சியோமி ரெட்மி நோட் 4 ஸ்மார்ட்போனுக்கு ரூ.1000 விலை குறைப்பு செய்யப்படுவதாக சியோமி நிறுவனம் தெரிவித்துள்ளது. அதன்படி, சியோமி ரெட்மி 4 ஸ்மார்ட்போனின் விலை தற்போது ரூ.9,999 என்ற விலை முதல் தொடங்குகிறது.
3ஜி.பி ரேம் மற்றும் 32 ஜி.பி ஸ்டோரேஜ் கொண்ட சியோமி ரெட்மி நோட் 4 ஸ்மார்ட்போனின் விலை ரூ.9999. இதேபோல, 4ஜி.பி ரேம் 64 ஜி.பி ஸ்டோரேஜ் கொண்ட சியோமி ரெட்மி நோட் 4-ன் விலை ரூ.11,999 என்பதாகும். இந்த விலை குறைப்பானது எம்ஐ.காம் மற்றும் பிளிப்கார்டு என அனைத்திற்கும் பொருந்தும் என தெரிவிக்கப்பட்டுள்ளது. இதன் காரணமாக மோட்டோ ஜி5( Moto G5), நோக்கியா 5 (Nokia 5 ) மற்றும் சாம்சங் கேலக்ஸி ஜே7 (Samsung Galaxy J7) ஆகிய ஸ்மார்ட்போன்கள், சியோமி ரெட்மி நோட் 4 ஸ்மார்ட்போனுடன் கடும் போட்டியை சந்திக்க நேரிட்டுள்ளது.
பிளிப்கார்டு ஆஃபர்
பிளிப்கார்டு இணையதளத்தில் சியோமி ரெட்மி நோட் 4-க்கு எக்ஸ்சேஞ்ச் ஆஃபர் உள்ளதோடு, குறிப்பிட்ட வங்கியின்( Axis Bank Buzz credit cards) கிரெடிட் கார்டுக்கு 5 சதவீத தள்ளுபடியும் வழங்கப்படுகிறது. வட்டியில்லா மாதாந்திர தவணையும் (நோ-காஸ்ட் இ.எம்.ஐ) உள்ளது.
சியோமி ரெட்மி நோட் 4 ஸ்மார்ட்போன் சிறப்பம்சங்கள்
சியோமி நிறுவனமானது ரெட்மி நோட் 4 ஸ்மார்ட்போனை கடந்த ஜனவரி மாதம் அறிமுகம் செய்தது. 2ஜி.பி, 3ஜி.பி மற்றும் 4 ஜி.பி ரேம் என்ற வகைகளில் வெளியிடப்பட்டது. எனினும் 2 ஜி.பி ரேம் வகையானது நிறுத்தப்பட்டது.
- 5.5 இன்ச் ஃபுல் எச்.டி டிஸ்ப்ளே (1080x1920 பிக்சல்ஸ்)
- ஆக்டா-கோர் குவால்காம் ஸ்னாப்டிராகன் 625 எஸ்.ஓ.சி ப்ராசஸர்(octa-core Qualcomm Snapdragon 625 SoC)
- மைக்ரோ எஸ்.டி கார்டு சப்போர்ட்(128 ஜி.பி வரை) உள்ளது.
- ஆண்ட்ராய்டு நௌகட் இயங்குதளத்தில் செயல்படக்கூடிய இந்த ரெட்மி நோட் 4, 13 எம்.பி ரியர் கேமரா மற்றும் 5 எம்.பி செல்ஃபி கேமராவை கொண்டுள்ளது.
- 4100mAh பேட்டரி திறனுடன் வெளிவரும் இந்த ஸ்மார்ட்போன் ப்ளாக், டார்க் கிரே, கோல்டு ஆகிய நிறங்களில் வெளிவருகிறது.
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2017/11/redminote4_big_750.jpg)