இனி டெபிட் கார்டு வேண்டாம்; எல்லாம் கூகுள் பே: ஏ.டி.எம்-ல் யு.பி.ஐ மூலம் பணம் எடுப்பது எப்படி?

இப்போது எங்கு சென்றாலும் மளிகை கடை முதல் பெரிய ஷாப்பிங் மால் வரை எல்லாம் டிஜிட்டல் பரிவர்த்தனைகள் தான்.

கூகுள் பே, போன் பே, அமேசான் பே போன்ற ஆப்கள் டிஜிட்டல் பரிவர்த்தனைகளுக்கு அதிகம் பயன்படுத்தப்படுகிறது.

இதன் மூலம் உங்களுடைய அனைத்து பில்களும் போன் ரீசார்ஜ், மின் கட்டணம், பஸ், ரயில் டிக்கெட் புக் செய்வது என அனைத்தையும் செய்யலாம்.

இந்நிலையில் யு.பி.ஐ மூலம் ஏ.டி.எம்-ல் கார்டே இல்லாமல் பணம் எடுக்கும் வகையில் புதிய வசதி வந்துள்ளது. சில சமயங்களில் டெபிட் கார்டு எடுத்து வர மறந்து விட்டோம் என்றாலும், ராங் பின் நம்பர் பதிவிட்டு விட்டோம் என்றாலும் இந்த வசதியை பயன்படுத்தலாம்.

1. ஏ.டி.எம் சென்று cash withdrawal ஆப்ஷன் கொடுக்கவும். 2. இப்போது ஸ்கீரில் யு.பி.ஐ ஆப்ஷன் செலக்ட் செய்யவும், 3. ஏ.டி.எம் திரையில் QR code ஒன்று வரும்.

4. இப்போது உங்கள் போன் எடுத்து கூகுள் பே, போன் பே சென்று QR code-ஐ ஸ்கேன் செய்யவும். 5. இதன் பின் எவ்வளவு எடுக்க வேண்டுமோ அந்த தொகையை உள்ளிடவும். 6. யு.பி.ஐ பின் நம்பரை உள்ளிடவும். இப்போது ஏ.டி.எம்-ல் பணம் வரும் பெற்றுக் கொள்ளலாம்.