”வீடியோவில் நடனமாடுவது மோடியின் தாயார் இல்லை”: தவற்றை உணர்ந்த கிரண்பேடி

பிரதமர் நரேந்திர மோடியின் தாயார் தீபாவளியை உற்சாக நடனத்துடன் கொண்டாடுவதாக, கிரண்பேடி தன் ட்விட்டர் பக்கத்தில் வீடியோவை பகிர்ந்திருந்த நிலையில், அதிலிருப்பது மோடியின் தாயார் அல்ல என்பதை தற்போது உணர்ந்திருக்கிறார்.

புதுச்சேரி துணைநிலை ஆளுநர் கிரண்பேடி, தன் ட்விட்டர் பக்கத்தில் கடந்த வியாழக்கிழமை வீடியோ ஒன்றை வெளியிட்டிருந்தார். ”பிரதமர் நரேந்திர மோடியின் தாயார் 97 வயதிலும், நம்பிக்கையுடனும், எளிமையாகவும் தீபாவளி பண்டிகை கொண்டாடுகிறார்.”, என பதிவிட்டிருந்தார்.

Spirit of Deepavali at tender age of 97. She’s mother of @narendramodi (Hiraben Modi -1920) celebrating Diwali at her own home????????@SadhguruJV pic.twitter.com/HBXAzNXomC

— Kiran Bedi (@thekiranbedi) 20 October 2017

அந்த வீடியோவில், மோடியின் தாயார் போன்று தோற்றம்கொண்ட வயதான பெண்மனி, தீபாவளி பண்டிகைய நடனமாடி கொண்டாடுகிறார்.

இந்த வீடியோ, சமூக வலைத்தளங்களில் வைரலாகிவரும் நிலையில், நடனமாடும் பெண்மணி, பிரதமர் மோடியின் தாயார் அல்ல என்பது தெரியவந்தது. அரசியல் விமர்சகர் சுமந்த்.சி.ராமன், அந்த வீடியோவில் நடனமாடுவது பிரதமர் மோடியின் தாயார் அல்ல என குறிப்பிட்டிருந்தார்.

This is not Modi’s mother. Already clarified to be someone else. Yet many are carrying this. //t.co/IQZ1tEIIYq

— Sumanth Raman (@sumanthraman) 20 October 2017

இந்நிலையில், அந்த வீடியோவில் நடனம் ஆடுவது நரேந்திரமோடியின் தாயார் அல்ல என்பதை ஒத்துக்கொண்டார். மேலும், ”இவ்வளவு வீரியத்துடன் இருக்கும் மூதாட்டிக்கு வணக்கங்கள். எனக்கு 96 வயதாகும்போது நானும் அவரைபோல் இருப்பேன் என நம்புகிறேன்”, எனவும் தெரிவித்திருந்தார்.

Am informed it's mistaken identity @SadhguruJV. But salute to the mother with so much vigour. I hope i can be like her if/ when I am 96..! //t.co/5llHN40tg8

— Kiran Bedi (@thekiranbedi) 20 October 2017