ரஜினியுடன் ஒரே ஒரு புகைப்படம்... 4 நாட்களாகக் காத்திருக்கும் மாற்றுத்திறனாளி ரசிகர்

கடந்த 26ஆம் தேதி முதல் 6 நாட்களுக்கு ரசிகர்களைச் சந்தித்து வருகிறார் ரஜினிகாந்த். கோடம்பாக்கம் ராகவேந்திரா திருமண மண்டபத்தில் நடைபெறும் இந்தச் சந்திப்பில், அடையாள அட்டை உள்ள ரசிகர்கள் மட்டுமே அனுமதிக்கப்படுகின்றனர்.

ஆனால், அடையாள அட்டை இல்லாத ரசிகர் ஒருவர் கடந்த 4 நாட்களாக ரஜினியுடன் ஒரே ஒரு போட்டோ எடுப்பதற்காகத் தவமிருக்கிறார். ஆந்திராவைச் சேர்ந்த அருண்குமார் என்ற இந்த ரசிகர், மாற்றுத்திறனாளி என்பது குறிப்பிடத்தக்கது. 4 நாட்களாக இவரை ஒரு ரசிகர் மன்ற நிர்வாகி கூட கண்டு கொள்ளாதது வருத்தமே...

இன்னும் இரண்டு நாட்களுக்கு ரசிகர்கள் சந்திப்பு தொடர்வதால், எப்படியாவது ரஜினியைச் சந்தித்துவிட வேண்டும் என்ற ஆர்வத்தில் ராகவேந்திரா மண்டபத்தைச் சுற்றிச் சுற்றி வருகிறார் இந்த மாற்றுத்திறனாளி ரசிகர்.