கூல்பேடு நிறுவனத்தின் கூல்ப்ளே 6 ஸ்மார்ட்போன் இந்தியாவில் வெளியிட அந்நிறுவனம் முடிவுசெய்துள்ளது.
கூல்பேடு நிறுவனமானது கூல்ப்ளே 6 ஸ்மார்ட்போனை கடந்த மே மாதம் சீனாவில் அறிமுகம் செய்தது. இந்த நிலையில், துபாயில் நடைபெற்ற கூல்பேடு நிறுவனத்தின் நிகழ்ச்சி யொன்றில், கூல்ப்ளே 6 ஸ்மார்ட்போன் இந்தியாவில் அறிமுகம் செய்யப்படவுள்ளதாக அறிவிக்கப்பட்டுள்ளது.
இதன் விலை ரூ.14,999 என்றும், அமேசானில் பிரத்யேகமாக விற்பனைக்கு வரவுள்ளது என்றும் தெரிவிக்கப்பட்டுள்ளது. அதன்படி செப்டம்பர் 4-ம் தேதி முதல் கூல்ப்ளே 6 ஸ்மார்ட்போன் இந்தியாவில் விற்பனைக்கு வரவுள்ளது. தற்போதைய நிலையில், சியோமி, ஆப்போ மற்றும் விவோ போன்ற ஸ்மார்ட்போன்களின் சவாலை சந்திக்கும் வகையில், கூல்ப்ளே 6 ஸ்மார்போனில் விலை உள்ளது.
கூல்பேடு கூல்ப்ளே 6 ஸ்மார்ட்போனின் சிறப்பம்சங்கள்
- 5.5 இன்ச் ஃபுல் எச்.டி டிஸ்ப்ளே(ரிசொலூசன் 1920 x 1080 பிக்சல்ஸ்).
- ஆக்டா-கோர் ஸ்னாப்டிராகன் 653 ப்ராசஸர்
- 6 ஜி.பி ரேம் மற்றும் 64 ஜி.பி ஸ்டோரேஜ்(மைக்கேரா எஸ்.டி கார்டு மூலமாக ஸ்டோரேஜை அதிகப்படுத்திக் கொள்ள முடியும்)
- 4060mAh திறன் கொண்ட பேட்டரி திறன், கூல்ப்ளே 6-ல் கொடுக்கப்பட்டுள்ளது. இதன் மூலம் 252 மணி நேரம் ஸ்டேண்ட்பை மற்றும் 6 மணி நேரம் தீவிரமாக கேம் விளையாட முடியும் என அந்நிறுவனம் தெரிவித்துள்ளது.
- போனின் பிற்புற பகுதியில் ஃபின்கர்ப்ரிண்ட் ஸ்கேனர் உள்ளது.
இந்த கூல்ப்ளே 6 ஸ்மார்ட்போனின் குறிப்பிடத்தக்க சிறம்பம்சம் என்னவென்றால், எல்இடி ப்ளாஷ் லைட்டுடன் கூடிய, அதன் டுயல் ரியல் கேமராவை(13MP + 13MP) குறிப்பிடலாம். “பொக்கே மோடு” மூலமாக புகைபடம் எடுக்க மூடியும்.
8 எம்.பி கொண்ட செல்ஃபி கேமரா கொடுக்கப்பட்டுள்ளது. போனின் சிறப்பம்சங்களை ஒப்பிட்டுப்பார்க்கும் போது சுவாரஸ்யமானதாக இருக்கிறது. இந்த போன் செம்படம்பர் மாதம் இந்திய சந்தைக்கு வரும் நிலையில், மக்களின் கவனத்தை ஈர்க்குமா என்பதை பொறுத்திருந்து தான் பார்க்க வேண்டும்.