தங்கம் விலை கிடுகிடு உயர்வு: ஒரே நாளில் சவரனுக்கு ரூ.960 அதிகரிப்பு- உச்சம் தொட்ட வெள்ளி

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

சென்னையில் ஆபரணத் தங்கத்தின் விலை வியாழக்கிழமை கிராமுக்கு ரூ. 10 குறைந்து ரூ. 6,705-க்கும், பவுனுக்கு ரூ. 80 குறைந்து ரூ. 53,640-க்கும் விற்பனையானது.

இந்நிலையில் இன்று (செப். 13) காலை நிலவரப்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.960 உயர்ந்து 54,600 ரூபாய் ஆகவும், ஒரு கிராம் தங்கத்தின் விலை ரூ.120 அதிகரித்து 6,825 ரூபாய்க்கு விற்பனையாகிறது.

அதேபோல் வெள்ளியின் விலையும் இன்று உச்சத்தை தொட்டுள்ளது. வெள்ளியின் விலை நேற்று ஒரு கிராம் ரூ.91.50 காசுகளுக்கு விற்பனையான நிலையில், இன்று ரூ.95 ஆக அதிகரித்துள்ளது. ஒரு கிலோ வெள்ளியின் விலை ரூ.95,000-க்கு விற்பனையாகிறது.