/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2021/12/epfo.jpg)
EPFO alerts members for online fraud: ஊழியர்களின் வருங்கால வைப்பு நிதி அமைப்பு (EPFO) அதன் உறுப்பினர்களுக்கு EPFO விவரங்களை சமூக ஊடக தளங்களில் அல்லது OTP மூலம் தொலைபேசியில் பகிர்வதைத் தவிர்க்குமாறு அறிவுறுத்தியுள்ளது. மேலும் உறுப்பினர்கள் பண இழப்பை தவிர்க்க டிஜிலாக்கரை பயன்படுத்துமாறும் EPFO கேட்டுக் கொண்டுள்ளது.
"#EPFO தனது உறுப்பினர்களை ஆதார் எண், பான் எண், UAN, வங்கி கணக்கு அல்லது OTP போன்ற தனிப்பட்ட விவரங்களை தொலைபேசி அல்லது சமூக ஊடகங்களில் பகிர்ந்து கொள்ளுமாறு ஒருபோதும் கேட்பதில்லை" என்று EPFO சமீபத்தில் தனது அதிகாரப்பூர்வ ட்விட்டர் பக்கத்தில் இருந்து ட்வீட் செய்துள்ளது.
ஆதார் எண், பான் எண், UAN, வங்கிக் கணக்கு, தொலைபேசி மூலம் ஓடிபி, சமூக ஊடகங்கள், வாட்ஸ்அப் மற்றும் பிற தனிப்பட்ட விவரங்களை EPFO ஒருபோதும் கேட்காது என்பதை EPFO உறுப்பினர்கள் கவனிக்க வேண்டும். மேலும், EPFO எந்தவொரு சேவைகளுக்கும் வாட்ஸ்அப் அல்லது சமூக ஊடகங்கள் மூலம் பணத்தை டெபாசிட் செய்ய ஒருபோதும் கேட்காது.
மேலும், EPFO அதன் உறுப்பினர்களுக்கு இதுபோன்ற அழைப்புகள் அல்லது தனிப்பட்ட விவரங்களைக் கேட்கும் செய்திகளுக்கு ஒருபோதும் பதிலளிக்க வேண்டாம் என்று அறிவுறுத்தியுள்ளது, ஏனெனில் அவை அனைத்தும் மோசடியான செயல்கள், இதன் மூலம் நீங்கள் உங்கள் பணத்தை இழக்கலாம் என்று EPFO தெரிவித்துள்ளது.
EPFO உறுப்பினர்கள் தங்கள் ஆவணங்களை ஆன்லைனில் எவ்வாறு பாதுகாப்பாக வைத்திருப்பது என்பதை அறிந்திருக்க வேண்டும் என EPFO வலியுறுத்தியுள்ளது. இதற்காக உறுப்பினர்கள் DigiLocker இல் கிடைக்கும் சில EPFO சேவைகளை பயன்படுத்திக் கொள்ள வேண்டும் என்று கூறியுள்ளது.
DigiLocker என்பது ஆவணங்கள் மற்றும் சான்றிதழ்களை சேமிப்பதற்கும் பகிர்வதற்கும் சரிபார்ப்பதற்கும் பாதுகாப்பான கிளவுட் அடிப்படையிலான தளமாகும். ஆண்ட்ராய்டு மற்றும் iOS சாதனங்களில் பதிவிறக்கம் செய்ய இந்த ஆப்ஸ் கிடைக்கிறது.
DigiLocker இல் கிடைக்கும் EPFO சேவைகள்:
1) UAN அட்டை
2) ஓய்வூதியம் செலுத்தும் ஆணை (PPO)
3) திட்டச் சான்றிதழ்
டிஜிலாக்கரில் மேலே குறிப்பிடப்பட்ட சேவைகளைப் பெறுவதற்கு, முதலில் டிஜிலாக்கரில் பதிவு செய்ய வேண்டும் என்பதை EPFO உறுப்பினர்கள் அறிந்திருக்க வேண்டும். பின்னர் ஒருவர் தன்னைச் சரிபார்த்துக் கொள்ள வேண்டும், அதன் பிறகு ஒருவர் டிஜிலாக்கரில் ஆவணங்களைப் பெற வேண்டும்.
இது தொடர்பான கேள்விகள் மற்றும் கூடுதல் விவரங்கள் இருந்தால், EPFO உறுப்பினர்கள் epfindia.gov.in என்ற அதிகாரப்பூர்வ EPFO இணையதளத்தை பார்வையிடவும்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
Stay updated with the latest news headlines and all the latest Lifestyle news. Download Indian Express Tamil App - Android or iOS.