Advertisment

Aadhaar Card Update: ஆதாரில் வீட்டு முகவரி மாற்ற வேண்டுமா? கவலைய விடுங்க இதைப் படிங்க!

How to Update Address in Aadhaar Card Online: முகவரியை மாற்றம் செய்ய வேண்டும் என்றாலும் இதே வழியை பின்பற்றலாம்.

author-image
WebDesk
புதுப்பிக்கப்பட்டது
New Update
adhaar address update online

adhaar address update online

Aadhaar Card Update : ஆதார் அட்டை வெறும் அடையாளம் என்பதையும் தாண்டி, பான் கார்ட் உள்ளிட்டவற்றைப் பெற மிகவும் முக்கியமான ஒன்றாக உள்ளது. வருமான வரி கணக்குத் தாக்கல் போன்றவற்றுக்கும் ஆதார் மிகவும் அவசியம் என்பதால் அதில் இருக்கும் தகவல்கள் மிகவும் சரியாக இருப்பது முக்கியமாகும்.

இதுபோன்று உங்கள் ஆதார் அட்டையில் பெயர், வயது, பிறந்த தேதி, முகவரி உள்ளிட்ட எதிலேனும் தவறுகள் இருப்பின் அவற்றை எளிதில் சரி செய்துக்கொள்ள முடியும். சிலவற்றை இணையத்திலேயே சரி செய்யும் வசதியை UIDAI செய்துள்ளது.

 UIDAIன் அதிகாரப்பூர்வ இணையதளத்தில் ஆதார் அப்டேட் என்ற ஆப்ஷன் இடம் பெற்றிருக்கும். அதில் லாக்இன் செய்து பின்னர் முகவரியில் இருக்கும் தகவல்களை சரி செய்யலாம். இதேபோல முகவரியை மாற்றம் செய்ய வேண்டும் என்றாலும் இதே வழியை பின்பற்றலாம்.

முகவரியை தவிர வேறு தகவல்களில் பிழை இருந்தால் அவற்றை அருகில் உள்ள ஆதார் மையங்களுக்கு சென்று சரி செய்யலாம். UIDAI இணையதளத்திலேயே உங்கள் முகவரியை வைத்து அருகில் உள்ள ஆதார் மையத்தை கண்டறியலாம்.

How to Update Aadhaar Card Address Online:இதனை எப்படி செய்வது என்பதை பார்க்கலாம்...

படி 1: உங்கள் ஆதார் அட்டையின் எண்ணை பயன்படுத்தி, ஆதார் அட்டை ஆன்லைன் தளமான https://uidai.gov.in/ செல்ல வேண்டும்.

படி 2: நீங்கள் மாற்றம் செய்ய விரும்பும் விவரத்தை, பெயர், பாலினம், பிறந்த தேதி, முகவரி, மொபைல் நம்பர் மற்றும் மின்னஞ்சல் ஐடி ஆகியவற்றில் இருந்து தேர்ந்தெடுத்து கொள்ள வேண்டும்.

படி 3: நீங்கள் திருத்தம் செய்ய அல்லது மாற்றம் செய்ய விரும்பும் விவரங்களைக் கொண்ட அடையாள ஆவணத்தை ஸ்கேன் செய்து, சொந்த கையெழுத்திட்ட நகலுடன் பதிவேற்றம் செய்ய வேண்டும்.

படி 4: பெயர், பாலினம், பிறந்த தேதி, முகவரி, மொபைல் நம்பர் அல்லது மின்னஞ்சல் ஐடி ஆகியவை தொடர்புடைய மாற்றம் செய்ய வேண்டிய அல்லது திருத்தம் செய்ய வேண்டிய கோரிக்கை சமர்ப்பிக்கப்பட்ட பிறகு, ஆதார் அட்டையின் புதுப்பிப்பு விண்ணப்பத்திற்கான எண் அளிக்கப்படும்.

இந்த எண் மூலம் நீங்கள் செய்ய விண்ணப்பித்த மாற்றம் அல்லது திருத்தம், எந்த நிலையில் உள்ளது என்பதை கண்காணிக்க பயன்படுத்தி கொள்ளலாம். ஆதார் அட்டை தொடர்பான புதுப்பிப்புகளைச் செய்ய 90 நாட்கள் வரையிலான காலஅளவை எடுத்து கொள்ளலாம் என்று யூஐடிஏஐ இணையதளம் குறிப்பிடுகிறது.

Aadhaar Card
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment