வட இந்தியாவில் நிலவும் கடும் பனிப்புகை மற்றும் காற்று மாசுபாட்டின் காணமாக, சாலையில் அடுத்தடுத்து கார்கள் மோதி விபத்து ஏற்பட்டுள்ள சம்பவம் அதிர்ச்சியை ஏற்படுத்தும் வகையில் அமைந்துள்ளது. இது தொடர்பான வீடியோ சமூக வலைதளங்களில் வெளியாகி வைரலாகி வருகிறது.
உத்திரபிரதேச மாநிலம் ஆக்ரா-நொய்டா இடையேயான யுமுனா எக்ஸ்ப்ரஸ்வே அபாயகரமான பகுதியாக மாறியுள்ளதை இந்த வீடியோ காண்பிக்கிறது. அடுத்தடுத்தடுத்து சாலையில் வரும் கார்கள் ஒன்றன் பின் ஒன்றாக மோதுவது அதிர்ச்சியளிக்கும் வகையில் உள்ளது.சுமார் 10-க்கும் மேற்பட்ட கார்கள் அடுத்தடுத்து மோதியதில் பலர் காயமடைந்தனர். இந்த வீடியோவை உத்திரபிரதேச மாநில போலீஸார் வெளியிட்டுள்ளனர். நடிகர் அர்ஜூன் காபூரும் இந்த வீடியோவை தனது ட்விட்டர் பக்கத்தில் பதிவிட்டுள்ளார்.
பனி புகையால் ஹரியானாவிலும் விபத்துகள் ஏற்பட்டன. அங்கு 4 வாகனங்கள் மோதி விபத்து ஏற்பட்டதாகவும், 8 பேர் காயமடைந்ததாக தகவல் தெரிவிக்கின்றன. இருச்சக்கர வாகனத்தில் சென்ற ஒருவர் உயிரிழந்தார். டெல்லியில் உள்ள மக்கள் வெளியிடங்களுக்கு செல்வதை தவிர்க்க வேண்டும் என அம்மாநில போலீஸார் அறிவுறுத்தியுள்ளனர். மேலும், இந்த பனிப்புகை மூட்டத்தின் காரணமாக விமானங்கள், ரயில்கள் செல்வது தாமதமானது.
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2017/11/delhi-smog-accident-750.jpg)