மீண்டும் ஷாக் கொடுத்த தங்கம் விலை: சவரனுக்கு ரூ. 55 ஆயிரத்தை தாண்டி விற்பனை

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

சென்னையில் வாரத்தின் தொடக்க நாளான திங்கள் கிழமை (செப்.16) தங்கம் விலை ரூ.55 ஆயிரத்தை கடந்தது. அன்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.120 உயர்ந்து ரூ. 55,040-க்கு விற்பனையானது. ஒரு கிராம் தங்கம் ரூ.15 உயர்ந்து ரூ.6,680 ஆக இருந்தது.

அதன்பிறகு கடந்த 3 நாட்களாக தங்கம் விலை படிப்படியாக குறைந்தது. சென்னையில் வியாழக்கிழமை (செப்.19) 22 கேரட் ஆபரணத் தங்கத்தின் விலை சவரனுக்கு ரூ.54,600-க்கு விற்பனையானது. ஒரு கிராம் ரூ.6,825 ஆக இருந்தது.

இந்நிலையில், வாரத்தில் 2வது முறையாக இன்று மீண்டும் தங்கம் விலை ரூ.55 ஆயிரத்தை தாண்டியது. சென்னையில் இன்று (செப்.20) 22 கேரட் ஆபரணத் தங்கத்தின் விலை சவரனுக்கு ரூ.480 உயர்ந்து ரூ.55,080-க்கும், கிராமுக்கு ரூ.60 உயர்ந்து ரூ.6,885-க்கு விற்பனை செய்யப்படுகிறது

நேற்று ஒரு கிராம் வெள்ளியின் விலை ரூ.96-ஆகவும், ஒரு கிலோ பார் வெள்ளியின் விலை ரூ. 96,000-க்கும் விற்பனையானது. இன்று வெள்ளி விலை கிராமுக்கு ரூ.1.50 உயர்ந்து ரூ.97.50-க்கு விற்பனை செய்யப்படுகிறது. கிலோவுக்கு ரூ.1,500 உயர்ந்து பார் வெள்ளி ரூ.97,500-க்கு விற்பனையாகிறது.