக்கான எடுபுடி ஆட்சிதான் தற்போது நடந்து கொண்டிருப்பதாகக் கூறினார்.

கீழடி அகழாய்வு தமிழர் நாகரீகத்தை உலகிற்கே பறைசாற்றியுள்ளது என்று சென்னை கலைவாணர் அரங்கில் நடைபெற்று வரும் தமிழ்நாடு நாள் விழாவில் முதல்வர் பழனிசாமி தெரிவித்துள்ளார்.  தமிழ்நாடு என்று பெயரை மாற்றி அண்ணா சாதித்ததாக அவர் மேலும் குறிப்பிட்டுள்ளார்.

சிவகங்கை திருப்புவனம் அருகே உள்ள கொந்தகையில் ரூ12.21 கோடியில் கீழடி அகழாய்வு பொருட்களை கொண்டு உலக அருங்காட்சியகம் அமைக்கப்படும் என்று முதல்வர் பழனிசாமி அறிவித்துள்ளார்.

அமைச்சர் எஸ்.பி. வேலுமணி மீதான புகார் குறித்த ஆரம்பகட்ட விசாரணையை டிசம்பர் 18ம் தேதிக்குள் முடிக்க லஞ்ச ஒழிப்பு துறைக்கு சென்னை உயர்நீதிமன்றம் உத்தரவு பிற்பித்துள்ளது.  இந்நிலையில் இந்த வழக்கு உள்நோக்கத்துடன், அரசியல் ஆதாயத்திற்காக தொடரப்பட்டுள்ளது அமைச்சர் எஸ்.பி. வேலுமணி செய்தியாளர் கேள்விக்கு பதில் அளித்துள்ளார். 

ஜார்கண்ட் சட்டப்பேரவைக்கு 5 கட்டங்களாக தேர்தல் நடைபெறும் என்று தேர்தல் ஆணையம் தெரிவித்துள்ளது. இதற்காக முதல் கட்ட தேர்தலுக்கான வேட்பு மனு தாக்கல்  வரும் நவம்பர் 13ம் தேதி தொடங்குகிறது, நவம்பர் 30ம் தேதி முதல்கட்ட வாக்குப்பதிவு நடைபெறுகிறது.

மதுரை கீழடி கண்காட்சியை காணொலிக்காட்சி மூலம் முதல் இன்று திறந்து வைத்தார். அரியலூரில் ரூ.809 கோடி மதிப்பீட்டில் புதிதாக விரிவாக்கம் செய்யப்பட்ட அரசு சிமெண்ட் ஆலையை முதலமைச்சர் பழனிசாமி காணொலி காட்சி மூலம் தொடங்கி வைத்தார். 

ராஜீவ் காந்தி கொலை வழக்கில் கைது செய்யப்பட்ட 7 பேரில் முருகன் தனிமை சிறையில் அடைக்கப்பட்டுள்ளார். முருகனை  சாதாரண சிறை பிரிவுக்கு மாற்ற கோரி சென்னை உயர்நீதிமன்றத்தில் மனு தாக்கல் செய்யப்பட்டது. இந்த மனு தொடர்பாக பதிலளிக்க சென்னை உயர்நீதிமன்றம் உத்தரவிட்டுள்ளது. 

அரசு அனுமதிக்காக விண்ணப்பித்து பல்வேறு நிலைகளில் இருந்த 21 தொழில் திட்டங்களுக்கு தமிழக அரசு அனுமதி அளித்துள்ளது.  ரூ.8,120 கோடி மதிப்பிலான இந்த தொழில் முதலீடுகள் மூலம் 16,000 பேருக்கு புதிய வேலை வாய்ப்புகள் உறுதியாகியுள்ளது  என்று தமிழக அரசு தெரிவித்துள்ளது. 

தமிழக மக்களுக்கு மிகப்பெரிய ஆபத்தாக அதிமுக அரசு மாறி இருக்கிறது என்று, தமிழகத்தில் தற்போது நடப்பது அதிமுக ஆட்சி இல்லை பாஜக ஆட்சி என்று திமுக தலைவர் மு.க ஸ்டாலின் ட்வீட் செய்துள்ளார். 

மத்திய அரசு #NationalEducationPolicy-ஐ அதிகாரப்பூர்வமாக வெளியிடும் முன்பே, முந்திக்கொண்டு 5 மற்றும் 8ஆம் வகுப்புகளிலும் பொதுத்தேர்வு என்று அறிவித்திருப்பதால் தான், தமிழகத்தில் நடப்பது அதிமுக அரசு அல்ல; பாஜக அரசு என்கிறோம்.

— M.K.Stalin (@mkstalin) November 1, 2019

ஐ. என். எக்ஸ் மீடியா வழக்கில் ப.சிதம்பரத்திற்கு இடைக்கால ஜாமின் வழங்க டெல்லி உயர் நீதிமன்றம் மறுப்பு தெரிவித்துள்ளது. சிதம்பரம் உடல் நிலையை கருத்தில் கொண்டு கொசுவலை, மாஸ்க் வழங்க உத்தரவிடப்பட்டுள்ளது. உடல்நிலையை காரணம் காட்டி தொடரப்பட்ட இடைக்கால ஜாமின் மனு நிராகரிப்பட்டுள்ளது.

சிதம்பரத்தின் உடல்நிலை நன்றாக உள்ளதாக எய்ம்ஸ் மருத்துவ குழு டெல்லி உயர்நீதிமன்றத்தில் அறிக்கை  தாக்கல் செய்தது.  

தேனியில் பாரதிராஜா மற்றும் இளையராஜா சந்திப்பு சமூகவலைத்தளங்களில் வைரலாகி வருகிறது. இயலும், இசையும் இணைந்தது, இதயம் என் இதயத்தை தொட்டது என பாரதிராஜா தனது ட்விட்டர் பக்கத்தில் இதை பகிர்ந்துள்ளார்.

இயலும்,இசையும், இணைந்தது ..

இதயம் என் இதயத்தை தொட்டது💕💕💕என் தேனியில்❣❣ pic.twitter.com/4Tj9SXVQ2L

— Bharathiraja (@offBharathiraja) November 1, 2019

தமிழகத்தையே புரட்டி போட்ட பொள்ளாச்சி பாலியல் வன்கொடுமை வழக்கில் திருநாவுக்கரசு, சபரிராஜன் மீதான குண்டர் சட்டம் ரத்து  செய்யப்பட்டுள்ளனது. இவர்கள் மீதான் குண்டர் சட்டத்தை சென்னை  உயர்நீதிமன்றம் ரத்து செய்துள்ளது. 

திருச்சி பெல் நிறுவன தொழிலாளர் கூட்டுறவு வங்கியில் ரூ. 1.50 கோடி பணம் கொள்ளையடிக்கப் பட்டுள்ளது. இதுகுறித்த, சில முக்கியத் தகவல்களை போலீசார் சேகரித்து வருகின்றனர். பெரிய நிறுவனத்துக்குள் இருக்கும் கூட்டுறவு வங்கியில் பணம் களவாடப்பட்டிருப்பது அனைவரயும் அதிர்ச்சியடைய வைத்துள்ளது.

சில நாட்களுக்கு திருச்சி பஸ் ஸ்டாண்டில் அருகில் இருக்கும் லலிதா ஜுவல்லரியில் நகை கொல்லையடிக்கப்பட்டன  என்பதும் குறிப்பிடத்தக்கது

2ஜி விவகாரத்தில்  ஆ.ராசா, கனிமொழி உள்ளிட்டோர் விடுதலைக்கு எதிராக தொடரப்பட்ட வழக்கின் விசாரனையை அடுத்த மாதம் நவம்பர் ஐந்தாம் தேதிக்கு ஒத்திவைத்துள்ளது டெல்லி உயர் நீதி மன்றம் 

அரபிக் கடலில்  மையம் கொண்டிருந்த மஹா புயல் மிக வேகமாக வடமேற்கு நோக்கி நகர்வதால் தமிழகம் கடலோர மாவட்டங்களுக்கு பெரிய பாதிப்பு இல்லை என்று சென்னை வானிலை ஆய்வு மையம் தெரிவித்துள்ளது. 

நான்கு அம்ச கோரிக்கைகளை வலியுறித்தி கடந்த எட்டு நாட்களாக போராட்டம் நடத்தி வந்த தமிழக அரசு மருத்தவர்கள் சங்கம், இன்று காலை தங்களது போராட்டத்தை தற்காலிகமாக வாபஸ் செய்தது. இதனால், பிரேக் இன் சர்வீஸ் ( பணி முறிவு ) என்ற துறை சார்ந்த நடவடிக்கையை அரசு கைவிடுகிறது என்று சுகாதாரத் துறை அமைச்சர் விஜய பாஸ்கர் தெரிவித்துள்ளார்.  மேலும் , மருத்துவர்களின் நியாயமான கோரிக்கையை தமிழக அரசு கனிவோடு பரிசீலிக்கும் என்றும் தெரிவித்தார்.  

இரண்டு நாள் அரசு முறை பயனாமாக இந்தியா வந்து ஜனாதிபதி மாளிகையில் ஜெர்மன் அதிபர் அங்கேலா மேர்க்கெலை இந்தியா பிரதமர் வரவேற்றார்.  இன்று இந்தியப் பிரதம மந்திரியோடு நடக்கும் இருநாட்டு தலைவர் சந்திப்பில் - இரு நாடுகளுக்கும் இடையில் இருக்கும் நல்லுறவை பலபடுத்துவது குறித்து ஆலோசனை செய்ய உள்ளார்.

நெல்லை முன்னாள் மேயர் உமா மகேஸ்வரி கொலை வழக்கில் திமுகவின் மாநில ஆதிதிராவிடர் நலக்குழு துணைச் செயலாளர் சீனியம்மாள், மற்றும்  அவரது கணவர் சன்னாசி உள்ளிட்டோரை சிபிசிஐடி போலீசார் அதிரடியாக கைது செய்தனர்  .  இந்நிலையில்,  சீனியம்மாளையும்,  அவரது கணவரையும் திமுக கட்சியில் இருந்து நீக்கப்பட்டிருக்கின்றனர். இந்த அறிவிப்பை, திமுக பொதுச் செயலாளர் க.அன்பழகன் வெளியிட்டுள்ளார்.       

கடந்த அக்டோபர் 21 ம் தேதி நடந்த புதுச்சேரி காமராஜ் நகர்  இடைத் தேர்தலில் காங்கிரஸ்  வேட்பாளர் ஜான் குமார் 7000க்கும் அதிகாமான வாக்கு வித்தியாசத்தில் வெற்றி பெற்றார். இன்று, ஜான் குமார் புதுச்சேரியின் சட்டமன்ற உறுப்பினராக முறைப்படி பதியேற்றார்.   

நான்குனேரி  அதிமுக வேட்பாளர் நாராயணன், விக்கிரவாண்டி  அதிமுக வேட்பாளர் முத்தமிழ் செல்வன் ஆகியோர் சற்று முன்பு  சட்டமன்ற உறுப்பினர்களாக முறைப்படி பதவியேற்றுக் கொண்டனர். சபாநாயகர் தனபால்  சென்னை தலைமை செயலகத்தில்  இந்த பதவிப்பிரமாணத்தை  செய்து வைத்தார்.

தமிழ்நாடு சட்டமன்ற பேரவைக்கு நடைபெற்ற இடைதேர்தலில் நாங்குநேரி சட்டமன்ற தொகுதியில் போட்டியிட்டு வெற்றி பெற்ற திரு. நாராயணன் அவர்களும் விக்கிரவாண்டி சட்டமன்ற தொகுதியில் போட்டியிட்டு வெற்றி பெற்ற திரு.முத்தமிழ் செல்வன் அவர்களும்

1/2 pic.twitter.com/76SYMjmNd0

— P Dhanapal (@PDhanapaloffcl) November 1, 2019

சில நாட்களுக்கு முன்பு  விக்கிரவாண்டி, நாங்குநேரி தொகுதி இடைத்தேர்தலில் அதிமுக அபார வெற்றி பெற்றது.   நான்குனேரி தொகுதியில் 32,811 வாக்குகள் வித்தியாசத்தில் அதிமுக வேட்பாளர் நாராயணனும், விக்கிரவாண்டி தொகுதியில் 44,782 வாக்குகள் வித்தியாசத்தில் அதிமுக வேட்பாளர் முத்தமிழ்ச்செல்வனும் வெற்றி பெற்றனர்.

இன்று, இந்த இரு எம்எல்ஏக்களும் மறைந்த முன்னாள் முதல்வர் ஜெயலலிதாவின் நினைவிடத்திற்கு சென்று மரியாதை செலுத்தினர். 

தமிழர்களை பெருமைப்படுத்தும் விதமாக தமிழ்நாடு மாநிலம் உருவாக்கப்பட்ட நவம்பர் 1ஆம் நாளான இப்பொன்னாளில் தமிழக மக்கள் அனைவருக்கும் "தமிழ்நாடு தின" நல்வாழ்த்துகளை மகிழ்ச்சியோடு தெரிவித்து கொள்கிறேன். #தமிழ்நாடுநாள்64

— O Panneerselvam (@OfficeOfOPS) November 1, 2019

இத்தினத்தில் தமிழர்களின் பண்பாட்டு அடையாளத்தை உலக அரங்கில் உயர்த்தும் விதமாக, மெட்ராஸ் ஸ்டேட் என்ற பெயரை "தமிழ்நாடு" எனப் பெயர் சூட்டிய பேரறிஞர் அண்ணா அவர்களையும், இதற்காக போராடிய சங்கரலிங்கனார் உள்ளிட்ட தலைவர்களின் தியாகங்களையும் நினைவுகூர்ந்து போற்றுவோம். #தமிழ்நாடுநாள்

— O Panneerselvam (@OfficeOfOPS) November 1, 2019

தமிழ்நாடு மாநிலம் உருவாக்கப்பட்ட நவம்பர் 1ஆம் நாளான இப்பொன்னாளில் தமிழக மக்கள் அனைவருக்கும் தனது நல்வாழ்த்துகளை தெரிவித்துள்ளார். மேலும், பேரறிஞர் அண்ணா, சங்கரலிங்கனார் ஆகியோர்களையும் இந்நாளில் நினைவு கூறுவதாகவும் தெரிவித்துள்ளார்.

மத்திய அரசு மருத்துவர்களுக்கு நிகரான சம்பளம் அளிக்கப்பட வேண்டும் போன்ற நான்கு அம்ச கோரிக்கைகளை நிறைவேற்ற தமிழ்நாடு அரசு மருத்துவர்கள் சங்கம் சார்பில் வேலை நிறுத்தம் நடைபெற்று வந்தது. கடந்த 8 நாட்களாக இந்த போராட்டம் நடை பெற்று வந்த சூழ்நிலையில்,   பொதுமக்கள் பாதிக்கும் வகையில் மருத்துவர்களின் செயல்பாடு இருக்குக் கூடாது என்ற கோரிக்கையை தமிழக முதல்வர் முன் வைத்தார். மேலும், கொடுக்கப்பட்ட கெடுவுக்குள் பணிக்கு திரும்பாவிட்டால் பணி நீக்கம் செய்யப்படுவார்கள் என்ற சுற்றரிக்கையும் சுகாதாரத் துறை அமைச்சகம் வெளியிட்டது . இந்நிலையில், இன்று முதல் வேலை நிறுத்தத்தை தற்காலிகமாக  வாபஸ் பெறுவதாக  தமிழ்நாடு அரசு மருத்துவர்கள் சங்கம்  அறிவித்துள்ளது.