சற்று குறைந்த தங்கம் விலை: இன்றைய விலை நிலவரம் என்ன?

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

ஏற்றமும், இறக்கமுமாக உள்ள தங்கம் விலை இன்று சற்று குறைந்துள்ளது. சென்னையில் இன்று (செப்.12) 22 கேரட் ஆபரணத் தங்கத்தின் விலை சவரனுக்கு ரூ.80 குறைந்து ரூ.53,640க்கு விற்பனை செய்யப்படுகிறது.

கிராமுக்கு ரூ.10 குறைந்து ஒரு கிராம் தங்கம் ரூ.6,705க்கு விற்பனை செய்யப்படுகிறது.

அதே நேரத்தில் முதலீட்டு நோக்கில் வாங்கப்படும் 24 கேரட் தூய தங்கத்தின் விலையும் குறைந்துள்ளது. கிராமுக்கு ரூ.10 குறைந்து ஒரு கிராம் ரூ.7,160க்கும், சவரன் ரூ.57,280க்கும் விற்பனை செய்யப்படுகிறது.

இந்நிலையில் இன்றும் வெள்ளியின் விலையில் மாற்றம் இல்லை. ஒரு கிராம் வெள்ளி ரூ.91.50க்கும், ஒரு கிலோ வெள்ளி ரூ.91,500க்கும் விற்பனை செய்யப்படுகிறது.