பழைய ஓய்வூதியத் திட்டத்திற்கு மாறலாம்! மத்திய அரசு ஊழியர்களுக்கு ஒருமுறை வாய்ப்பு

மத்திய அரசு ஊழியர்களுக்கு ஒரு புதிய வாய்ப்பை அரசாங்கம் அறிவித்துள்ளது. 2025 ஏப்ரல் 1 முதல் 2025 ஆகஸ்ட் 31 வரை பணியில் சேர்ந்த மத்திய அரசு ஊழியர்கள், தேசிய ஓய்வூதியத் திட்டத்தைத் (NPS) தேர்ந்தெடுத்திருந்தால், அவர்கள் இப்போது ஒருங்கிணைந்த ஓய்வூதியத் திட்டத்திற்கு (UPS) மாறுவதற்கான ஒருமுறை வாய்ப்பை மத்திய அரசு வழங்கியுள்ளது.
    
இந்த வாய்ப்பை 2025 செப்டம்பர் 30-க்குள் பயன்படுத்திக் கொள்ளலாம். இது மற்ற தகுதியுடையவர்களுக்கு ஏற்கனவே நிர்ணயிக்கப்பட்ட காலக்கெடுவுடன் ஒத்திருக்கிறது என்று நிதி அமைச்சகம் செவ்வாய்க்கிழமை ஒரு அறிக்கையில் தெரிவித்துள்ளது.

இந்த முயற்சி, மத்திய அரசு ஊழியர்களுக்கு ஓய்வுக்குப் பிறகு தங்கள் நிதி பாதுகாப்பை திட்டமிடுவதற்கு ஒரு வாய்ப்பை வழங்குகிறது. ஒருங்கிணைந்த ஓய்வூதியத் திட்டத்தைத் தேர்ந்தெடுப்பதன் மூலம், ஊழியர்கள் பின்னர் தேசிய ஓய்வூதியத் திட்டத்திற்கு மீண்டும் மாறுவதற்கான வாய்ப்பையும் தக்க வைத்துக் கொள்வார்கள்.

2025 ஏப்ரல் 1 முதல், மத்திய அரசு ஊழியர்களுக்கு தேசிய ஓய்வூதியத் திட்டத்தின் கீழ், ஒரு விருப்பத் தேர்வாக ஒருங்கிணைந்த ஓய்வூதியத் திட்டம் அறிமுகப்படுத்தப்பட்டுள்ளது. இத்திட்டம், ஊழியர்களுக்கு உறுதியான ஓய்வூதியப் பலன்களை வழங்கும். 2004 ஜனவரி 1 முதல் அமலுக்கு வந்த தேசிய ஓய்வூதியத் திட்டத்தின் கீழ் உள்ள 23 லட்சம் அரசு ஊழியர்கள், இந்த இரண்டு திட்டங்களில் ஒன்றைத் தேர்வு செய்யலாம்.

பிரதமர் நரேந்திர மோடி தலைமையிலான மத்திய அமைச்சரவை, 2024 ஆகஸ்ட் 24 அன்று ஒருங்கிணைந்த ஓய்வூதியத் திட்டத்திற்கு ஒப்புதல் அளித்தது.

2004 ஜனவரியில் முடிவடைந்த பழைய ஓய்வூதியத் திட்டத்தின் கீழ், ஊழியர்கள் தங்கள் கடைசி மாத ஊதியத்தில் 50% ஓய்வூதியமாகப் பெற்றனர். ஆனால், ஒருங்கிணைந்த ஓய்வூதியத் திட்டம் (UPS) ஒரு பங்களிப்புத் திட்டமாகும். இதில், ஊழியர்கள் தங்கள் அடிப்படைச் சம்பளம் மற்றும் அகவிலைப்படியில் 10% பங்களிக்க வேண்டும். அதே சமயம், மத்திய அரசின் பங்களிப்பு 18.5% ஆக இருக்கும்.

இந்த நிதியானது பெரும்பாலும் அரசுப் பத்திரங்களில் முதலீடு செய்யப்படுவதால், இறுதிப் பலன் சந்தை வருவாயைப் பொறுத்தது. 

பழைய ஓய்வூதியத் திட்டத்தைப் போலன்றி, ஒருங்கிணைந்த ஓய்வூதியத் திட்டம் ஒரு பங்களிப்புத் திட்டமாகும். இதில் ஊழியர்கள் தங்கள் அடிப்படை சம்பளம் மற்றும் அகவிலைப்படியில் 10 சதவீதமும், மத்திய அரசின் பங்களிப்பு 18.5 சதவீதமும் இருக்கும். இருப்பினும், இறுதிப் பலன்கள், அரசு கடன் பத்திரங்களில் முதலீடு செய்யப்படும் தொகையின் சந்தை வருவாயைப் பொறுத்தது.