ஆண்டுக்கு ரூ.1.11 லட்சம் வருமானம்: இந்த போஸ்ட் ஆபிஸ் ஸ்கீம் தெரியுமா?

Post Office Savings Scheme | போஸ்ட் ஆபிஸின் ‘மாதாந்திர வருமானத் திட்டம்’ நிலையான வருமானத்தைத் தேடும் தனிநபர்களுக்கு ஒரு இலாபகரமான வாய்ப்பை வழங்குகிறது.
இதன் மூலம், முதலீட்டாளர்கள் ஆண்டுக்கு ரூ. 1 லட்சத்து 11 ஆயிரம் வரை சம்பாதிக்கலாம். மேலும், இது நிதிப் பாதுகாப்பு மற்றும் ஸ்திரத்தன்மையை வழங்குகிறது.

திட்டத்தின் சிறப்புகள்

• டெபாசிட் செய்யப்பட்ட தொகைகள் பாதுகாப்பாக இருக்கும், முதலீட்டாளர்களுக்கு மன அமைதியை உறுதி செய்கிறது.
• இத்திட்டம் மாத வருமானம் ரூ. 9,250க்கு உத்தரவாதம் அளிக்கிறது, இது ஓய்வு பெற்றவர்களுக்கும் வழக்கமான வருமான வழிகளை நாடுபவர்களுக்கும் ஏற்றதாக இருக்கிறது.
• தற்போது, இந்தத் திட்டத்தில் 7.4% வட்டி விகிதம் கிடைக்கிறது.
• இந்தத் திட்டத்தில் அதிகபட்சமாக 5 ஆண்டுகள் வரை வருமானம் பெறலாம்.
• இந்தத் திட்டத்தின் கீழ், தனிநபர்கள் அதிகபட்சமாக ஒரு கணக்கில் ரூ.9 லட்சமும், கூட்டுக் கணக்கில் ரூ.15 லட்சமும் டெபாசிட் செய்யலாம்.

வட்டி வருமானம்

இந்தத் திட்டத்தில், ஒற்றைக் கணக்கில் ரூ.9 லட்சத்தை டெபாசிட் செய்வதன் மூலம் ஆண்டுக்கு ரூ.66,600 வட்டி கிடைக்கும். அதாவது மாதத்துக்கு ரூ.5,550 ஆகும்.
மேலும், கூட்டுக் கணக்கில் ரூ.15 லட்சத்தை முதலீடு செய்வதன் மூலம் ஆண்டுக்கு ரூ.1 லட்சத்து 11 ஆயிரம் வட்டி பெறலாம். மாத வருமானம் ரூ.9,250 ஆகும்.

தொடர்ந்து, 5 வருட காலப்பகுதியில், கூட்டுக் கணக்கிற்கு ரூ. 5 லட்சத்து 55 ஆயிரமாகவும், ஒரு கணக்கிற்கு ரூ. 3 லட்சத்து 33 ஆயிரமாகவும் மொத்த வட்டி வருவாய் கிடைக்கும்.
அந்த வகையில், அஞ்சல் அலுவலக மாதாந்திர வருமானத் திட்டம் தனிநபர்களின் பல்வேறு நிதித் தேவைகளைப் பூர்த்திசெய்து, செயலற்ற வருமானத்தை உருவாக்குவதற்கான நம்பகமான வழியை வழங்குகிறது என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“