18 மாதத்தில் 8% ரிட்டன்: இந்த வங்கியின் ஃபிக்ஸட் டெபாசிட் தெரியுமா?

Fixed Deposits | இந்திய ரிசர்வ் வங்கியின் (RBI) 2024-25 நிதியாண்டிற்கான இரண்டாவது நாணயக் கொள்கையின் அறிவிப்புக்கு இணங்க, ஏ.யூ சிறு நிதி வங்கி (SFB) ரூ. 2 கோடிக்கும் குறைவான நிலையான வைப்புகளுக்கான வட்டி விகிதங்களை திருத்தியுள்ளது. தற்போது வங்கி 18 மாத டெபாசிட்டுக்கு பொது மக்களுக்கு 8.00% மற்றும் மூத்த குடிமக்களுக்கு 8.50% என வழங்குகிறது.

ஏ.யூ ஸ்மால் ஃபைனான்ஸ் வங்கி

7 நாள்கள் முதல் 1 மாதம் மற்றும் 15 நாள்களுக்குள் முதிர்ச்சியடையும் ரூ.2 கோடிக்கும் குறைவான உள்நாட்டு டெபாசிட்டுகளுக்கு வங்கி 3.75% வட்டி விகிதத்தை வழங்குகிறது.

ஏயூ ஸ்மால் ஃபைனான்ஸ் வங்கி 1 மாதம் மற்றும் 16 நாள்கள் முதல் 3 மாதங்களில் முதிர்ச்சியடையும் வைப்புகளுக்கு 5.50% வட்டி விகிதத்தை வழங்குகிறது.

6.00% மற்றும் 7.25% வட்டி விகிதங்கள் AU ஸ்மால் ஃபைனான்ஸ் வங்கியிலிருந்து முறையே மூன்று மாதங்கள் மற்றும் ஒரு நாள் முதல் ஆறு மாதங்கள் மற்றும் ஆறு மாதங்கள் முதல் பன்னிரெண்டு மாதங்கள் வரையிலான நிலையான வைப்புத் திட்டங்களுக்கு கிடைக்கும்.

12 மாதங்கள், 1 நாள் முதல் 15 மாதங்கள் வரை முதிர்ச்சியடையும் டெபாசிட்டுகளுக்கு 7.85% வட்டி விகிதமும், 15 மாதங்கள், 1 நாள் முதல் 18 மாதங்களுக்கும் குறைவான டெபாசிட்களுக்கு 7.50% வருமானம் வழங்கப்படும்.

வட்டி விகிதம்

மேலும் வங்கி 18 மாதங்களில் முதிர்ச்சியடையும் நிலையான வைப்புகளுக்கு வங்கி 8.00% வட்டி விகிதத்தை வழங்குகிறது. அதே நேரத்தில் ஏ.யூ ஸ்மால் ஃபைனான்ஸ் வங்கி 18 மாதங்கள், 1 நாள் முதல் 24 மாதங்கள் வரை முதிர்ச்சியடையும் முதலீடுகளுக்கு 7.75% வட்டி விகிதத்தை வழங்குகிறது.

தொடர்ந்து ஏயூ ஸ்மால் ஃபைனான்ஸ் வங்கி 24 மாதங்கள், 1 நாள் முதல் 45 மாதங்கள் வரையிலான டெபாசிட்டுகளுக்கு 7.50% மற்றும் 45 மாதங்கள், 1 நாள் முதல் 120 மாதங்கள் வரை முதிர்ச்சியடையும் வைப்புகளுக்கு 7.25% செலுத்துகிறது.

வருமான வரிச் சட்டத்தின் பிரிவு 139A உடன் படிக்கப்பட்ட வருமான வரி விதிகளின் விதி 114B இன் படி, ரூ. 50,000க்கு மேல் நிலையான வைப்பு (கள்)/தொடர் வைப்பு முதலீடுகளுக்கு பான் கார்டு கட்டாயம் ஆகும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“