அர்விந்த் ஸ்வாமி கலக்கும் 'பாஸ்கர் ஒரு ராஸ்கல்' டீசர்!

மலையாளத்தில் மம்மூட்டி மற்றும் நயன்தாரா நடிப்பில் கடந்த 2015-ஆம் ஆண்டு வெளியான சூப்பர் ஹிட் படம் 'பாஸ்கர் தி ராஸ்கல்'. இப்படத்தின் தமிழ் ரீமேக்கில் தற்போது அரவிந்த் சாமி மற்றும் அமலா பால் ஆகியோர் நடித்து வருகின்றனர்.

சித்திக் இயக்கிவரும் இப்படத்தில் நாசர், சூரி, ரோபோ சங்கர், ரமேஷ் கண்ணா, சித்திக், மாஸ்டர் ராகவ் உள்ளிட்ட பலரும் நடிக்கின்றனர். இவர்களுடன் இணைந்து 'தெறி' படத்தின் மூலம் குழந்தை நட்சத்திரமாக அறிமுகமான பேபி நைனிகாவும் நடித்துள்ளார்.

கடந்த சில நாட்களுக்கு முன்னர் இப்படத்தின் ஃபர்ஸ்ட் லுக் போஸ்டர் வெளியாகி ரசிகர்களிடையே நல்ல வரவேற்பு பெற்றது. இந்த நிலையில், தற்போது இப்படத்தின் டீசர் வெளியாகியுள்ளது. அம்ரீஷ் இப்படத்திற்கு இசையமைத்துள்ளார்.