தங்கம் வாங்குற பிளான் இருக்கா? இந்த சான்ஸ மிஸ் பண்ணிடாதீங்க

சென்னையில் சனிக்கிழமை (செப். 7) 22 கேரட் ஆபரணத் தங்கம் கிராமுக்கு ரூ.40 குறைந்தது. அதன்படி ஒரு கிராம் தங்கம் ரூ.6,680 ஆகவும், சவரன் ரூ.53,440-க்கும் விற்பனையானது.

இந்நிலையில் இன்று (செப். 9) ஆபரணத் தங்கத்தின் விலையில் மாற்றமின்றி ஒரு சவரன் ரூ.53,440-க்கும், ஒரு கிராம் ரூ.6,680-க்கும் விற்பனை செய்யப்படுகிறது.

18 காரட் தங்கம் விலையிலும் மாற்றமின்றி ஒரு கிராம் ரூ.5,472 ஆகவும், ஒரு சவரன் ரூ.43,776-க்கும் விற்பனை செய்யப்படுகிறது.

24 காரட் ஒரு கிராம் தங்கத்தின் விலை ரூ.7,135 ஆகவும் 8 கிராம் தங்கத்தின் விலை ரூ.57,080-க்கும் விற்பனை செய்யப்படுகிறது.

அதேநேரம் ஒரு கிராம் வெள்ளியின் விலை கிராமுக்கு 50 பைசா அதிகரித்து ரூ.90 ஆகவும், ஒரு கிலோ வெள்ளியின் விலை ரூ. 500 உயர்ந்து ரூ.90,000-க்கும் விற்பனையாகிறது.