பண்டிகை காலத்தில் மாஸ் என்ட்ரி! ரூ.7.95 லட்சத்தில் சிட்ரோன் பசால்ட் எக்ஸ் கார் அறிமுகம்!

சிட்ரோன் இந்தியா நிறுவனம் தனது பசால்ட் எக்ஸ் (Basalt X) சீரிஸை அறிமுகப்படுத்தியுள்ளது. இதில் பல்வேறு பிரீமியம் அம்சங்கள் மற்றும் ஒரு புதிய இன்-கார் அசிஸ்டென்ட்டான 'CARA' ஆகியவை சேர்க்கப்பட்டுள்ளன. இந்த புதிய வாகனத்தின் விலை ரூ. 7.95 லட்சம் முதல் ரூ. 12.89 லட்சம் (எக்ஸ்-ஷோரூம்) வரை நிர்ணயிக்கப்பட்டுள்ளது. இந்த பண்டிகை காலத்தில் இருந்து டெலிவரிகள் தொடங்கும் என்றும், இந்த மாதத்தில் இருந்து டெஸ்ட் டிரைவ்கள் தொடங்கப்படும் என்றும் சிட்ரோன் தெரிவித்துள்ளது.

வடிவமைப்பு & எஞ்சின்

பசால்ட் எக்ஸ், சிட்ரோனின் 'ஷிஃப்ட் இன்டு தி நியூ' 2.0 திட்டத்தின் ஒருபகுதியாகும். இது, எஸ்யூவியின் கம்பீரமான தோற்றத்தையும், கூபே போன்ற சிலுவேட் வடிவமைப்பையும் கொண்டுள்ளது. அதே சமயம், சிட்ரோனின் பிரத்யேகமான சௌகரியமான பயண அனுபவத்தை இது தக்கவைத்துக்கொள்கிறது. இந்த கார் பல்வேறு எஞ்சின் மற்றும் வேரியண்ட் வகைகளில் கிடைக்கிறது.

PureTech 82 பெட்ரோல் எஞ்சின் (82bhp, 110Nm): மேனுவல் டிரான்ஸ்மிஷனுடன் வரும் இதன் ஆரம்ப விலை ரூ.7.95 லட்சம் (You வேரியண்ட்). இதே எஞ்சின் கொண்ட பிளஸ் (Plus) வேரியண்ட் ரூ. 9.42 லட்சம் என விலை நிர்ணயிக்கப்பட்டுள்ளது.

PureTech 110 டர்போசார்ஜ்டு எஞ்சின் (110bhp, 190Nm):

பிளஸ் மேனுவல் (Plus MT): ரூ. 10.82 லட்சம்

பிளஸ் ஆட்டோமேட்டிக் (Plus AT): ரூ. 12.07 லட்சம்

மேக்ஸ் மேனுவல் (Max MT): ரூ. 11.62 லட்சம்

மேக்ஸ் ஆட்டோமேட்டிக் (Max AT): ரூ. 12.89 லட்சம் மேற்கண்ட அனைத்து விலைகளும் எக்ஸ்-ஷோரூம் விலைகள் ஆகும்.

புதிய அம்சங்கள்

சி.ஏ.ஆர்.ஏ., சிட்ரோனின் புதிய பன்மொழி பேசும் இன்-கார் அசிஸ்டென்ட், மேக்ஸ் ஆட்டோமேட்டிக் வேரியண்டில் ஆரம்ப முன்பதிவுகளுக்கு ஸ்டாண்டர்டாக கிடைக்கும். இதுதவிர, சில விருப்ப அம்சங்களும் உள்ளன.

HALO 360° கேமரா சிஸ்டம்: ரூ.25,000

டூயல்-டோன் ரூஃப்: ரூ.21,000

ஸ்டாண்டர்ட் பசால்ட் மாடலை விட பசால்ட் எக்ஸ்-ல் பல மேம்படுத்தப்பட்ட அம்சங்கள் உள்ளன. அவற்றில் சில, ப்ராக்ஸி-சென்ஸ் பெப்ஸ் (Proxi-Sense PEPS), க்ரூஸ் கண்ட்ரோல், 7 வகையான வியூ மோட்களுடன் கூடிய ஹாலோ 360-டிகிரி கேமரா, ஆட்டோ-டிம்மிங் ஐ.ஆர்.வி.எம், வென்டிலேட்டட் சீட்கள், சாஃப்ட்-டச் லெதரெட் இன்டீரியர், கோல்டு நிற அசென்ட்கள், ஆம்பியன்ட் லைட்டிங், 10.24-இன்ச் இன்ஃபோடெயின்மென்ட் சிஸ்டம் மற்றும் 7-இன்ச் டிஜிட்டல் க்ளஸ்டர்.

பாதுகாப்பு அம்சங்களைப் பொறுத்தவரை, 6 ஏர்பேக்குகள், எலெக்ட்ரானிக் ஸ்டெபிலிட்டி கண்ட்ரோல், ஹில்-ஹோல்ட் கண்ட்ரோல், டயர் பிரஷர் மானிட்டரிங் சிஸ்டம், ஐ.எஸ்.ஓ.ஃபிக்ஸ் மவுண்ட்ஸ் மற்றும் அலாரம் ஆகியவை அனைத்து வேரியண்டுகளிலும் ஸ்டாண்டர்டாக கிடைக்கின்றன. காரின் 85% அமைப்பு ஹை-ஸ்ட்ரென்த் ஸ்டீல் கொண்டு உருவாக்கப்பட்டுள்ளது.

ரூ.8 லட்சத்திற்கும் குறைவான விலையில் தொடங்கும் பசால்ட் எக்ஸ், ஹூண்டாய் க்ரெட்டா, கியா செல்டோஸ், மாருதி சுசுகி கிராண்ட் விட்டாரா, மற்றும் டொயோட்டா அர்பன் க்ரூஸர் ஹைரைடர் போன்ற காம்பாக்ட் எஸ்யூவி மாடல்களுக்கு போட்டியாக களமிறங்கியுள்ளது. இதில் உள்ள பிரீமியம் அம்சங்கள் மற்றும் CARA என்ற புதிய தொழில்நுட்பம் மூலம், இந்த பரபரப்பான சந்தையில் தனக்கென ஒரு இடத்தைப் பிடிக்க சிட்ரோன் திட்டமிட்டுள்ளது.