நாளை முதல் விற்பனைக்கு வருகிறது நோக்கியா 6 ஸ்மார்ட்போன்! ஃபர்ஸ்ட்லுக் வீடியோ

நோக்கியா 6 ஸ்மார்ட்போனுக்கு இதுவரை 10 லட்சம் பேர் முன்பதிவு செய்துள்ளதாக எச்.எம்.டி நிறுவம் தெரிவித்துள்ளது.

எச்.எம்.டி நிறுவனத்தின் நோக்கியா 6 ஸ்மார்ட்போன் அமேசான் வணிக தளத்தில் நாளை(ஆகஸ்ட் 23) முதல்விற்பனைக்கு வருகிறது. நோக்கியா 6 ஸ்மார்ட்போனுக்கு இதுவரை 10 லட்சம் பேர் முன்பதிவு செய்துள்ளதாக எச்.எம்.டி நிறுவம் தெரிவித்துள்ளது. நோக்கியா 6 ஸ்மார்ட்போன் ஆன்லைனில் மட்டுமே பிரத்யேகமாக விற்பனைக்கு வருகிறது என்பது குறிப்பிடத்தக்கது.

நாளை(ஆகஸ்ட் 23) மதியம் 12 மணிக்கு அமேசான் இணையதளத்தில் விற்பனைக்கு வருகிறது. தற்போதைய முன்பதிவானது அமேசானில் முடிந்துவிட்டது. எனினும், ஆகஸ்ட் 30-ம் தேதி நடைபெறும் அடுத்த முன்பதிவு அமேசானில் நடைபெற்று வருகிறது. இந்திய சந்தையில் ரூ.14,999 விலையில் இந்த நோக்கியா 6 விற்பனைக்கு வருகிறது.

நோக்கியா சிறப்பம்சங்கள்

  • 5.5 இன்ச் ஃபுல் எச்.டி டிஸ்ப்ளே (1920 x 1080 பிக்சல்ஸ்)
  • குவால்காம் ஸ்னாப்டிராகன் 430 பிராசஸர்
  • 4 ஜி.பி ரேம் மற்றும் 32 ஜி.பி ஸ்டோரேஜ்(மைக்ரோ எஸ்.டி கார்டு மூலம் 128 ஜி.பி வரை மெமரியை அதிகரித்துக் கொள்ள முடியும்)
  • 3,000mAh திறன் கொண்ட பேட்டரி,
  • ஆண்ட்ராய்டு நௌகட் இயங்குதளத்தில் செயல்படக்கூடியது. மேலும்,  ஆண்ட்ராய்டு ஓரியோவிற்கு மேம்படுத்தப்படும் என எச்.எம்.டி நிறுவனம் உறுதியளித்துள்ளது.
  • டொல்பி ஆடோம் டெக்னாஜியுடன் கூடிய ஸ்டீரியோ டுயல் ஸ்பீக்கர்.

நோக்கியா 6 ஃபர்ஸ்ட்லுக்

ரெட்மி நோட் 4, லெனோவா K6 நோட், புதிதாக அறிமுகம் செய்யப்பட்ட கூட்பேட் கூல்ப்ளே 6 மற்றும் மைக்ரோமேக்ஸ் கேன்வாஸ் இன்ஃபினிட்டி ஆகிவற்றைப் போன்று இந்த நோக்கியா 6 ஒரு மிட்-ரேஞ்ச் ஸ்மார்ட்போனாகும்.

ஆனாலும், ரெட்மி நோட் 4 ஸ்மாட்போனானது தனித்துவம் வாய்ந்ததாக விளங்குகிறது. டுயல் ரியர் கேமரா வசதியுடன்கூடிய லெனோவா K6 நோட், 14,999 என்ற விலையில் விற்பனைக்கு வந்துள்ளது என்பது குறிப்பிடத்தக்கது.

நோக்கியா 6 ஸ்மார்ட்போனில் 64 ஜி.பி ஸ்டேரேஜ் கொண்ட வகையும் உள்ளது. ஆனால், அந்த வகையான ஸ்மார்ட்போன் இந்தியாவில் விற்பனைக்கு வரவில்லை. இதேபோல,நோக்கியா 8 ஸ்மார்ட்போன் அக்டோபர் மாதத்தின் தொடக்கத்தில் விற்பனைக்கு வரும் என எச்.எம்.டி தெரிவித்துள்ளது. இதன் விலை ரூ.45,000 இருக்கலாம் என்று எதிர்பார்க்கப்படுகிறது.

Get Tamil News and latest news update from India and around the world. Stay updated with today's latest Technology news in Tamil.

×Close
×Close