7.5 சதவீதம் வட்டி- மகிளா சம்மான் சேமிப்பு சான்றிதழ்; வரி விலக்கு உண்டா?

post-office-savings-scheme | income-tax | மகளிர் முதலீட்டாளர்களுக்கு எனப் பிரத்யேகமாக சிறு சேமிப்பு திட்டமான மகிளா சம்மான் சேமிப்புச் சான்றிதழ் திட்டம், 2023ஆம் ஆண்டு நாட்டின் வரவு செலவு திட்ட அறிக்கை  (பட்ஜெட்) தாக்கலின்போது அறிமுகப்படுத்தப்பட்டது.

இது ஏப்ரல் 2023 முதல் மார்ச் 2025 வரை இரண்டு ஆண்டுகளுக்கு ஒருமுறை மட்டுமே கிடைக்கும் திட்டம் ஆகும். இந்தத் திட்டத்தில் ஆண்டுக்கு 7.5 சதவீதம் வட்டி வழங்கப்படுகிறது.

மார்ச் 31, 2023 அன்று வெளியிடப்பட்ட அரசாங்க அறிவிப்பின்படி, வட்டியானது காலாண்டுக்கு ஒருமுறை கூட்டப்பட்டு உங்கள் கணக்கில் வரவு வைக்கப்படும்.

வரி சேமிப்பு உண்டா?

இந்தத் திட்டத்தின் கீழ் செய்யப்படும் முதலீடு வருமான வரிச் சட்டம், 1961 இன் பிரிவு 80C இன் கீழ் வரிச் சேமிப்புப் பலனுக்குத் தகுதியற்றது. இந்தத் திட்டத்தின் கீழ் ஈட்டப்படும் வட்டிக்கு வரி விதிக்கப்படும்.
வரிச் சேமிப்பு நிலையான வைப்புகளைப் போலன்றி, நீங்கள் எந்த வரிச் சலுகைகளும் கிடைக்காது. அதாவது, மகிளா சம்மான் சேமிப்புச் சான்றிதழ் வட்டி வருமானம் வரியிலிருந்து விலக்கு அளிக்கப்படவில்லை. மொத்த வட்டி வருமானம் மற்றும் தனிநபர் வரி அடுக்குகளைப் பொறுத்து TDS கழிக்கப்படும்.

முதிர்ச்சி

வைப்புத்தொகை இரண்டு ஆண்டுகளுக்குப் பிறகு முதிர்ச்சியடையும். முதிர்ச்சியடைந்தவுடன் கணக்கு அலுவலகத்தில் படிவம்-2 இல் விண்ணப்பத்தை சமர்ப்பிப்பதன் மூலம் பணத்தை திரும்ப பெறலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“