வாட்ஸ்அப் நிறுவனமானது “லைவ் லொகேஷன் ஷேரிங்” ஆப்ஷனை அறிமுகம் செய்துள்ளது. இதன் மூலம் வாட்ஸ்அப்-ல் உள்ள மற்றவர்களுக்கோ அல்லது குரூப்-ல் உள்ளவர்களுக்கோ உங்களின் இருப்பிடத்தை லைவ்-ஆக தெரிவிக்க முடியும்.
2017-ம் ஆண்டு பிப்ரவரி மாதத்தின் படி வாட்ஸ்அப்- நிறுவனமானது இந்தியாவில் 200 மில்லியன் ஆக்டிவ் யூசர்களை கொண்டிருப்பதாக தெரிவித்தது.
பயனர்களை ஈர்க்கும் வகையில் வாட்ஸ்அப் புதுப்புது தொழில்நுட்பத்தில், அதிக ஆப்ஷன்களை வழங்கி வருகிறது. முன்னதாக, புகைபட ஸ்டேட்டஸ் அறிமுகப்படுத்திய வாட்ஸ்அப் , பின்னர் பேஸ்புக் போன்று டெஸ்ட் ஸ்டேடஸ் ஆப்ஷனையும் வழங்கியது. தற்போது மேலும் புதியதாக“லைப் லொகேஷன் ஷேரிங்” ஆப்ஷனை அறிமுகப்படுத்தியுள்ளது. அதன்படி, வாட்ஸ்அப்-ல் உள்ள மற்றொரு நபரே அலலது குரூப்பில் உள்ளவர்களையோ உங்களின் இருப்பிடத்தை லைவ்-ஆக அறிந்து கொள்ள முடியும். இதேபோல, லைவ் லொகேஷன் ஷேரிங் ஆப்ஷனை, நினைக்கும்போது ஸ்டாப் செய்யவும் முடியும்.
முன்னதாக ஸ்னாப்சாட் கடந்த ஜூன் மாதம் லொகேஷன் ஷேரிங் ஆப்ஷனை, ஸ்னாப் மேப் என்ற பெயரில் அறிமுகம் செய்திருந்தது என்பது குறிப்பிடத்தக்கது.