வெண்டை பொரியல் செய்யுறீங்களா? கடைசியா இந்த ஒரு பொருள் சேருங்க; டேஸ்ட் தூக்கல்!

வெண்டைக்காயில் அதிக சத்துக்கள் உள்ளது. இதில் கலோரிகள் குறைவாக இருப்பதால் எடையை குறைப்பதற்கு உதவுகிறது. செரிமான மண்டலத்தை சீராக வைக்கவும், மலச்சிக்கலைத் தடுக்கவும் உதவுகிறது.

வெண்டைக்காயில் வைட்டமின் சி, வைட்டமின் கே மற்றும் ஃபோலேட் போன்ற அத்தியாவசிய வைட்டமின்கள் நிறைந்துள்ளன. இதில்  உள்ள நார்ச்சத்து ரத்தத்தில் உள்ள சர்க்கரை அளவைச் சீராக வைத்திருக்க உதவுகிறது. 

வெண்டைக்காயில் உள்ள கரையக்கூடிய நார்ச்சத்து, கெட்ட கொழுப்பைக் குறைக்க உதவுகிறது. இதனால் இதய நோய் வருவதற்கான வாய்ப்புகள் குறைகின்றன. இப்படி பல நன்மைகள் கொண்ட வெண்டைக்காயை வைத்து ருசியான பொறியல் எப்படி செய்யலாம் என்று பார்க்கலாம்.

தேவையான பொருட்கள்

எண்ணெய்

கடுகு

உளுந்து

பருப்பு

சீரகம்

வெங்காயம்

பூண்டு

பச்சை மிளகாய்

கறிவேப்பிலை

வெண்டைக்காய்

மஞ்சள் பொடி

காய்ந்த மிளகாய்

மிளகாய் தூள்

வேர்க்கடலை

செய்முறை

ஒரு கடாயில் எண்ணெய் ஊற்றி சூடானதும் கடுகு, உளுந்து, பருப்பு, சீரகம் ஆகியவற்றை சேர்க்க வேண்டும்.  இது பொறிந்ததும் வெங்காயம், இடித்த பூண்டு, பச்சை மிளகாய் ஆகியவற்றை சேர்த்து நன்கு வதக்க வேண்டும்.

இதனுடன் கறிவேப்பிலை, காய்ந்த மிளகாய், வெண்டைக்காய் சேர்த்து நன்கு வதக்க வேண்டும். இதில் சிறிதளவு உப்பு , மஞ்சள் தூள் மற்றும் மிளகாய் தூள் சேர்க்க நன்கு வதக்க வேண்டும். பின்னர், மூடி போட்டு வேக வைக்க வேண்டும்.

வெண்டைக்காய் நன்கு வெந்ததும் அதனுடன் வேர்க்கடலை சேர்த்து நன்கு கிளறிவிட்டு இறக்கினாள் சுவையான வெண்டைக்காய் பொறியல் ரெடி. இதனை நீங்கள் சூடான சாதத்துடன் வைத்து சாப்பிட்டால் நன்றாக இருக்கும்