7.5% வரை வட்டி: இந்த 5 முன்னணி வங்கியை மிஸ் பண்ணிராதீங்க!

Fixed Deposits : ஃபிக்ஸட் டெபாசிட்டின் அளவு மற்றும் காலம் வட்டி விகிதத்தை பாதிக்கிறது. ரூ.2 கோடிக்கும் குறைவான தொகைகளுக்கு வழக்கமான வாடிக்கையாளர்களிடம் அதிகபட்ச வட்டி விகிதமான 7.25 சதவீதம் வசூலிக்கும் ஐந்து வங்கிகள் இங்கே உள்ளன.

1) ஹெச்.டி.எஃப்.சி வங்கி

7 நாள்கள் முதல் 10 ஆண்டுகள் வரையிலான காலத்திற்கு, HDFC வங்கி வழக்கமான நபர்களுக்கு 3 சதவீதம் முதல் 7.25 சதவீதம் வரையிலும், மூத்த குடிமக்களுக்கு 3.5 சதவீதம் முதல் 7.75 சதவீதம் வரையிலும் வட்டி விகிதங்களை வழங்குகிறது. இந்த வட்டி விகித    ங்கள் மே மாதம் முதல் அமலுக்கு வந்துள்ளன.

2) பேங்க் ஆஃப் பரோடா

ஏழு நாள்கள் முதல் பத்து ஆண்டுகள் வரையிலான ஃபிக்ஸட் டெபாசிட்களுக்கு, பேங்க் ஆஃப் பரோடா வழக்கமான நபர்களுக்கு 3 சதவீதம் முதல் 7.25 சதவீதம் வரையிலும், மூத்த குடிமக்களுக்கு 3.5 சதவீதம் முதல் 7.75 சதவீதம் வரையிலும் வட்டி விகிதங்களை வழங்குகிறது.

அதிகபட்ச வட்டி விகிதமான 7.25 சதவீதத்துடன் 399 நாள் கால பரோடா திரங்கா பிளஸ் டெபாசிட் திட்டம் திட்டம். இந்த வட்டி விகிதங்கள் மே 12, 2023 முதல் அமலுக்கு வந்துள்ளன.

3) கனரா வங்கி

ஏழு நாள்கள் முதல் பத்து ஆண்டுகள் வரையிலான எஃப்.டி.களுக்கு, கனரா வங்கி வழக்கமான நபர்களுக்கு 4 சதவீதம் முதல் 7.25 சதவீதம் வரையிலும், மூத்த குடிமக்களுக்கு 4 சதவீதம் முதல் 7.75 சதவீதம் வரையிலும் வட்டி விகிதங்களை வழங்குகிறது.

444 நாள் எஃப்.டி. திட்டத்துக்கு அதிகபட்ச வட்டி விகிதம் 7.25 சதவீதம் வழங்கப்படுகிறது. இந்த திருத்தம் ஆகஸ்ட் 8, 2023 முதல் செல்லுபடியாகும்.

4) பஞ்சாப் நேஷனல் வங்கி

ஏழு நாள்கள் முதல் பத்து ஆண்டுகள் வரையிலான ஃபிக்ஸட் டெபாசிட் திட்டங்களுக்கு பஞ்சாப் நேஷனல் வங்கி வழக்கமான முதலீட்டாளர்களுக்கு 3.5 சதவீதம் மற்றும் 7.25 சதவீதம் மற்றும் மூத்த குடிமக்களுக்கு 4 சதவீதம் முதல் 7.75 சதவீதம் வரை வட்டி விகிதங்களை வழங்குகிறது.

444 நாள்கள் சிறப்பு எஃப்.டி திட்டத்துக்கு அதிகபட்ச வட்டி விகிதம் 7.25 சதவீதம் ஆகும். இந்த வட்டி விகிதங்கள் ஜூலை 1, 2023 முதல் அமலுக்கு வந்துள்ளன.

5) இண்டஸ்இந்த் வங்கி

ஏழு நாள்கள் முதல் பத்து ஆண்டுகள் வரையிலான டெபாசிட்களுக்கு, இண்டஸ்இந்த் (Induslnd) வங்கி வழக்கமான நபர்களுக்கு 3.5 சதவீதம் முதல் 7.5 சதவீதம் வரையிலும், மூத்த குடிமக்களுக்கு 4.25 சதவீதம் முதல் 8.25 சதவீதம் வரையிலும் வட்டி விகிதங்களை வழங்குகிறது. இந்த திருத்தம் ஆகஸ்ட் 5, 2023 முதல் அமலுக்கு வந்துள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“