மீண்டும் ரூ.55 ஆயிரத்தை தொட்ட தங்கம் விலை: ரூ.1 லட்சத்தை நெருங்கும் வெள்ளி

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

சென்னையில் 22 கேரட் ஆபரணத் தங்கத்தின் விலை கடந்த வியாழக்கிழமை (செப்.12) கிராமுக்கு ரூ.6,705-க்கும், சவரனுக்கு ரூ. 53,640-க்கும் விற்பனையானது.

தொடர்ந்து வெள்ளிக்கிழமை (செப்.13) சென்னையில் 22 கேரட் ஆபரணத் தங்கத்தின் விலை சவரனுக்கு ரூ.960 உயர்ந்து 54,600 ரூபாய் ஆகவும், ஒரு கிராம் தங்கத்தின் விலை ரூ.120 அதிகரித்து 6,825 ரூபாய்க்கு விற்பனையானது.

சனிக் கிழமையும் (செப்.14) தங்கம் விலை ஏறுமுகமாகவே இருந்தது. அன்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.320 உயர்ந்து ரூ. 54,920-க்கு விற்பனையானது.

இந்நிலையில் வாரத்தின் தொடக்க நாளான இன்றும் தங்கம் விலை ரூ.55 ஆயிரத்தை கடந்துள்ளது. அதன்படி சென்னையில் 22 கேரட் ஆபரணத் தங்கத்தின் விலை இன்று (செப்.16) சவரனுக்கு ரூ.120 உயர்ந்து ரூ. 55,040-க்கு விற்பனையாகிறது. ஒரு கிராம் தங்கம் ரூ.15 உயர்ந்து ரூ.6,680 ஆக உள்ளது.

அதேபோல் வெள்ளியின் விலையும் இன்று உச்சத்தை தொட்டுள்ளது. வெள்ளியின் விலை வியாழக்கிழமை ஒரு கிராம் ரூ.91.50 காசுகளுக்கு விற்பனையானது. தொடர்ந்து வெள்ளிக்கிழமை (செப்.13) ரூ.95 ஆக அதிகரித்தது. சனிக்கிழமை வெள்ளியின் விலை மேலும் உயர்ந்து, ஒரு கிராம் ரூ.97- க்கும் விற்பனையானது.

இன்று வெள்ளி விலை கிராமுக்கு 1 ரூபாய் உயர்ந்து ரூ.98 ஆகவும், ஒரு கிலோ வெள்ளி ரூ.98 ஆயிரத்துக்கும் விற்பனை செய்யப்படுகிறது.