பிராஸசிங் ஃபீஸ் இல்லை... கம்மி வட்டியில் பெர்சனல் லோன்; இந்த வங்கிகளை நோட் பண்ணுங்க மக்களே!

திடீரென ஏற்படும் மருத்துவ தேவை, திட்டமிடாத செலவுகள் அல்லது பல்வேறு கடன்களை ஒன்றிணைத்து நிர்வகிக்கும் தேவை போன்ற சூழல்களில் தனிநபர் கடன்கள் ஒரு வரப்பிரசாதமாக அமைகின்றன. எந்த ஒரு பிணையமும் (collateral) இல்லாமல் கிடைக்கும் இந்தக் கடன்கள், விரைவாகப் பணத்தை பெற உதவும் ஒரு சிறந்த நிதி தீர்வாகும்.

வீட்டுக் கடன் போல தனிநபர் கடனுக்கு எந்த ஒரு சொத்தையும் அடமானமாக வைக்கத் தேவையில்லை. இது கடன் பெறுபவர்களுக்கு பெரும் வசதியாக அமைகிறது. ஏனெனில், சொத்து அடமானம் வைப்பதற்கான சிக்கலான நடைமுறைகள் தவிர்க்கப்படுகின்றன. தேவையான நிதியை விரைவாக பெறுவதற்கு இது ஒரு சுலபமான வழியாகும்.

இதில் உங்கள் சிபில் ஸ்கோர் (CIBIL score), கடனை திருப்பி செலுத்தும் தன்மை, கடன் தொகை மற்றும் கடன் காலம் ஆகியவை முக்கிய பங்கு வகிக்கின்றன. உங்கள் சிபில் ஸ்கோர் அதிகமாக இருந்தால், அதாவது நல்ல கடன் வரலாறு கொண்டிருந்தால், உங்களுக்கு குறைந்த வட்டி விகிதத்தில் கடன் கிடைக்க வாய்ப்புள்ளது.

கடன் பெறுபவர்கள், பல்வேறு வங்கிகள் மற்றும் வங்கி சாரா நிதி நிறுவனங்கள் (NBFCs) வழங்கும் வட்டி விகிதங்களை ஒப்பிட்டுப் பார்ப்பது மிகவும் முக்கியம். ஏனெனில், சிறிய வட்டி விகித வேறுபாடு கூட நீண்ட காலத்திற்கு உங்கள் இ.எம்.ஐ தொகையில் பெரிய தாக்கத்தை ஏற்படுத்தும்.

இந்திய ரிசர்வ் வங்கி (RBI) கடந்த பிப்ரவரி மாதம் முதல் ஒட்டுமொத்தமாக 1% (100 அடிப்படை புள்ளிகள்) ரெப்போ விகிதங்களைக் குறைத்ததையடுத்து, பல வங்கிகள் தங்கள் கடன் வழங்கும் விகிதங்களை குறைத்துள்ளன. பொதுத்துறை மற்றும் தனியார் துறை வங்கிகள் தங்கள் Marginal Cost of Funds-based Lending Rate (MCLR)-ஐ குறைத்துள்ளன. 

கடன் விண்ணப்பத்தை பரிசீலித்து அங்கீகரிக்கும் போது வங்கிகள் சில நிர்வாக செலவுகளை சந்திக்கின்றன. இந்த செலவுகளை ஈடுகட்ட வசூலிக்கப்படும் கட்டணமே "செயலாக்கக் கட்டணம்" (Processing Fee) ஆகும். இது பொதுவாக கடன் தொகையில் 0.5% முதல் 2.50% வரை மாறுபடும். ஒவ்வொரு வங்கியும் ஒரு குறைந்தபட்ச மற்றும் அதிகபட்ச சதவீதத்தை நிர்ணயிக்கும். இந்தக் கட்டணத்தை நீங்கள் முன்பணமாக செலுத்தலாம் அல்லது கடன் தொகை வழங்கப்படும்போது அதிலிருந்து கழிக்கப்படலாம்.

தனிநபர் கடனைத் தேர்ந்தெடுக்கும் முன், வட்டி விகிதங்கள் மற்றும் செயலாக்கக் கட்டணங்கள் உள்ளிட்ட அனைத்து அம்சங்களையும் கவனமாக ஒப்பிட்டுப் பார்த்து, உங்கள் நிதி நிலைக்கு மிகவும் பொருத்தமானதை தேர்வு செய்வது புத்திசாலித்தனம் ஆகும்.