ரூ.10,000 முதல்.. அட்டகாசமான 5 பட்ஜெட் விலை 5ஜி ஸ்மார்ட் போன்கள் இங்கே

இந்தியாவில் ஏர்டெல், ஜியோ நிறுவனங்கள் 5ஜி சேவையை வழங்கி வருகின்றன. அதுவும் இலவசமாக வழங்கி  வருகின்றன. 5ஜி ஸ்மார்ட் போன் உள்ளவர்கள், தங்கள் பகுதியில்  5ஜி நெட்வொர்க் பெற்றவர்கள் இந்த சேவையை பெறுகின்றனர். இதனால் தற்போது பலரும் தங்கள் போனை 5ஜி ஸ்மார்ட் போனுக்கு அப்கிரேட் செய்கின்றனர். பல்வேறு முன்னணி நிறுவனங்கள் ரூ.10,000 முதல்  பட்ஜெட் விலையில் 5ஜி போன்களை வழங்குகின்றன. அதுகுறித்து இங்கு பார்ப்போம். 

iQOO Z9x 5G

iQOO Z9x 5G ஆனது பட்ஜெட் 5ஜி ஸ்மார்ட்போன்களில் சிறந்ததாக உள்ளது. 4 ஜிபி ரேம் மற்றும் 128 ஜிபி இன்டர்னல் ஸ்டோரேஜ் வசதியுடன் ரூ 12,999- விலையில் விற்பனை செய்யப்படுகிறது.  44W ஃபாஸ்ட் சார்ஜிங்கிற்கான ஆதரவுடன் பெரிய 6,000 mAh பேட்டரியுடன் வருகிறது. இந்த  ஸ்மார்ட்போன் Snapdragon 6 Gen 1 SoC மூலம் இயக்கப்படுகிறது. சாதனம் 120Hz புதுப்பிப்பு வீதத்துடன் பெரிய மற்றும் பிரகாசமான 6.72-இன்ச் திரையைக் கொண்டுள்ளது.

POCO M6 Pro 5G

POCO M6 Pro 5G மிகவும் குறைந்த விலை  5ஜி ஸ்மார்ட்போன் ஆகும். இது தற்போது ரூ.9,499க்கு விற்கப்படுகிறது. பட்ஜெட் ஸ்மார்ட் போனாக இருந்தாலும், இது 128 GB  ஸ்டோரேஜ் வசதியுடன் வருகிறது மற்றும் Snapdragon 4 Gen 2 SoC மூலம் இயக்கப்படுகிறது. ஸ்மார்ட்போனில் 5,000 mAh பேட்டரி உள்ளது மற்றும் 22.5W ஃபாஸ்ட் சார்ஜிங்கை ஆதரிக்கிறது. கூடுதலாக, இது ஆண்ட்ராய்டு 13 அடிப்படையிலான MIUI 14 இல் இயங்குகிறது.

Lava Storm 5G

நீங்கள் மல்ட்டி டாஸ்க் செய்பவராக இருந்தால் இந்த போன் நிச்சயம் உங்களுக்கு தான்.  ரூ.11,999 விலையில் வரும் இந்த  ஸ்மார்ட் போன் 8 ஜிபி ரேம் மற்றும் 128 ஜிபி இன்டெர்னல் ஸ்டோரேஜ் வழங்குகிறது. இந்த ஸ்மார்ட்போன் Mediatek Dimensity 6080 SoC மூலம் இயக்கப்படுகிறது. இந்த விலையில் பிளாஸ்டிக் பேக் பேனலை வழங்கும் பெரும்பாலான ஃபோன்களைப் போலல்லாமல், Storm 5G ஆனது கிளாஸ் பேக் பேனலுடன் வருகிறது.

Nokia G42 5G 

Nokia G42ஆனது  மற்றொரு 5G ஸ்மார்ட் ஃபோன் ஆகும். ரூ.10,000க்கும் கீழ் விலையில் (ரூ. 9,999), விற்பனை செய்யப்படுகிறது. இந்த போன் Snapdragon 480 Plus SoC மூலம் இயக்கப்படுகிறது. ஸ்மார்ட்போன் 4 ஜிபி ரேம், 128 ஜிபி இன்டெர்னல் ஸ்டோரேஜ் உடன் வருகிறது. அதோடு போன் டிரிபிள் கேமரா அமைப்புடன் வருகிறது. 5,000 mAh பேட்டரி லைவ் வழங்குகிறது. 

Samsung Galaxy M14 5G

இது தற்போது சாம்சங்கின் மிகவும் குறைந்த விலை 5G ஸ்மார்ட் போன் ஆகும். இன்-ஹவுஸ் Exynos 1330 ப்ராசஸர் மூலம் இயக்கப்படுகிறது, Galaxy M14 5G  தற்போது ரூ. 12,490-க்கு விற்பனை செய்யப்படுகிறது, மேலும் இது 6 ஜிபி ரேம் மற்றும் 128 ஜிபி ஸ்டோரேஜ் உடன் வழங்கப்படுகிறது. ஸ்மார்ட்போன் இரண்டு முக்கிய ஆண்ட்ராய்டு OS மேம்படுத்தல்களை வழங்குகிறது மற்றும் ஃபாஸ்ட் சார்ஜிங் வசதியுடன்  6,000 mAh பேட்டரியையும் கொண்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“