உடலில் தேவையில்லாத கழிவுகள்? இந்த ஜூஸ் கொஞ்சம் குடிச்சுப் பாருங்க; செம்ம மாற்றம் இருக்கு!

நவீன காலக்கட்டம் என்று  நாம் நிறைய உணவுகளை சாப்பிடுகிறோம். தேவையில்லாத உணவுகளை எடுத்துக் கொள்கிறோம். இதனால் நம் உடல் அதிக அளவில் பாதிக்கப்படுகிறது. சமூக வலைதளத்தின் மூலம் அதிக மன அழுத்தத்துடன் தூக்கமின்றி கஷ்டப்படுகிறோம். இந்த எல்லா பிரச்சனைகளுக்கும் நம் உடலில் தேங்கியிருக்கும் கழிவுகள் தான் காரணம். இந்த கழிவுகளை வெள்ளரிக்காய் ஜூஸ் மூலம் வெளியேற்றலாம் என்றால் உங்களால் நம்ப முடிகிறதா?

உடலை குளிர்ச்சியாக வைத்துக் கொள்ள உதவும் காய்கறிகளில் வெள்ளரிக்காவும் ஒன்று. இதில் அதிகப்படியான நீர் சத்துக்கள் நிறைந்துள்ளதால் உடலுக்கு மிகவும் நன்மை பயக்கும் காய்கறியாக கருதப்படுகிறது. வெள்ளரிக்காயில் சுமார் 95 சதவிகிதம் நீர்ச்சத்து நிறைந்துள்ளது. இது கடுமையான வெப்பத்திலும் உடலை நீரேற்றமாக வைத்திருக்க உதவுகிறது. இதன் மூலம் உடலில் உள்ள நச்சுக்களை வெளியேற்றுவது எளிதாகிறது.

வெள்ளரிக்காயில்  கலோரிகள் மிகக் குறைவாகவும், நார்ச்சத்து அதிகமாகவும் இருப்பதால், பசி உணர்வைக் குறைத்து, உடல் எடையைக் கட்டுப்படுத்த உதவுகிறது. வெள்ளரிக்காயில் உள்ள நார்ச்சத்து, குறிப்பாக அதன் தோல்களில் இருக்கும் பெக்டின் எனப்படும் கரையக்கூடிய நார்ச்சத்து, குடல் இயக்கத்தை சீராக்கி, மலச்சிக்கலைத் தடுக்கிறது. இப்படி மருத்துவம் குணம் பல நிறைந்த வெள்ளரிக்காயை வைத்து எப்படி ஜூஸ் ரெடி பண்ணலாம் என்று இந்த தொகுப்பில் பார்க்கலாம்.

தேவையான பொருட்கள்

வெள்ளரிக்காய்

இஞ்சி

புதினா

எலுமிச்சை பழம்

உப்பு

View this post on Instagram

A post shared by Lavanya's Samayal Thirai (@lavanyassamayalthirai)

தேவையான பொருட்கள்

இரண்டு வெள்ளரிக்காய் எடுத்துக் கொள்ளவும். இதனுடன் ஒரு சிறிய துண்டு இஞ்சி,  ஒரு கைப்பிடி புதினா மற்றும் அரை எலுமிச்சை பழச்சாற்றை பிழிந்துவிட்டு ஜூஸ் போன்று அரைத்து எடுத்துக் கொள்ளவும். இந்த ஜூஸிற்கு தேவையான அளவு உப்பு சேர்த்து குடிக்கவும். இந்த ஜூஸை வாரத்தில் ஒருநாள் எடுத்துக் கொண்டோம் என்றால் நம் உடலும், மனமும், ஹார்மோன் சுழற்சியும் ஆரோக்கியமாக இருக்கும்.