ஒரே நாடு ஒரே ரேஷன் திட்டம் பாதிப்பை ஏற்படுத்தாது: ஓ.பன்னீர்செல்வம் உறுதி

Tamil Nadu news today live updates : தமிழகத்தின் இன்றைய முக்கியச் செய்திகள், அரசியல் நிலவரங்கள், பொதுப் பிரச்னைகள், பொழுதுபோக்கு விஷயங்கள் என அனைத்தையும் இங்கே தெரிந்துக் கொள்ளுங்கள்.

Tamil Nadu news live updates ‘ஐ.என்.எக்ஸ். மீடியா’ ஊழல் வழக்கில் கடந்த 15 நாட்களாக சி.பி.ஐ. காவலில் இருந்த காங்.கைச் சேர்ந்த முன்னாள் மத்திய அமைச்சர் சிதம்பரம்(73) இனி இருக்கப் போவது திஹார் சிறைதான். அவரை 19ம் தேதி வரை நீதிமன்றக் காவலில் அடைக்க சி.பி.ஐ. விசாரணை நீதிமன்றம் உத்தரவு பிறப்பித்துள்ளது.

தேசிய நல் ஆசிரியர் விருது : டில்லி, ஜனாதிபதி மாளிகையில் நடந்த விழாவில், 46 ஆசிரியர்களுக்கு, ஜனாதிபதி ராம்நாத் கோவிந்த், தேசிய நல் ஆசிரியர் விருதை வழங்கினார். ஆசிரியர் தினம் நேற்று ( செப்டம்பர் 5ம் தேதி) கடைப்பிடிக்கப்பட்டது. இதையொட்டி, தமிழகத்தைச் சேர்ந்த இரண்டு ஆசிரியர்கள் உள்பட 46 பேருக்கு தேசிய நல்லாசிரியர் விருதுக்கு தேர்வு செய்யப்பட்டிருந்தனர். ஆசிரியர் தினத்தை முன்னிட்டு, டில்லி ஜனாதிபதி மாளிகையில் நேற்று, நடந்த விழாவில், 46 பேருக்கும், தேசிய நல்லாசிரியர் விருதை, ஜனாதிபதி ராம் நாத் கோவிந்த் வழங்கினார்

Live Blog

Tamil Nadu and Chennai news today live updates of weather, traffic, rainfall, Diwas, Breaking : இன்று சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய நிகழ்வுகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.

16:27 (IST)06 Sep 2019
மேட்டூர் அணைக்கு நீர் வரத்து மேலும் அதிகம்

மேட்டூர் அணைக்கு காவிரி ஆற்றில் இருந்து மணிக்கு 50 கன அடி நீர் வந்து கொண்டிருந்த நிலையில் மேலும் 15 ஆயிரம் கன அடி நீர் அதிகரித்துள்ளது. மேட்டூர் அணையின் தற்போதைய நீர்மட்டம் 117.59 அடியாகும். நீர் இருப்பு - 89.67 டி.எம்.சியாகும். நீர் திறப்பு 18 ஆயிரம் கன அடி

16:05 (IST)06 Sep 2019
நெல்லையில் கே.எஸ் அழகிரி

நெல்லை மாவட்ட நாங்குநேரியில் நடைபெற்று வரும் காங்கிரஸ் செயல்வீரர்கள் கூட்டத்தில் பேசிய கே.எஸ். அழகிரி, கன்னியாகுமரி, தூத்துக்குடி, நெல்லை பகுதியில் அதிகம் பலமிருந்தும் தனித்து வெற்றி பெறுதல் சாத்தியமில்லாத காரணங்கள் குறித்து அவர் பேசி வருகிறார்.

16:03 (IST)06 Sep 2019
காங்கிரஸ் மறுசீரமைப்பு - அது நடக்கவே நடக்காது

தமிழகத்தில் காங்கிரஸ் கட்சியை சீர் செய்துவிடலாம் என்று நான் நினைத்தால் அது நடக்கவே இல்லை. 50 ஆண்டுகளாக மேடைக்கட்டுப்பாடு நம்மிடம் இல்லை என்று தமிழக காங்கிரஸ் கமிட்டி தலைவர் கே.எஸ்.அழகிரி பேச்சு.

15:38 (IST)06 Sep 2019
தங்கம் விலை குறைந்தது

சென்னையில் தற்போது ஆபரணத்தங்கம் சவரனுக்கு ரூ. 336 குறைந்துள்ளது. தற்போது கிராம் ஒன்று ரூ. 3658-க்கு விற்பனையாகிறது. ஏற்கனவே இன்று காலை ரூ. 328 குறைந்த நிலையில் மேலும் ரூ.336 குறைந்துள்ளது. ஒரே நாளில் ரூ.664 வரை குறைந்துள்ளது.

15:05 (IST)06 Sep 2019
வேலை நாட்களில் ஆசிரியர்கள் போராட்டம் நடத்தக் கூடாது

ஆசிரியர்கள் வேலைநாட்களில் போராட கூடாது என்பது அரசின் வேண்டுகோள் ஏனெனில் பாடத்திட்டத்தை நடத்த 240 நாட்கள் தேவைப்படுகிறது  என்றும் , ஆசிரியர்கள் கந்துவட்டி தொழிலில் ஈடுபடுவது கண்டறியப்பட்டால் உரிய நடவடிக்கை எடுக்கப்படும் என்றும் அமைச்சர் செங்கோட்டையன் தெரிவித்துள்ளார். 

14:54 (IST)06 Sep 2019
ஒரே நாடு ஒரே ரேஷன்

ஒரே நாடு ஒரே ரேஷன் அட்டை திட்டம் காங்கிரஸ் ஆட்சியில் கொண்டு வரப்பட்டது; இந்த திட்டத்தால் தமிழக மக்களுக்கு கடுகளவும் பாதிப்பில்லை என செல்லூர் ராஜூ தெரிவித்திருக்கிறார். 

14:32 (IST)06 Sep 2019
ரஜினி நல்லவர் - செல்லூர் ராஜூ

”ரஜினி சிறந்த நடிகர், நல்ல மனிதர், மனதில் தோன்றியதை வெளிப்படையாக பேசக் கூடியவர். ரஜினி கட்சி ஆரம்பித்தால் யாருக்கு பாதிப்பு என்று சொல்ல முடியாது, முதலில் அவர் கட்சியை ஆரம்பிக்கட்டும்” என அமைச்சர் செல்லூர் ராஜூ திருச்சியில் பேட்டியளித்தார். 

13:26 (IST)06 Sep 2019
சிதம்பரத்துக்கு முன்ஜாமின் – ரத்துசெய்யக்கோரி டில்லி உயர்நீதிமன்றத்தில் சிபிஐ மனு

ஏர்செல்-மேக்சிஸ் வழக்கில் ப.சிதம்பரம், கார்த்தி சிதம்பரத்திற்கு வழங்கப்பட்ட முன்ஜாமீனை ரத்துசெய்யக்கோரி டில்லி உயர்நீதிமன்றத்தில் சிபிஐ, அமலாக்கத்துறை மனுத்தாக்கல் செய்துள்ளன.

13:15 (IST)06 Sep 2019
ஒரே நாடு, ஒரே ரேஷன் திட்டம் எந்த பாதிப்பையும் ஏற்படுத்தாது – துணைமுதல்வர் பன்னீர்செல்வம்

ஒரே நாடு, ஒரே ரேஷன் திட்டம் எந்த பாதிப்பையும் ஏற்படுத்தாது என்று  துணைமுதல்வர் பன்னீர்செல்வம் தெரிவித்துள்ளார். எதிர்க்கட்சி தலைவர் ஸ்டாலின், டிடிவி தினகரன் உள்ளிட்டோர் இத்திட்டத்திற்கு எதிர்ப்பு தெரிவித்துள்ள நிலையில், துணைமுதல்வரின் இந்த கருத்து முக்கியத்துவம் பெறுகிறது.

12:44 (IST)06 Sep 2019
ஜிம்பாப்வே முன்னாள் அதிபர் ராபர்ட் முகபே காலமானார்

ஜிம்பாப்வே முன்னாள் அதிபர் ராபர்ட் முகபே(வயது 95) உடல்நலக்குறைவால் சிங்கப்பூரில் காலமாகியுள்ளார். சிங்கப்பூர் மருத்துவமனையில் சிகிச்சை பெற்று வந்த ராபர்ட் முகபே, சிகிச்சை பலனின்றி காலமாகியுள்ளார்.

12:38 (IST)06 Sep 2019
பாஜகவில் ரஜினி இணைவதற்கு வாய்ப்பு மிகக்குறைவு – எஸ்.வி. சேகர்

பாஜகவில் ரஜினி இணைவதற்கு வாய்ப்பு மிகக்குறைவு, ஆனால் பாஜக மற்றும் ரஜினியின் கொள்கைகள் ஒரே மாதிரியானவை . ரஜினி வந்தால் பல கட்சிகள் காணாமல் போய்விடும் என்பது உறுதி என நடிகரும் பா.ஜ. பிரமுகருமான எஸ்.வி. சேகர் தெரிவித்துள்ளார்.

11:37 (IST)06 Sep 2019
ஸ்டாலின் கனவு உலகத்திலேயே மிதக்கிறார் – துணைமுதல்வர் பன்னீர்செல்வம்

எதிர்க்கட்சி தலைவர் முதல்வர் ஆகவேண்டும் என்ற கனவு உலகத்திலேயே இருந்து வருவதாக துணை முதல்வர் பன்னீர்செல்வம் தெரிவித்துள்ளார். மதுரை மாவட்டம் உசிலம்பட்டியில் பத்திரிகையாளர்களை சந்தித்த அவர் இவ்வாறு தெரிவித்தார்.

11:07 (IST)06 Sep 2019
யார் வந்தாலும் அதிமுக ஆட்சியே தொடரும்- அமைச்சர் ஜெயக்குமார்

ஜனநாயக நாட்டில் யார் வேண்டுமானாலும் கட்சி தொடங்கலாம், ஆனால் மக்கள் அங்கீகாரம் கொடுப்பதே முக்கியம். யார் வந்தாலும் அதிமுக ஆட்சியே தொடரும், அதிமுக வாக்குவங்கியை யாரும் தட்டி பறிக்க முடியாது என அமைச்சர் ஜெயக்குமார் தெரிவித்துள்ளார்.

10:31 (IST)06 Sep 2019
அமெரிக்காவின் டெஸ்லா நிறுவனத்தில் முதல்வர் பழனிசாமி மற்றும் அமைச்சர்கள்

அமெரிக்கா சென்றுள்ள தமிழக முதல்வர் பழனிசாமி, அமைச்சர்கள் ராஜேந்திர பாலாஜி, எம்.சி.சம்பத் உள்ளிட்டோர் சான்பிரான்சிஸ்கோவில் உள்ள கார் உற்பத்தி நிறுவனமான டெஸ்லாவில் ஆய்வு மேற்கொண்டனர். கார்களின் தயாரிப்பு, வடிவமைப்பு உள்ளிட்ட விபரங்களை அங்குள்ள அதிகாரிகளிடம் கேட்டறிந்தனர்.

09:53 (IST)06 Sep 2019
ரஜினிகாந்த் எந்த கட்சியிலும் சேரமாட்டார் – திருநாவுக்கரசர்

நடிகர் ரஜினிகாந்த் எந்த கட்சியிலும் சேரமாட்டார். அவரால் ஒருகட்சியின் கீழ் பணியாற்ற முடியாது என தமிழக காங்கிரஸ் கட்சியின் முன்னாள் தலைவர் திருநாவுக்கரசர் தெரிவித்துள்ளார். சென்னையில் பத்திரிகையாளர்களை சந்தித்த அவர் கூறியதாவது, ப.சிதம்பரம், டி கே சிவகுமார் உள்ளிட்டவர்கள் மீது போடப்பட்டுள்ள வழக்குகள் உள்நோக்கம் கொண்டவை .  அவற்றிலிருந்து அவர்கள் மீண்டு வருவார்கள் என தெரிவித்த அவர்,  இதுபோன்ற வழக்குகளின் மூலம் காங்கிரஸ் கட்சியை முடக்கி விட முடியாது என்று கூறினார்.

09:34 (IST)06 Sep 2019
குறைந்தது பெட்ரோல், டீசல் விலை

சென்னையில் பெட்ரோல், நேற்றைய விலையில் இருந்து 9 காசு குறைந்து , ஒரு லிட்டர் ரூ.74.66 ஆகவும், டீசல், நேற்றைய விலையில் இருந்து 5 காசு குறைந்து ஒரு லிட்டர் ரூ.68.84 ஆகவும் உள்ளது. 

09:25 (IST)06 Sep 2019
தமிழகத்திற்கு 70,000 கனஅடி நீர்திறப்பு

கனமழை காரணமாக கர்நாடக அணைகளில் இருந்து திறந்து விடப்படும் நீரின் அளவு அதிகரிக்கப்பட்டுள்ளது. கேஆர்எஸ் அணையில் இருந்து 50,000 கனஅடியும், கபினி அணையில் இருந்து 20,000 கனஅடியும் நீர்திறக்கப்பட்டு வருகிறது. கர்நாடக அணைகளில் இருந்து காவிரியாற்றில் தமிழகத்திற்கு 70,000 கனஅடி நீர் திறக்கப்பட்டு வருகிறது. இதனால் தமிழக எல்லை பகுதியான பிலிகுண்டுலுவுக்கு வரும் நீரின் அளவு 28,000 கனஅடியில் இருந்து 50,000 கனஅடியாக அதிகரித்துள்ளது. ஒகேனக்கலுக்கு வரும் நீரின் அளவும் 30,000 கனஅடியில் இருந்து 50,000 கனஅடியாக அதிகரித்துள்ளது.

Tamil Nadu news today live updates : நடிகர் கமல் சினிமாவுக்கு வந்து, 60 ஆண்டுகள் ஆனதை நினைவு கூறும் வகையில், அவர் பெயரில் இணையதளம் துவங்கப்பட்டுள்ளது. தமிழ் சினிமாவில், 1960ல், 'களத்துார் கண்ணம்மா' படம் வாயிலாக, குழந்தை நட்சத்திரமாக வந்தவர், நடிகர் கமல். தொடர்ந்து பல சாதனைகளை படைத்து, பத்மஸ்ரீ, பத்ம பூஷண் உள்ளிட்ட விருதுகளை பெற்றுள்ளார். அவர் சினிமாவுக்கு வந்து, 60 ஆண்டுகள் ஆனதை கொண்டாடும் வகையில், ikamalhaasan.com என்ற பெயரில், இணையதளம் ஒன்று துவங்கப்பட்டுள்ளது. இந்த இணையதளத்தை, நடிகர் சூர்யா துவக்கி வைத்தார்.இதுகுறித்து, சூர்யா கூறுகையில், ''கமல் நடிக்க வந்து, 60 ஆண்டுகள் ஆனதை குறிப்பிடும் வகையில் உருவான, இந்த இணையதளத்தை, ஒரு ரசிகனாக இருந்து ரசிக்கிறேன்,'' என்றார்.

Web Title:

Tamil nadu news today live updates chennai weather political events petrol diesel price rainfall water release

The moderation of comments is automated and not cleared manually by tamil.indianexpress.com.
×Close
×Close