ஒரே நாடு ஒரே ரேஷன் திட்டம் பாதிப்பை ஏற்படுத்தாது: ஓ.பன்னீர்செல்வம் உறுதி

நெல்லை மாவட்ட நாங்குநேரியில் நடைபெற்று வரும் காங்கிரஸ் செயல்வீரர்கள் கூட்டத்தில் பேசிய கே.எஸ். அழகிரி, கன்னியாகுமரி, தூத்துக்குடி, நெல்லை பகுதியில் அதிகம் பலமிருந்தும் தனித்து வெற்றி பெறுதல் சாத்தியமில்லாத காரணங்கள் குறித்து அவர் பேசி வருகிறார்.

தமிழகத்தில் காங்கிரஸ் கட்சியை சீர் செய்துவிடலாம் என்று நான் நினைத்தால் அது நடக்கவே இல்லை. 50 ஆண்டுகளாக மேடைக்கட்டுப்பாடு நம்மிடம் இல்லை என்று தமிழக காங்கிரஸ் கமிட்டி தலைவர் கே.எஸ்.அழகிரி பேச்சு.

சென்னையில் தற்போது ஆபரணத்தங்கம் சவரனுக்கு ரூ. 336 குறைந்துள்ளது. தற்போது கிராம் ஒன்று ரூ. 3658-க்கு விற்பனையாகிறது. ஏற்கனவே இன்று காலை ரூ. 328 குறைந்த நிலையில் மேலும் ரூ.336 குறைந்துள்ளது. ஒரே நாளில் ரூ.664 வரை குறைந்துள்ளது.

ஆசிரியர்கள் வேலைநாட்களில் போராட கூடாது என்பது அரசின் வேண்டுகோள் ஏனெனில் பாடத்திட்டத்தை நடத்த 240 நாட்கள் தேவைப்படுகிறது  என்றும் , ஆசிரியர்கள் கந்துவட்டி தொழிலில் ஈடுபடுவது கண்டறியப்பட்டால் உரிய நடவடிக்கை எடுக்கப்படும் என்றும் அமைச்சர் செங்கோட்டையன் தெரிவித்துள்ளார். 

ஒரே நாடு ஒரே ரேஷன் அட்டை திட்டம் காங்கிரஸ் ஆட்சியில் கொண்டு வரப்பட்டது; இந்த திட்டத்தால் தமிழக மக்களுக்கு கடுகளவும் பாதிப்பில்லை என செல்லூர் ராஜூ தெரிவித்திருக்கிறார். 

”ரஜினி சிறந்த நடிகர், நல்ல மனிதர், மனதில் தோன்றியதை வெளிப்படையாக பேசக் கூடியவர். ரஜினி கட்சி ஆரம்பித்தால் யாருக்கு பாதிப்பு என்று சொல்ல முடியாது, முதலில் அவர் கட்சியை ஆரம்பிக்கட்டும்” என அமைச்சர் செல்லூர் ராஜூ திருச்சியில் பேட்டியளித்தார். 

ஏர்செல்-மேக்சிஸ் வழக்கில் ப.சிதம்பரம், கார்த்தி சிதம்பரத்திற்கு வழங்கப்பட்ட முன்ஜாமீனை ரத்துசெய்யக்கோரி டில்லி உயர்நீதிமன்றத்தில் சிபிஐ, அமலாக்கத்துறை மனுத்தாக்கல் செய்துள்ளன.

ஒரே நாடு, ஒரே ரேஷன் திட்டம் எந்த பாதிப்பையும் ஏற்படுத்தாது என்று  துணைமுதல்வர் பன்னீர்செல்வம் தெரிவித்துள்ளார். எதிர்க்கட்சி தலைவர் ஸ்டாலின், டிடிவி தினகரன் உள்ளிட்டோர் இத்திட்டத்திற்கு எதிர்ப்பு தெரிவித்துள்ள நிலையில், துணைமுதல்வரின் இந்த கருத்து முக்கியத்துவம் பெறுகிறது.

ஜிம்பாப்வே முன்னாள் அதிபர் ராபர்ட் முகபே(வயது 95) உடல்நலக்குறைவால் சிங்கப்பூரில் காலமாகியுள்ளார். சிங்கப்பூர் மருத்துவமனையில் சிகிச்சை பெற்று வந்த ராபர்ட் முகபே, சிகிச்சை பலனின்றி காலமாகியுள்ளார்.

பாஜகவில் ரஜினி இணைவதற்கு வாய்ப்பு மிகக்குறைவு, ஆனால் பாஜக மற்றும் ரஜினியின் கொள்கைகள் ஒரே மாதிரியானவை . ரஜினி வந்தால் பல கட்சிகள் காணாமல் போய்விடும் என்பது உறுதி என நடிகரும் பா.ஜ. பிரமுகருமான எஸ்.வி. சேகர் தெரிவித்துள்ளார்.

எதிர்க்கட்சி தலைவர் முதல்வர் ஆகவேண்டும் என்ற கனவு உலகத்திலேயே இருந்து வருவதாக துணை முதல்வர் பன்னீர்செல்வம் தெரிவித்துள்ளார். மதுரை மாவட்டம் உசிலம்பட்டியில் பத்திரிகையாளர்களை சந்தித்த அவர் இவ்வாறு தெரிவித்தார்.

ஜனநாயக நாட்டில் யார் வேண்டுமானாலும் கட்சி தொடங்கலாம், ஆனால் மக்கள் அங்கீகாரம் கொடுப்பதே முக்கியம். யார் வந்தாலும் அதிமுக ஆட்சியே தொடரும், அதிமுக வாக்குவங்கியை யாரும் தட்டி பறிக்க முடியாது என அமைச்சர் ஜெயக்குமார் தெரிவித்துள்ளார்.

அமெரிக்கா சென்றுள்ள தமிழக முதல்வர் பழனிசாமி, அமைச்சர்கள் ராஜேந்திர பாலாஜி, எம்.சி.சம்பத் உள்ளிட்டோர் சான்பிரான்சிஸ்கோவில் உள்ள கார் உற்பத்தி நிறுவனமான டெஸ்லாவில் ஆய்வு மேற்கொண்டனர். கார்களின் தயாரிப்பு, வடிவமைப்பு உள்ளிட்ட விபரங்களை அங்குள்ள அதிகாரிகளிடம் கேட்டறிந்தனர்.

நடிகர் ரஜினிகாந்த் எந்த கட்சியிலும் சேரமாட்டார். அவரால் ஒருகட்சியின் கீழ் பணியாற்ற முடியாது என தமிழக காங்கிரஸ் கட்சியின் முன்னாள் தலைவர் திருநாவுக்கரசர் தெரிவித்துள்ளார். சென்னையில் பத்திரிகையாளர்களை சந்தித்த அவர் கூறியதாவது, ப.சிதம்பரம், டி கே சிவகுமார் உள்ளிட்டவர்கள் மீது போடப்பட்டுள்ள வழக்குகள் உள்நோக்கம் கொண்டவை .  அவற்றிலிருந்து அவர்கள் மீண்டு வருவார்கள் என தெரிவித்த அவர்,  இதுபோன்ற வழக்குகளின் மூலம் காங்கிரஸ் கட்சியை முடக்கி விட முடியாது என்று கூறினார்.

சென்னையில் பெட்ரோல், நேற்றைய விலையில் இருந்து 9 காசு குறைந்து , ஒரு லிட்டர் ரூ.74.66 ஆகவும், டீசல், நேற்றைய விலையில் இருந்து 5 காசு குறைந்து ஒரு லிட்டர் ரூ.68.84 ஆகவும் உள்ளது. 

கனமழை காரணமாக கர்நாடக அணைகளில் இருந்து திறந்து விடப்படும் நீரின் அளவு அதிகரிக்கப்பட்டுள்ளது. கேஆர்எஸ் அணையில் இருந்து 50,000 கனஅடியும், கபினி அணையில் இருந்து 20,000 கனஅடியும் நீர்திறக்கப்பட்டு வருகிறது. கர்நாடக அணைகளில் இருந்து காவிரியாற்றில் தமிழகத்திற்கு 70,000 கனஅடி நீர் திறக்கப்பட்டு வருகிறது. இதனால் தமிழக எல்லை பகுதியான பிலிகுண்டுலுவுக்கு வரும் நீரின் அளவு 28,000 கனஅடியில் இருந்து 50,000 கனஅடியாக அதிகரித்துள்ளது. ஒகேனக்கலுக்கு வரும் நீரின் அளவும் 30,000 கனஅடியில் இருந்து 50,000 கனஅடியாக அதிகரித்துள்ளது.