28 கார்கள், 29 பைக்... ஊழியர்களுக்கு மெகா பரிசுகளை அள்ளி வழங்கிய சென்னை ஐ.டி நிறுவனம்!

ஊழியர்களுக்கு இவ்வாறு செய்வது அவர்கள் பணி செய்ய மேலும் ஊக்கமளிக்கும் அதே நேரம் உற்பத்தி அதிகரிக்கும் என மூத்த அதிகாரி கூறினார். 

சென்னையைச் சேர்ந்த 'டீம் டீடெய்லிங் சொல்யூஷன்ஸ்' (Team Detailing Solutions ) நிறுவனம் கடந்த 2005-ல் தொடங்கப்பட்டு செயல்பட்டு வருகிறது. இந்நிறுவனம் Structural steel design and Detailing சேவைகளை வழங்கி வருகிறது. 

இந்நிலையில், இந்நிறுவனம் சிறப்பாக செயல்பட்ட ஊழியர்களுக்கு  தீபாவளியையொட்டி கார், பைக் பரிசு வழங்கி ஊக்குவித்துள்ளது. இதுபற்றி பேசிய  நிறுவனத்தின் நிர்வாக இயக்குநர் ஸ்ரீதர் கண்ணன்,  ஊழியர்களின் கடின உழைப்பை அங்கீகரித்து பாராட்டுவது முக்கியம். அதன்படி செயல்திறன், அந்த நிறுவனத்தில் நீண்ட ஆண்டுகள் பணியாற்றிய ஊழியர்களுக்கு பரிசு அளிக்கப்பட்டுள்ளது. அவர்களின் சாதனைகளை அங்கீகரிப்பதில் நாங்கள் பெருமிதம் கொள்கிறோம்.

இந்த அங்கீகாரம் ஊழியர்களுக்கு மேலும் ஊக்கமளிக்கும். 2022-ல் முதல் முதலில் நிறுவனத்தில் 2 பேருக்கு கார் பரிசளித்தோம். இப்போது இந்தாண்டு 28 கார்கள், 29 பைக் பரிசாக வழங்கி உள்ளோம். மாருதி சுஸுகி, ஹூண்டாய், மெர்சிடிஸ் பென்ஸ் போன்ற கார்கள் பரிசளிக்கப்பட்டுள்ளது என்றார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“