மூத்தக் குடிமக்களுக்கு சிறப்பு திட்டம்: பந்தன் வங்கி அறிமுகம்

பந்தன் வங்கி 'INSPIRE' என்ற பெயரில் மூத்தக் குடிமக்களுக்கு சிறப்பு திட்டத்தை அறிமுகப்படுத்தி உள்ளது. இந்தத் திட்டத்தில் வங்கியின் மூத்த குடிமக்களுக்கு முன்னுரிமை வட்டி விகிதங்கள் கிடைக்கும்.
கூடுதலாக, மருந்து வாங்குதல்கள், நோயறிதல் சேவைகள் மற்றும் மருத்துவ சிகிச்சைகள் போன்றவைகளும் உள்ளன. மேலும், மூத்த குடிமக்களுக்கான ஒட்டுமொத்த வங்கி அனுபவத்தை மேம்படுத்த, தொலைபேசி வங்கி அதிகாரிகளுக்கு நேரடி அணுகல் போன்ற கூடுதல் அம்சங்களையும் அறிமுகப்படுத்த உள்ளது.

ஃபிக்ஸட் டெபாசிட்

தற்போது, வங்கி மூத்த குடிமக்களுக்கு நிலையான வைப்புத்தொகைக்கு கவர்ச்சிகரமான வட்டி விகிதங்களை வழங்குகிறது.
இந்த வங்கியில் மூத்தக் குடிமக்கள் 500 நாள்கள் ஃபிக்ஸட் டெபாசிட் முதலீட்டுக்கு 8.35% வட்டி விகிதங்களைப் பெறலாம்.
வரி-சேமிப்பு நிலையான வைப்புகளைப் பொறுத்தவரை, மூத்த குடிமக்கள் ஆண்டுக்கு 7.5% வட்டி விகிதத்தில் இருந்து பயனடையலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“