Tamil News Highlights: நீட் பிரச்னை- நாடாளுமன்ற வளாகத்தில் இன்று திமுக போராட்டம்

வடக்கு ஆந்திரப் பிரதேச கடலோரத்தில் மேற்கு மத்திய வங்கக் கடல் மீது உருவாகியுள்ள காற்றழுத்த தாழ்வு பகுதியின் காரணமாக அடுத்த 4 நாட்களுக்கு தென் இந்தியாவின் பல பகுதிகளிலும், மகாராஷ்டிராவிலும் மழை பெய்யும் என்று எதிர்பார்க்கப்படுகிறது. தமிழ்நாட்டைப் பொருத்தவரை சில பகுதிகளில் நாளை அதிக மழை பெய்யும் என்று எதிர்பார்க்கப்படுகிறது. செப்டம்பர் 15,16 மற்றும் 17 ஆகிய தேதிகளில் தமிழ்நாட்டின் சில பகுதிகளில் மழை பெய்யும் என்று எதிர்பார்க்கப்படுகிறது.

கொரோனா தொற்று போன்ற உயிர் அச்சம் மிகுந்த பேரிடர் காலத்தில்கூட மாணவர்கள் தேர்வெழுதி தங்கள் தகுதியை நிருபீக்க நிர்பந்திக்கப்படுவது வேதனை அளிக்கிறது என்று சூர்யா தெரிவத்தார்.     

கொரோனா தடுப்பூசி அறிமுகம் செய்வதற்கு இதுவரை தேதி நிர்ணயம் செய்யப்படவில்லை. இது அடுத்தாண்டின் முதல் காலாண்டில் அறிமுகம் செய்யப்படலாம். தடுப்பூசியை மனிதர்களிடம் பரிசோதனை செய்வதில், அரசு முழு முன்னெச்சரிக்கை நடவடிக்கைகளை எடுத்து வருகிறது என்று சுகாதாரத்துறை அமைச்சர் ஹர்ஷ் வர்தன் தெரிவித்தார்.  

ரஜினிகாந்த் முதல்வர் வேட்பாளராக நின்றால் மட்டுமே ஆதரவு என்று நடிகர் ராகவா லாரன்ஸ் தெரவித்தார் 

அமெரிக்க ஓபன் டென்னிஸ் ஆடவர் இரட்டையர் பிரிவு இறுதிப்போட்டி, இன்றிரவு நடைபெற உள்ளது. இதில், ஜெர்மனியின் அலெக்சாண்டர் ஸ்வெரேவ் – ஆஸ்திரியாவின் டொமினிக் தீம்-ஐ எதிர் கொள்கிறார்

தமிழகத்தில் இன்று ஒரே நாளில் புதிதாக 5,693 பேருக்கு கொரோனா வைரஸ் தொற்று உறுதி செய்யப்பட்டுள்ளது. மாநிலத்தில் இன்று கொரோனா பாதிப்பால் 74 பேர் உயிரிழந்தனர் என்று தமிழக சுகாதாரத்துறை தெரிவித்துள்ளது.

தமிழகத்தில் கடும் எதிர்ப்பையும் மீறி நடைபெற்ற நீட் தேர்வு மதியம் 2 மணிக்கு தொடங்கி மாலை 5 மணிக்கு நிறைவடைந்தது.

நாமக்கல்லில் நீட் தேர்வு அச்சத்தால் தற்கொலை செய்துகொண்ட மாணவர் குடும்பத்திற்கு அமைச்சர் தங்கமணி, மாவட்ட ஆட்சியர் நேரில் சென்று ஆறுதல் கூறினார்கள். செய்தியாளர்களிடம் பேசிய அமைச்சர் தங்கமணி, “மாணவர்கள் மருத்துவப் படிப்பு மட்டும்தான் வாழ்க்கை என்று நினைக்கக்கூடாது. எத்தனையோ படிப்புகள் இருக்கின்றன. அவற்றில் சேரலாம். உயிரிழந்தவர்கள் குடும்பத்திற்கு நிதியுதவி கொடுப்பது குறித்து ஆலோசனை செய்யப்படுகிறது. நீட் தேர்வு வேண்டாம் என்பதுதான் எங்களின் கொள்கை. போராடிய மத்திய அரசுக்கு தொடர்ந்து அழுத்தம் கொடுக்கப்பட்டு வருகிறது” என்று கூறினார்.

நடிகர் விஷால் பாஜகவில் சேரப்போவதாக வந்த தகவல் தவறானது என அவரது மேலாளர் ஹரி விளக்கம் அளித்துள்ளார். பாஜக மாநில தலைவர் எல்.முருகனை சந்திக்க விஷால் நேரம் கேட்டதாக தகவல் வெளியானது. இதனால், விஷால் பாஜகவில் சேர உள்ளதாக பேசப்பட்டது. இதற்கு விஷாலின் மேலாளர் ஹரி மறுப்பு தெரிவித்துள்ளார்.

தருமபுரியில் நீட் தேர்வு அச்சத்தால் உயிரிழந்த ஆதித்யாவின் உடலை வாங்க போலீசார் ஒரு மணிநேரம் பேச்சுவார்த்தை நடத்திய பிறகு, உறவினர்கள் சம்மதம் தெரிவித்துள்ளனர். மாணவரின் குடும்பத்திற்கு அரசு வேலை நிதியுதவி வழங்கப்படும் என அதிகாரிகள் உத்தரவாதம் அளித்துள்ளனர்.

சென்னை வியாசார்பாடியில் கொரோனா வைரஸ் நோயாளியை ஏற்றிக்கொண்டு சென்ற தனியார் மருத்துவமனை ஆம்புலன்ஸ் கவிழ்ந்து விபத்துக்குள்ளானது. விபத்தில் காயமடைந்த ஓட்டுநர், நோயாளி மருத்துவமனையில் அனுமதிக்கப்பட்டுள்ளனர்.

திமுக நாடாளுமன்றக் குழு தலைவர் டி.ஆர்.பாலு, நீட் தேர்வு பிரச்னை குறித்து நாடாளுமன்ற வளாகத்தில் திமுக எம்.பி.க்கள் நாளை போராட்டம் நடைபெறும். போராட்டத்திற்கு, கூட்டணிக் கட்சிகளுக்கும் அழைப்பு விடுத்துள்ளோம் என்று தெரிவித்துள்ளார்

நாடு முழுவதும் இன்று 2 மணிக்கு நீட் தேர்வு தொடங்கியது. பிற்பகல் 2 மணி முதல் 5 மணி வரை நீட் தேர்வு நடைபெறும். நாடு முழுவதும் 3,842 தேர்வு மையங்களிலும் தமிழகத்தில் 238 தேர்வு மையங்களிலும் தேர்வு நடைபெற்றுவருகிறது.

ராணிப்பேட்டையில் நீட் தேர்வு எழுத இருந்த மாணவி தூக்க மாத்திரைகளை உட்கொண்டு தற்கொலை முயற்சியில் ஈடுபட்டார். அவர் சிகிச்சைக்காக வேலூரில் உள்ள தனியார் மருத்துவமனையில் அனுமதிக்கப்பட்டுள்ளார். மாணவியின் உடல்நிலை சீராக உள்ளதாக தகவல் தெரிவிக்கப்பட்டுள்ளது.

ஈரோடு கோபிசெட்டிப்பாளையத்தில் செய்தியாளர்களிடம் பேசிய பள்ளிக் கல்வி அமைச்சர் செங்கோட்டையன், “தமிழக அரசு நீட் பயிற்சி மையங்களில் பயின்ற 7,417 மாணவர்கள் நீட் தேர்வு எழுத உள்ளனர். தேர்வு அச்சத்தை போக்க அரசின் சார்பில், மாணவர்களுக்கு தன்னம்பிக்கை பயிற்சி வழங்கப்படும்” என்று தெரிவித்துள்ளார்.

கிசான் திட்டத்தில் முறைகேடாக பணம் பெற்றோர் நாளை மாலைக்குள் பணத்தை திருப்பி செலுத்தாவிடில் ரேஷன் பொருட்கள் தற்காலிகமாக நிறுத்தப்படும் என்று சேலம் ஆட்சியர் தெரிவித்துள்ளார். 

நாடாளுமன்ற உறுப்பினர்கள் வருகை பதிவு தொடர்பாக, மொபைல் செயலியை பயன்படுத்த வேண்டும் என அறிவுறுத்தப்பட்டு உள்ளது. கொரோனா முன்னெச்சரிக்கை நடவடிக்கையாக,  நாடாளுமன்ற அமர்வில் கலந்து கொள்ளும் உறுப்பினர்களுகளின் வருகையை பதிவு செய்ய ஏற்ற வகையில்,  மொபைல் செயலி உருவாக்கப்பட்டு உள்ளது. இது உறுப்பினர்கள் நாடாளுமன்றத்திற்கு வருவதை எளிதாக்கும் எனவும், இந்த செயலி நாடாளுமன்ற வளாகப் பகுதியில் மட்டுமே செயல்பட ஏதுவாக உருவாக்கப்பட்டு உள்ளதாக நாடாளுமன்ற செயலகம் தெரிவித்துள்ளது. 

நீட் தேர்வுக்கு எதிராக மதுரை கேந்திரிய வித்யாலயா பள்ளி முன்பு மக்கள் கூட்டமைப்பு சார்பில் போராட்டம் நடத்தி வருகின்றனர். 

ஆந்திர கடல் பகுதியில் காற்றழுத்த தாழ்வு பகுதி உருவாகியுள்ளதாக வானிலை மையம் தகவல் . இதன் காரணமாக வட தமிழகம் மேகமூட்டத்துடன் காணப்படும், சில மாவட்டங்களில் மிதமான மழைக்கு வாய்ப்பு. நீலகிரி, வேலூர், திருப்பத்தூர், ராணிப்பேட்டை, திருவண்ணாமலை, சேலம் ஆகிய மாவட்டங்களில் கனமழைக்கு வாய்ப்பு . 

நீட் தேர்வு எழுதும் மாணவர்களுக்கு மத்திய கல்வி அமைச்சர் ரமேஷ் பொக்ரியால் வாழ்த்து . மாணவர்கள் கொரோனா பாதுகாப்பு வழிமுறைகளை பின்பற்றி, நம்பிக்கையுடன் தேர்வு எழுத வாழ்த்துக்கள்  என தெரிவித்துள்ளார்.