பேங்க் ஆஃப் இந்தியா, ₹2 முதல் ₹50 கோடி வரையிலான டெபாசிட்டுகளுக்கு ஆண்டுக்கு 7.5 சதவீத வட்டி விகிதத்துடன் சூப்பர் ஸ்பெஷல் ஃபிக்ஸட் டெபாசிட்டை அறிமுகப்படுத்தியுள்ளது.
அந்த வகையில், பேங்க் ஆஃப் பரோடா (BOB), பாரத ஸ்டேட் வங்கி (SBI), DCB வங்கி, HDFC வங்கி, ஐசிஐசிஐ வங்கி மற்றும் ஆக்சிஸ் வங்கி ஆகியவை சமீபத்தில் தங்கள் கால வைப்பு வட்டி விகிதங்களை உயர்த்திய பிற வங்கிகள் ஆகும்.
எஸ்.பி.ஐ வங்கி
எஸ்பிஐ FD விகிதங்களை 5.75 சதவீதத்தில் இருந்து 6 சதவீதமாக உயர்த்தியுள்ளது (211 நாட்கள் முதல் ஒரு வருடத்திற்கும் குறைவாக). 7 நாட்கள் முதல் 45 நாட்கள் வரை (3 முதல் 3.5 சதவீதம்), 46 நாட்கள் முதல் 179 நாட்கள் வரை (4.5 முதல் 4.75 சதவீதம் வரை), 180 நாட்கள் முதல் 210 நாட்கள் வரை (5.25 முதல் 5.75 சதவீதம் வரை) வட்டி விகிதங்கள் உயர்த்தப்பட்ட பிற காலங்கள் அடங்கும்.
ஒரு வருடம் முதல் இரண்டு வருடங்களுக்கும் குறைவான காலத்திற்கு, SBI வழங்கும் வட்டி விகிதம் மாறாமல் உள்ளது, அதாவது, 6.80 சதவீதம்; 2-3 ஆண்டுகளுக்கு, இது 7 சதவீதம்; 3-5 ஆண்டுகளுக்கு, வட்டி விகிதம் 6.75 சதவீதம் ஆகும்.
ஹெச்டிஎஃப்சி வங்கி
அக்டோபர் முதல் நடைமுறைக்கு வரும் வகையில் ஹெச்டிஎஃப்சி வங்கி, ஒரு வருடம் முதல் 15 மாதங்கள் வரையிலான FDகளில் 6.6 சதவீதத்தை தனது டெபாசிட்தாரர்களுக்கு வழங்குகிறது. 15 மாதங்கள் முதல் 18 மாதங்கள் வரை, வட்டி விகிதம் 7.10 சதவீதம்; 18 மாதங்கள் முதல் 21 மாதங்கள் வரை, வட்டி விகிதம் 7 சதவீதமாகவும், 21 மாதங்கள் முதல் 2 ஆண்டுகளுக்கு 7 சதவீதமாகவும் இருக்கும்.
ஐசிஐசிஐ வங்கி
ஐசிஐசிஐ வங்கி இரண்டாவது பெரிய தனியார் துறை வங்கி, ஜனவரி 3 முதல் நடைமுறைக்கு வரும் வகையில், ஒரு வருடம் முதல் 389 நாட்கள் வரையிலான டெபாசிட்தாரர்களுக்கு 7.25 சதவீதத்தை (முந்தைய 6.7 சதவீதத்தில் இருந்து) வழங்குகிறது.
மேலும், 61 நாட்கள் முதல் 90 நாட்கள் வரை (4.5 சதவீதத்திலிருந்து 6 சதவீதம் வரை), 91 நாட்கள் முதல் 184 நாட்கள் வரை (4.75 சதவீதம் முதல் 6.5 சதவீதம் வரை), 185 நாட்கள் முதல் 270 நாட்கள் வரை (5.75 முதல் 6.75 சதவீதம் வரை) , 390 நாட்கள் முதல் 15 மாதங்கள் வரை (6.7 சதவீதம் முதல் 7.25 சதவீதம் வரை) மற்றும் 5 ஆண்டுகள் முதல் 10 ஆண்டுகள் வரை (6.9 முதல் 7 சதவீதம் வரை) கிடைக்கும்.
ஆக்சிஸ் வங்கி
ஆக்சிஸ் வங்கி டிசம்பர் 26, 2023 முதல், ஆக்சிஸ் வங்கி ஒரு வருடம் முதல் 15 மாதங்கள் வரையிலான நிலையான வைப்புத் தொகையில் 6.7 சதவீதத்தை வழங்குகிறது. 15 மாதங்கள் முதல் ஐந்து ஆண்டுகள் வரையிலான டெபாசிட்டுகளுக்கு 7.10 சதவீதம் வட்டி. குறுகிய கால FDகள் 4.75 சதவீதம் முதல் 6 சதவீதம் வரையிலான வட்டி விகிதத்தை அளிக்கின்றன.
பேங்க் ஆஃப் பரோடா
பேங்க் ஆஃப் பரோடா வங்கி ஓராண்டு முதல் 2 ஆண்டுகள் வரை 6.85 சதவீத வட்டி விகிதத்தை வழங்கி வருகிறது. 2 மற்றும் 3 ஆண்டுகளுக்கு இடைப்பட்ட வைப்புகளுக்கு, வங்கி 7.25 சதவீத வட்டி விகிதத்தை வழங்குகிறது. 3 முதல் 10 ஆண்டுகள் வரையிலான டெபாசிட்டுகளுக்கு வட்டி விகிதம் 6.5 சதவீதமாக குறைகிறது.
டிசிபி வங்கி
டிசிபி வங்கி டிசம்பர் 13, 2023 முதல், ஆண்டுக்கு 7.15 சதவீதம் வட்டியை எஃப்டி முதலீட்டுக்கு வழங்குகிறது. 12 மாதங்கள் முதல் 10 நாட்கள் வரையிலான எஃப்.டிக்களுக்கு வட்டி விகிதம் 7.85 சதவீதமாக உள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“