தொடர்ந்து 3வது நாளாக குறைந்த தங்கம் விலை: இன்னைக்கு ரேட் செக் பண்ணுங்க

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

சென்னையில் வாரத்தின் தொடக்க நாளான திங்கள் கிழமை (செப்.16) தங்கம் விலை ரூ.55 ஆயிரத்தை கடந்தது. அன்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.120 உயர்ந்து ரூ. 55,040-க்கு விற்பனையானது. ஒரு கிராம் தங்கம் ரூ.15 உயர்ந்து ரூ.6,680 ஆக இருந்தது.

தொடர்ந்து செவ்வாய்க் கிழமை, (செப்.17) சென்னையில் 22 கேரட் ஆபரணத் தங்கத்தின் விலை சவரனுக்கு ரூ.120 குறைந்து ரூ.54,920-க்கு விற்பனையானது. கிராமுக்கு ரூ.15 குறைந்து ரூ.6,865 ஆக இருந்தது.

புதன்கிழமையும் (செப்.18) தங்கம் விலை கணிசமாக குறைந்தது. நேற்று சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.120 குறைந்து ரூ.54,800-க்கு விற்பனையானது. ஒரு கிராம் ரூ.15 குறைந்து, ரூ.6,850 ஆக இருந்தது.

இந்நிலையில் தொடர்ந்து 3வது நாளாக இன்றும் (செப்.19) 22 கேரட் ஆபரணத் தங்கத்தின் விலை சவரனுக்கு மேலும் ரூ.200 குறைந்து ரூ.54,600-க்கு விற்பனையாகிறது. ஒரு கிராம் ரூ.25 குறைந்து, ரூ.6,825 ஆக உள்ளது.

அதேபோல் ஒரு கிராம் வெள்ளி, செவ்வாய்க்கிழமை ரூ. 97-க்கு விற்பனையான நிலையில், புதன்கிழமை மேலும் குறைந்து, ஒரு கிராம் வெள்ளியின் விலை ரூ.96-ஆகவும், ஒரு கிலோ பார் வெள்ளியின் விலை ரூ. 96,000-க்கும் விற்பனையானது. இன்றும் வெள்ளி விலை மாற்றமின்றி அதே விலைக்கு விற்பனையாகிறது.