தங்கம் விலை தொடர்ந்து ஏறுமுகம்: 2 நாட்களில் சவரனுக்கு ரூ.1,280 அதிகரிப்பு

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

சென்னையில்22 கேரட் ஆபரணத் தங்கத்தின் விலை வியாழக்கிழமை கிராமுக்கு ரூ.6,705-க்கும், சவரனுக்கு ரூ. 53,640-க்கும் விற்பனையானது.

தொடர்ந்து நேற்று (செப்.13) சென்னையில் 22 கேரட் ஆபரணத் தங்கத்தின் விலை சவரனுக்கு ரூ.960 உயர்ந்து 54,600 ரூபாய் ஆகவும், ஒரு கிராம் தங்கத்தின் விலை ரூ.120 அதிகரித்து 6,825 ரூபாய்க்கு விற்பனையானது.

இந்நிலையில் இன்றும் தங்கம் விலை ஏறுமுகமாக உள்ளது. இன்று (செப்.14) காலை நிலவரப்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.320 உயர்ந்து ரூ. 54,920-க்கு விற்பனையாகிறது. ஒரு கிராம் தங்கம் ரூ.6,865 ஆக உள்ளது. இரு தினங்களில் ஆபரணத் தங்கத்தின் விலை ரூ 1,280 உயர்ந்துள்ளது.

அதேபோல் வெள்ளியின் விலையும் இன்று உச்சத்தை தொட்டுள்ளது. வெள்ளியின் விலை வியாழக்கிழமை ஒரு கிராம் ரூ.91.50 காசுகளுக்கு விற்பனையானது. தொடர்ந்து நேற்று (செப்.13) ரூ.95 ஆக அதிகரித்தது. இந்நிலையில் இன்று வெள்ளியின் விலை மேலும் உயர்ந்து, ஒரு கிராம் ரூ 97- க்கும் ஒரு கிலோ ரூ.97 ஆயிரத்திற்கும் விற்பனையாகிறது.