ஓராண்டு எஃப்.டி.,க்கு குட் ரிட்டன்: இந்த 5 வங்கியை செக் பண்ணுங்க!

Fixed Deposits : இந்திய ரிசர்வ் வங்கி ரெப்போ விகிதத்தை நிலையாக வைத்திருப்பதால் பொது, தனியார் மற்றும் ஸ்மால் வங்கிகள் ஃபிக்ஸட் டெபாசிட் சேமிப்பு வட்டியை நல்ல நிலையில் வைத்துள்ளன.

பல்வேறு வங்கிகள் எஃப்.டிகளுக்கு 8 சதவீதம் வரை வட்டி விகிதங்களை வழங்குகின்றன. மறுபுறம், மூத்த குடிமக்கள் கூடுதல் 0.5 சதவீத வட்டி விகிதத்தை அனுபவிக்கிறார்கள்.

பொதுவாக ஃபிக்ஸட் டெபாசிட்கள் பாதுகாப்பான முதலீட்டு விருப்பங்களில் ஒன்றாக இருப்பதால், இதில் துணிந்து முதலீடு செய்கின்றனர்.

1) ஐ.சி.ஐ.சி.ஐ வங்கி

ஐ.சி.ஐ.சி.ஐ (ICICI Bank) வங்கி ஃபிக்ஸட் டெபாசிட் திட்டங்களுக்கு 3.00 சதவீதம் முதல் 7.10 சதவீதம் வரை வட்டி விகிதங்களை வழங்குகிறது.

இதற்கிடையில், மூத்த குடிமக்களுக்கு 7 நாள்கள் முதல் 10 ஆண்டுகள் வரை 3.50 சதவீதம் முதல் 7.60 சதவீதம் என கூடுதலாக 0.50 சதவீத வட்டி வழங்கப்படுகிறது.

மேலும், ஓராண்டில் முதிர்ச்சியடையும் ஃபிக்ஸட் டெபாசிட் திட்டங்களுக்கு பொது வாடிக்கையாளர்களுக்கு 6.70 சதவீதம் வட்டி வழங்கப்படும்.

2) ஹெச்.டி.எஃப்.சி. வங்கி

ஹெச்.டி.எஃப்.சி (HDFC) வங்கியில் ஒரு வருடத்தில் முதிர்ச்சியடையும் நிலையான வைப்புகளுக்கு சாதாரண முதலீட்டாளர்கள் 6.60 சதவீதத்தைப் பெறுகிறார்கள்.

மூத்த குடிமக்கள் இந்த வைப்புத்தொகைகளுக்கு 7.10 சதவீத வட்டி விகிதத்தைப் பெறுவார்கள். அந்த வகையில் ஓராண்டு முதலீட்டுக்கு பொது வாடிக்கையாளர்களுக்கு 3 சதவீதம் முதல் 7.25 சதவீதம் வரை வட்டி இருக்கும்.

3) எஸ்.பி.ஐ வங்கி

எஸ்.பி.ஐ (SBI) வங்கி பொது வாடிக்கையாளர்களுக்கு 3 சதவீதம் முதல் 7.1 சதவீதம் வரை வட்டி அளிக்கின்றன. மூத்த குடிமக்கள் 50 அடிப்படை புள்ளிகள் (பிபிஎஸ்) கூடுதலாகப் பெறுவார்கள்.

ஒரு வருட முதிர்ச்சிக்கு வரும்போது, வங்கி FD களுக்கு 6.80 சதவீத வட்டி கிடைக்கும்.

4) பேங்க் ஆஃப் பரோடா

பேங்க் ஆஃப் பரோடா 181 முதல் 210 நாள்களுக்கு இடைப்பட்ட காலத்திற்கான FDகளுக்கு 4.5 சதவீத வட்டியை அளிக்கிறது.

மறுபுறம், ஒன்று முதல் இரண்டு ஆண்டுகளுக்கு இடைப்பட்ட FDகள் 6.75 சதவீத வட்டி விகிதத்தை வழங்குகின்றன. மூத்த குடிமக்களுக்கு ஒரு வருட FD களில் 7.25 சதவீத வட்டி விகிதங்கள் வழங்கப்படுகின்றன.

5) பஞ்சாப் நேஷனல் வங்கி

பஞ்சாப் நேஷனல் வங்கி எஃப்.டி முதலீட்டுக்கு வட்டியாக 3.50 சதவீதம் மற்றும் 7.25 சதவீதம் வரை வழங்குகிறது. ஒரு வருடத்தில் முதிர்ச்சியடையும் FDகளுக்கு, வழங்கப்படும் வட்டி விகிதம் 6.75 சதவீதமாக இருக்கும். அதேசமயம் மூத்த குடிமக்களுக்கு ஒரு வருட திட்டத்தில் 7.25 சதவீத வட்டி விகிதம் கிடைக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“