உங்கள் கிரெடிட் ஸ்கோரை 800-ஆக உயர்த்த வேண்டுமா? இந்த சிம்பிள் டிப்ஸை ஃபாலோ பண்ணுங்க

உங்கள் கிரெடிட் ஸ்கோரை (Credit Score) 580-ல் இருந்து, 800 ஆக உயர்த்த விரும்புகிறீர்களா? இதனை சரியான நிதி பழக்கவழக்கங்கள் மற்றும் முறையான திட்டமிடல் மூலம் கணிசமாக உயர்த்தி, சிறந்த வட்டி விகிதத்தில் கடன் பெற முடியும். 

கிரெடிட் ஸ்கோர் 800 ஆக உயரும்போது, தனிநபர் கடன்களுக்கு (Personal Loan) மிகக் குறைந்த வட்டி விகிதங்களையும், உயர்தர கிரெடிட் கார்டுகளையும் பெற முடியும். தனிநபர் கடன் தவணைகள், கிரெடிட் கார்டு பில்கள் மற்றும் இ.எம்.ஐ-களை சரியான நேரத்தில் செலுத்துவது, 6 முதல் 12 மாதங்களுக்குள் உங்கள் கிரெடிட் ஸ்கோரில் ஒரு பெரிய முன்னேற்றத்தை ஏற்படுத்தும்.

கிரெடிட் ஸ்கோரை படிப்படியாக 580-ல் இருந்து 800 ஆக உயர்த்த உதவும் சில வழிமுறைகளை காணலாம்:

கட்டணங்களை சரியான நேரத்தில் செலுத்தவும்:

கிரெடிட் ஸ்கோரில் உங்கள் கட்டண வரலாறு (Payment History) மிக முக்கிய பங்கு வகிக்கிறது. ஒரே ஒரு தவறிய கட்டணம் கூட பல வருட நல்ல கடன் பழக்க வழக்கங்களை மோசமாக பாதிக்கலாம். இதைத் தவிர்க்க, உங்கள் தனிநபர் கடன் அல்லது கிரெடிட் கார்டு பில் கட்டணங்களை ஆட்டோ டெபிட் வசதி மூலம் செலுத்த ஏற்பாடு செய்யுங்கள். பெரும்பாலான வங்கிகள் மற்றும் நிதி நிறுவனங்கள் இந்த வசதியை வழங்குகின்றன. இது பணம் செலுத்துவதில் ஏற்படும் தவறுகளை தவிர்த்து, உங்கள் கடன் சுயவிவரத்தை ஆரோக்கியமாக வைத்திருக்க உதவும்.

கடன் பயன்பாட்டை (Credit Utilisation) குறைவாக வைத்திருங்கள்:

உங்கள் கடன் பயன்பாட்டு விகிதம் (Credit Utilisation Ratio) - அதாவது, உங்கள் மொத்தக் கடன்களின் இருப்புக்கும், உங்கள் மொத்த கடன் வரம்புக்கும் உள்ள விகிதத்தை 30% க்கும் குறைவாக வைத்திருக்க வேண்டும். 10% முதல் 20% வரையிலான வரம்பு இன்னும் சிறந்த நன்மைகளை வழங்குகிறது.

உதாரணமாக, உங்கள் கிரெடிட் கார்டில் ரூ. 1,00,000 கடன் வரம்பு இருந்தால், நீங்கள் ரூ. 30,000-க்கு மேல் பயன்படுத்தக்கூடாது.  மேலும், அதிக செலவு செய்யாமல் அதிக கடன் வரம்பை கோருவது அல்லது சரியான நேரத்தில் திருப்பிச் செலுத்துவது உங்கள் கடன் பயன்பாட்டை குறைக்க உதவும்.

கடன் அறிக்கையில் தவறுகள் இருந்தால் உடனடியாக சரி செய்ய வேண்டும்:

கடன் அறிக்கைகளில் பெரும்பாலும் தவறான பதிவுகள் இருக்கலாம். செலுத்தப்படாத கடன்கள், தவறான தேதிகள், தவறாக பட்டியலிடப்பட்ட கொடுப்பனவுகள் போன்றவை இதில் அடங்கும். இத்தகைய பிழைகளை சரிசெய்வது, இழந்த கிரெடிட் ஸ்கோரை மீட்டெடுக்க உதவும். மேலும், CIBIL, CRIF, Experian அல்லது Equifax போன்ற கடன் தகவல் நிறுவனங்கள் மூலம் உங்கள் கடன் அறிக்கையைத் தொடர்ந்து கண்காணிப்பது (Regular Monitoring) அவசியம் ஆகும்.

இந்த வழிமுறைகளை பின்பற்றுவதன் மூலம், உங்கள் கிரெடிட் ஸ்கோரை படிப்படியாக 580-ல் இருந்து 800 ஆக உயர்த்தி, சிறந்த நிதி எதிர்காலத்திற்கான இலக்கை அடைய முடியும்.