தங்கம் விலை இன்றும் சவரனுக்கு ரூ.120 குறைந்தது: வெள்ளி ரூ.96 ஆயிரத்துக்கு விற்பனை

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

சென்னையில் வாரத்தின் தொடக்க நாளான திங்கள் கிழமை (செப்.16) தங்கம் விலை ரூ.55 ஆயிரத்தை கடந்தது. அன்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.120 உயர்ந்து ரூ. 55,040-க்கு விற்பனையானது. ஒரு கிராம் தங்கம் ரூ.15 உயர்ந்து ரூ.6,680 ஆக இருந்தது.

தொடர்ந்து, சென்னையில் 22 கேரட் ஆபரணத் தங்கத்தின் விலை நேற்று (செப்.17) சவரனுக்கு ரூ.120 குறைந்து ரூ.54,920-க்கு விற்பனையானது. கிராமுக்கு ரூ.15 குறைந்து ரூ.6,865 ஆக இருந்தது.

இந்நிலையில் இன்றும் (செப்.18) தங்கம் விலை கணிசமாக குறைந்துள்ளது. சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.120 குறைந்து ரூ.54,800-க்கு விற்பனையாகிறது. ஒரு கிராம் ரூ.15 குறைந்து, ரூ.6,850 ஆக உள்ளது.

அதேபோல் ஒரு கிராம் வெள்ளி செவ்வாய்க்கிழமை ரூ. 97-க்கு விற்பனையான நிலையில், இன்று காலை ஒரு ரூபாய் குறைந்துள்ளது. புதன்கிழமை காலை நிலவரப்படி, ஒரு கிராம் வெள்ளியின் விலை ரூ. 96-ஆகவும், ஒரு கிலோ பார் வெள்ளியின் விலை ரூ. 96,000-க்கும் விற்பனை செய்யப்படுகிறது.